Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Սնունդը և առողջությունը

Գինին` աշխարհի ամենաքաղաքակիրթ հաճույք. Սալուտեմ ամսագիր №4

Գինին` աշխարհի ամենաքաղաքակիրթ հաճույք. Սալուտեմ ամսագիր №4

21-րդ դարում մասնագետներն այն կարծիքին են, որ մարդը չափավոր քանակով գինի խմելով՝ կամրապնդի իր օրգանիզմը։
Հիշեցնենք, որ ցանկացած սպիրտային ըմպելիք օրգանիզմի համար օգտակար է միայն չափավոր քանակով. չափից ավելի կիրառումը առողջության վրա բացասաբար է անդրադառնում։


Գինու ստեղծման պատմությունից


Գինին խաղողի հյութի խմորման արդյունք է, այն 9-20% ալկոհոլ պարունակող բարդ ըմպելիք է։ Դժվար է պատկերացնել քիմիական միացությունների այն հսկայական քանակությունը, որը մտնում է գինու բաղադրության մեջ. հայտնի է գինու մոտավորապես 600 բաղադրիչ։ Այս բարդ քիմիական միացությունները գինու մեջ առկա են շատ փոքր քանակությամբ, սակայն չափազանց կարևոր դեր են խաղում համային և հոտային որակների ստեղծման գործում։


Հին Հունաստանում գինին համարվում էր ջրից օգտակար, իսկ նրա հակամանրէական ազդեցությունը կասկած չէր հարուցում։ Հռոմեացի լեգեոներներն արշավների ժամանակ միշտ իրենց հետ գինի էին տանում՝ առնվազն դիզենտերիան կանխարգելելու համար։ Նույնիսկ դեղորայքը լուծում էին գինու և ոչ ջրի մեջ։


Աշխարհում գոյություն ունի խաղողի շուրջ 200 տեսակ, որոնցից գինի են պատրաստում։ Այս ըմպելիքը դասակարգվում է ըստ պատրաստման տեխնոլոգիայի, գույնի, ալկոհոլի պարունակության և տարբերվում է շաքարի քանակով, հումքի տեսակով, որակով և հնացման ժամանակով։


Խաղողի կարմիր տեսակներից գինու պատրաստման տեխնոլոգիան առանձնահատուկ է. գինու խմորումը տեղի է ունենում կեղևի և կորիզների առկայության դեպքում, այդ պատճառով շատ օգտակար նյութեր են առաջանում։ Մեծ դեր են խաղում նաև կաղնու փայտից պատրաստված տակառները, որոնց մեծ պահվում է գինին։ Այս պատճառով կարմիր գինին առողջության համար ամենաօգտակարն է։ Կարմիր գինին օգտակար է հիմնականում ի հաշիվ ռեսվերատրոլի, որը գրեթե լիովին բացակայում է սպիտակ գինիների մեջ։


Գինի պատրաստում են նաև այլ մրգերից և հատապտուղներից՝ նռից, խնձորից, սալորից, բալից և այլն։


Գույություն ունի նաև փրփրուն գինի, որը երկրորդային խմորման ընթացքում հագեցնում են ածխաթըթու գազով։ Աշխարհում ամենահայտնի փրփրուն գինին շամպայնն է, որը պատրաստում են Ֆրանիսայի Շամպայն նահանգում առաջին անգամ հայտնագործած և գործադրած տեխնոլոգիայով։

 

Գինին` աշխարհի ամենաքաղաքակիրթ հաճույք


Էնոթերապիա՝ գինեբուժություն


Գինու բուժական և դիետիկ հատկությունները համընդհանուր ճանաչում ունեն։ Գինին «աստվածային ըմպելիք» է, և չափավոր խմելու դեպքում դրսևորում է իր առանձնահատուկ բուժական ազդեցությունը։ Իրականացված բազմաթիվ հետազոտություններն ապացուցել են, որ այս ըմպելիքն ակտիվացնում է իմունային համակարգը, կարգավորում է սրտի աշխատանքը և դանդաղեցնում է օրգանիզմի ծերացումը։


Երբեմն գինով փոխարինում են այն պատրաստուկները, որոնք հիվանդի վրա կողմնակի ազդեցություններ ունեն։ Սրտային անբավարարությամբ հիվանդներին աթերոսկլերոզի դեպքում նշանակվում է սպիտակ գինի` հանքային ջրով, օրական մոտավորապես 0,5 լիտր։


Կաբեռնետ, սապերավի կարմիր գինիները դաբաղային նյութերի մեծ պարունակության շնորհիվ օգտակար են ստամոքսի խանգարումների, սակավարյունության, տուբերկուլոզի սրացման ժամանակ: Կարմիր գինին կործանիչ է բացիլների համար, խթանում է ախորժակը:


Մեծ քանակությամբ հանքային նյութեր պարունակող գինիներն օգտակար են ոսկրային համակարգի հիվանդությունների և կոտրվածքների ժամանակ: Ավիտամինոզի ժամանակ կարելի է խմել ցանկացած տեսակի գինի:


Բրոնխիտը, գրիպը, թոքերում բորբոքային գործընթացները բուժում են գլինտվեյնով՝ տաք գինով, որի մեջ լուծում են շաքար կամ մեղր, ավելացնում տարբեր համեմունքներ։ Նույնիսկ, եթե գինին կիսով չափ նոսրացվի ջրով, այնուամենայնիվ, կօգնի պաշտպանվել աղիքային վարակից, կսպանի տիֆի հարուցիչը:

 

Խաղողի գինին փոխարինում է քնաբերներին. 150 գրամը ցրում է բոլոր տագնապներն ու վախերը՝ ապահովելով հաճելի, հանգիստ և առողջ քուն։


Ի դեպ, տարեցների վրա բուժական ազդեցության համար մեծ նշանակություն ունի այն, որ խաղողի գինու սպիրտը ստեղծում է հաճելի հանգստի տրամադրություն, ինչի արդյունքում ցրվում են ծերունական վախերը, անհանգստությունները, լավանում է քունը:


Վերջին տասնամյակում խաղողի և գինու մեջ հայտնաբերվել և բացահայտվել են պոլիֆենոլների դասին պատկանող ավելի քան 30 միացություններ՝ պրոանտոցիանիդոլներ: Դրանց օգտակար ազդեցությունն օրգանիզմի վրա հսկայական է և լիովին ուսումնասիրված չէ:

 

Սակայն հայտնի է, որ դրանք հզոր հակաօքսիդանտներ են, չեզոքացնում են ազատ ռադիկալները, պաշտպանում են արևային ճառագայթումից, կանխում են արյան մեջ խոլեսթերինի մակարդակի բարձրացումը, ինչն իր հերթին կանխում է անոթներում ճարպային վահանիկների առաջացումը և աթերոսկլերոզի զարգացումը:


Չմոռանանք հիշեցնել, որ գինեբուժությամբ զբաղվելուց առաջ պետք է անպայման պարզել անհատական ընկալունակությունը գինու, ալկոհոլային խմիչքների նկատմամբ:

 

Գինին` աշխարհի ամենաքաղաքակիրթ հաճույք


Գինին որպես հակասեպտիկ


Ըստ գիտական հետազոտությունների՝ սպիրտը, ինչպես նաև սպիտակ և կարմիր գինին, օժտված են վարակազերծիչ հատկություններով: 1 բաժակ ջրին ավելացրած մի քանի կաթիլ գինին հավասարապես ոչնչացնում է կոլիբակտերիաները, սալմոնելաները:


Ուշադրություն: Գիտականորեն ապացուցված է, որ եթե ջրի մեջ բնական գինի ավելացվի (գինու չափաբաժինը` 1/3), ապա մեկ ժամ անց ջուրը մաքրված կլինի տարբեր հարուցիչներից, մանրէներից:


Գինին պետք է խմել միայն ուտելու ժամանակ, առանց շտապելու, վայելելով հաճույքը՝ ասես համտեսելով: Քչերը գիտեն, որ կարմիր գինին գերադասելի է խմել ուտելուց առաջ, քանի որ բաղադրության մեջ կան քիչ քանակով երկաթի միկրոտարրեր, որոնք օգնում է երկաթի յուրացմանը:


Ընդունված է գինու թույլատրելի և անվտանգ չափաբաժին համարել շաբաթական 2-3 բաժակը: Գինու օրական չափաբաժինը տղամարդկանց համար մեկ բաժակ է (100-150 մլ), կանանց համար՝ կես բաժակ (50-75 մլ):


Այս նորման առողջների և այն մեծահասակների համար է, որոնք չունեն հետևյալ հակացուցումները.

 

  • ստամոքսաղիքային ուղու հիվանդություններ՝ ստամոքսի և տասներկումատնյա աղու խոց, գաստրիտ, պանկրեատիտ,
  • միգրեն,
  • հղիություն և կրծքով կերակրում,
  • սրտի իշեմիկ հիվանդություն կամ գերճնշման սրացում,
  • դեպրեսիա,
  • լյարդի դիսֆունկցիա,
  • պոդագրա,
  • դիաբետ,
  • ճարպակալում,
  • երիկամների, լյարդի հիվանդություններ:


Կարմիր գինին կարող է միգրեն առաջացնել, գլխապտույտ, ալերգիա, ուստի խորհուրդ չի տրվում ինքնուրույն զբաղվել գինեբուժությամբ: Նման փորձ անելուց առաջ անպայման խորհրդակցեք բժշկի հետ:


Գինի գնելիս ինչպես կատարել ճիշտ ընտրություն


Կարևոր է հաշվի առնել խմիչքի թափանցիկությունը: Շիշն ուղղեք դեպի լույսը և կտրուկ շրջեք: Եթե պարունակությունը մնա թափանցիկ՝ վառ փայլով, խմիչքը լավն է: Նստվածքի առկայության և գինու պղտորման դեպքում որակը կասկածելի է: Նստվածք կարող են ունենալ միայն թանկարժեք ֆիրմային և տնային գինիները:


Գինու որակը կարելի է որոշել նաև վերջինիս գույնով. խմիչքը մոտեցնել սպիտակ ֆոնին և ուշադիր զննել. որքան գույնը հագեցած և վառ է, այնքան գինին երիտասարդ է:


Ինչպես պետք է խմել գինին


Խորհուրդ է տրվում բացել գինին, թողնել, որ այն շնչի գոնե 10 րոպե և վայելել նրա բույրը: Հարկ չկա այն ջրի նման խմել, ավելի լավ է կում անել և մի 1-2 վայրկյան պահել լեզվի հետին մասում՝ համային ռեցեպտորներին հնարավորություն տալով լիովին զգալ համը: Կարևոր է նաև խմել ոչ մեծ կումերով:


Սեղանի սպիտակ գինին մատուցվում է նախուտեստի, թեթև մսային և ձկնային ճաշատեսակների հետ: Բնական չոր, կիսաչոր և կիսաքաղցր գինին լավ համակցվում է բանջարեղենային ուտեստների հետ: Կարմիր չոր գինին համադրվում է ոչխարի, հորթի, որսի մսի և թռչնամսի, խորովածի, փլավի, խաշած խոզի մսի հետ։

 

Գինին` աշխարհի ամենաքաղաքակիրթ հաճույք


Գինու յուրաքանչյուր տեսակ մատուցվում է տարբեր ջերմաստիճաններում.

 

  • տանինով հագեցած կարմիր գինին՝ 18-20°C,
  • թեթև կարմիրը՝ 14-16°C,
  • թեթև սպիտակը՝ 12-14°C,
  • շամպայնը՝ 6-7°C-ից ոչ ցածր:
 

Ինչպես և որքան պահել գինին


Գինու պիտանիության ժամկետը պայմանավորված է վերջինիս տեսակով՝ սպիրտի, շաքարի, թթուների և դաբաղող նյութերի պարունակությամբ: Սպիտակ գինիները հիմնականում պահպանվում են 2-3 տարի, կարմիրները՝ 2-10 տարի: Որոշ էլիտար գինիներ պահպանվում են մինչև 100 տարի: Շշերով պահելու օպտիմալ ջերմաստիճանն է 10-15°С-ը՝ 60-80% խոնավության պայմաններում:


Եթե շիշը բացել եք և գինին մինչև վերջ չեք խմել, անհրաժեշտ է հերմետիկ փակել խցանով և դնել սառնարանում: Այսպես փրփրուն գինին կարող է պահպանվել մինչև 24 ժամ, սպիտակը՝ մինչև 3 օր, կարմիրը՝ մինչև 5, թնդեցվածը՝ մինչև 7 օր:


«Առողջ և հիվանդ մարդու համար գինին և մեղրը լավագույն միջոցներն են, եթե դրանք բնական են և ճիշտ են կիրառվում»։


Հիպոկրատ՝ անտիկ հույն բժիշկ


«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Սկզբնաղբյուր. «Սալուտեմ» առողջ ապրելակերպի ամսագիր, N4
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ամանորի տոնական սեղանի ամենավտանգավոր մթերքը. Սալուտեմ ամսագիր №4
Ամանորի տոնական սեղանի ամենավտանգավոր մթերքը. Սալուտեմ ամսագիր №4

Ամանորի սեղանն օրգանիզմի համար ծանր փորձություն է՝ սեղանին բազմաթիվ խոհարարական գլուխգործոցներ են հայտնվում, որոնց գայթակղությանը դիմանալը պարզապես անհնար է։ Սակայն բժիշկները խորհուրդ չեն տալիս...

Ամեն ինչ տոն օրերի մասին Սալուտեմ 4.2021
Ինչպես երկար պահպանել ամանորյա ճաշատեսակները. ԱՀԿ. Սալուտեմ ամսագիր №4
Ինչպես երկար պահպանել ամանորյա ճաշատեսակները. ԱՀԿ. Սալուտեմ ամսագիր №4

Առողջապահության համաշխարհային կազմակերպության (ԱՀԿ) սննդամթերքի անվտանգության ստորաբաժանման փորձագետ Պիտեր Բեն Էմբարեկը պատմել է, որ ընդհանրապես, չարժե սննդի մեջ կիրառել կամ մարդկանց...

Ամեն ինչ տոն օրերի մասին Սալուտեմ 4.2021
Ինչպես ճիշտ սնվել տոնական օրերին. Սալուտեմ ամսագիր №4
Ինչպես ճիշտ սնվել տոնական օրերին. Սալուտեմ ամսագիր №4

Գրագետ սնվելու ստորև ներկայացված կանոնները կօգնեն ձեզ տոնական օրերին խուսափել մարսողական խնդիրներից։


Մենք սիրում ենք Ամանորի ավանդական սեղանները ծանրաբեռնել բազմապիսի մսեղենով։ Եվ հաճախ մարդիկ ստիպված են...

Ամեն ինչ տոն օրերի մասին Սալուտեմ 4.2021
ՀՀ ԱՆ. Մթերքը պահելու, կերակուր պատրաստելու կանոններ
ՀՀ ԱՆ. Մթերքը պահելու, կերակուր պատրաստելու կանոններ

Տոնական օրերին սննդային թունավորումներից զերծ մնալու համար  հարկավոր է...

Ածխաջրերը սննդակարգում. armeniamedicalcenter.am
Ածխաջրերը սննդակարգում. armeniamedicalcenter.am

Ածխաջրերը մարդկային օրգանիզմի էներգիայի աղբյուրն են. նրանց ընդամենը 1 գրամին համապատասխանում է 4 կալորիա էներգիա:

Օրգանիզմում ածխաջրերի քայքայման արդյունքում առաջանում է գլյուկոզա, որը խիստ կարևոր է հյուսվածքային...

Ինչպես ընտրել լավ շամպայն. Սալուտեմ ամսագիր №4
Ինչպես ընտրել լավ շամպայն. Սալուտեմ ամսագիր №4

Որքան էլ հակասական լինի շամպայնի օգտակարության մասին տեղեկատվությունը, այնուամենայնիվ, ամանորյա սեղաններն անհնար է պատկերացնել առանց այս խմիչքի: Ուստի խորհուրդները` ինչպե՞ս ընտրել լավ շամպայն, արժանի են ուշադրության...

Ամեն ինչ տոն օրերի մասին Սալուտեմ 4.2021
Ամանորի սեղան երեխաների համար. ինչպես կերակրել փոքրիկին տոնական օրերին. Սալուտեմ ամսագիր №4
Ամանորի սեղան երեխաների համար. ինչպես կերակրել փոքրիկին տոնական օրերին. Սալուտեմ ամսագիր №4

Ամանորի գիշերը տարվա ամենակախարդական գիշերն է՝ հատկապես երեխաների համար. նվերներ Ձմեռ պապից, անզուսպ ուրախություն և անհամար քաղցրավենիք: Իսկ որպեսզի քաղցրավենիքի առատությունը չանդրադառնա երեխաների առողջության վրա...

Երեխայի սնուցումը Ամեն ինչ տոն օրերի մասին Սալուտեմ 4.2021
Մրգային չրեր. ամառային էներգիա ամբողջ տարին. Սալուտեմ ամսագիր №4
Մրգային չրեր. ամառային էներգիա ամբողջ տարին. Սալուտեմ ամսագիր №4

Չրերը վաղուց արդեն դարձել են մեր սննդի անբանժան մասը, սիրված քաղցրավենիք։ Հատուկ տեխնոլոգիաներով պատրաստված ջրազրկված այս պտուղները լայն կիրառում ունեն սննդի մեջ թե՛ որպես հրաշալի այլընտրանք, թե՛ որպես առանձին ուտեստ...

Սալուտեմ 4.2021
Սնունդն ու ծերացումը. urolog.am
Սնունդն ու ծերացումը. urolog.am

Տարիքի առաջացման հետ մեկտեղ, փոխվում են տղամարդու սննդի կարիքներն ու կալորիաների այրումը։ Ուստի անհրաժեշտ է իմանալ յուրաքանչյուր տարիքի համար սննդի տեսակի, կարևորության, վտանգավորության, քանակության...

Ծերություև և երկարակեցություն
Ամառային ըմպելիքներ. Սալուտեմ ամսագիր №3
Ամառային ըմպելիքներ. Սալուտեմ ամսագիր №3

Ստորև ներկայացվում են ամենատարածված ըմպելիքները, որոնք բժիշկները խորհուրդ են տալիս գործածել ամռանը ծարավը հագեցնելու համար։ Դրանցից յուրաքանչյուրի օգտակարությունը գնահատվել է տասը բալանոց սանդղակով...

Սալուտեմ 3.2021
Ծիրանը ժողովրդական բժշկության մեջ և կոսմետոլոգիայում
Ծիրանը ժողովրդական բժշկության մեջ և կոսմետոլոգիայում

Բոլորիս հայտնի է արևահամ այս պտուղը։ Նուրբ և հյութալի պտղամիսը, թավշյա կեղևը ոչ մեկին անտարբեր չի թողնում։
Հայաստանում գեթ մեկ անգամ եղած ճանապարհորդները, ովքեր հնարավորություն են ունեցել փորձելու...

Սալուտեմ 2.2021
Հանքային ջրեր. Սալուտեմ ամսագիր №2
Հանքային ջրեր. Սալուտեմ ամսագիր №2

Հանքային ջրերի մասին հիշատակումներ կան դեռևս մ.թ.ա. XV դարի հնդկական Վեդաներում։ Մարդիկ հնուց հանքային ջրերն օգտագործում էին հիվանդությունների կանխարգելման և բուժման համար։ Հանքային ջրերի արդյունավետության...

Սալուտեմ 2.2021
Սերկևիլը ժողովրդական բժշկության մեջ. Սալուտեմ ամսագիր № 1
Սերկևիլը ժողովրդական բժշկության մեջ. Սալուտեմ ամսագիր № 1

Սերկևիլի պտուղները, տերևները և սերմերը վաղուց օգտագործում են բժշկության մեջ և կոսմետոլոգիայում: Թարմ վիճակում սերկևիլի պտուղները հաճախ ունենում են թթու և տտիպ համ: Սովորաբար պտուղներն օգտագործում են...

Սալուտեմ 1.2021
Տղամարդու առողջության օգտակար սննդամթերքներ. urolog.am
Տղամարդու առողջության օգտակար սննդամթերքներ. urolog.am

Սպանախ
Սպանախը նպաստում է տեստոստերոնի մակարդակի բարձրացմանը, և ֆոլաթթվի հարուստ աղբյուր է...

Առողջ տղամարդ

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ