ԿԻՆ: Անպտղություն
Արգանդի խոռոչի ախտաբանությունն անպտղության պատճառ․ հարցազրույց Արմինե Սայադյանի հետ. morevmankan.am
Արգանդի խոռոչի ախտաբանությունը կամ էնդոմետրիալ գործոնն անպտղության հաճախ հանդիպող պատճառներից է: Այն նաև ԱՄԲ անհաջողությունների հիմնական պատճառներից է. չէ՞ որ նույնիսկ գերազանց որակի սաղմի իմպլանտացիայի համար անհրաժեշտ պայման է առողջ էնդոմետրիումը և լիարժեք արգանդի խոռոչը:
Արգանդի խոռոչի հաճախ հանդիպող ածտաբանություններից է Աշերմանի համախտանիշը՝ կպումներ, սինեխիաներ՝ արգանդի խոռոչում:
Որո՞նք են արգանդի խոռոչի ախտաբանության անպտղության պատճառները։
Առաջացման պատճառներն են․
- նախկինում հղիության ընդհատումները,
- անամնեզում արգանդի խոռոչի միջամտությունները,
- չզարգացող հղիությունները,
- բարդացած ծննդաբերությունները (ընկերքի սերտաճում, արյունահոսություն),
- արգանդի պարանոցի վիրահատությունը ( կոնիզացիա, ամպուտացիա)ը
- քրոնիկ վարակները,
- ներարգանդային պարույրի տեղադրման հետևանքները։
Որո՞նք են արգանդի խոռոչի կպումների դեպքում գանգատները։
Արգանդի խոռոչում կպումների դեպքում կնոջ առավել հաճախ հանդիպող գանգատներն են.
- դաշտանային ցիկլի բացակայությունը,
- դաշտանային արյան քանակի և տևողության նվազումը,
- դաշտանի ժամանակ սուր ցավերը,
- որպես հետևանք, անպտղությունը։
Ինչպե՞ս է ախտորոշվում։
Ներարգանդային սինեխիաները կարող են հայտնաբերվել հետևյալ հետազոտությունների արդյունքում․
- հիստերոսալպինոգրաֆիա,
- ուլտրաձայնային հետազոտություն (ՈՒՁՀ)։
Առավել տեղեկատվական է հիդրոսոնոգրաֆիայի մեթոդը, երբ ՈՒՁՀ-ն իրականացվում է հատուկ կաթետերով արգանդի խոռոչ ֆիզիոլոգիական լուծույթի ներարկումից հետո:
Ինչպե՞ս բուժել արգանդի խոռոչի ախտաբանությունը։
Բուժումը կարող է երկարատև լինել, այն կախված է կպումների տարածման աստիճանից, դրանց կառուցվածքից (կոպիտ կամ փխրուն):
Բուժման արդյունավետ մեթոդ է հիստերոսկոպիան, որը թույլ է տալիս գնահատել արգանդի խոռոչի և արգանդի վզիկի խողովակի վիճակը, հայտնաբերել կպումները և անջատել դրանք՝ առավելագույն չվնասելով էնդոմետրիումը։ Հաճախ հարկ է լինում կատարել կրկնակի հիստերոսկոպիա՝ արգանդի խոռոչի անատոմիայի լիարժեք վերականգման համար։
Վիրահատությունների միջև պացիենտին նշանակվում է հորմոնալ բուժում՝ ախտահարված հատվածներում էնդոմետրիումի աճի խթանման համար, ինչը անհատական բնույթ է կրում։
Հաջողված բուժումը ենթադրում է․
- դաշտանային ցիկլի վերականգնում,
- ցավի թեթևացում՝ դաշտանային ցիկլի ընթացքում,
- հղիություն և առողջ երեխաների ծնունդ։
Կարդացեք նաև
Warning: mysqli::query(): (HY000/1): Can't create/write to file '/var/tmp/MYMzfOg5' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384