Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք

Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք

Այրվածքաբանության ազգային կենտրոնը հիմնադրվել է 1995թ.՝ Դավիթաշեն վարչական շրջանում գործող առանձին մասնաշենքում։ Մինչև այդ, տևական ժամանակ, գործել է թիվ 6 հիվանդանոցի տարածքում։ Ձևավորման փուլում կենտրոնն ունեցել է ընդամենը մեկ բաժանմունք, որը զբաղվել է ճառագայթային հիվանդության բուժմամբ:

 

«Հիմա ամեն բան այլ է» - նշում է հիվանդանոցի փոխտնօրեն Կարինե Բաբայանը, ով մասնագիտությամբ այրվածքաբան է, և արդեն երեք տարի է, ինչ մասնագիտությունից զատ, կատարում է նաև վարչարարական աշխատանքներ: Նա թվարկում է բաժանմունքներն ու առանձնահատուկ շեշտադրում վերակենդանացման ու անզգայացման բաժանմունքը, որն՝ իր իսկ խոսքերով, նոր տարածքում ստեղծելն օրակարգում առաջինն է եղել։ Նախքան բաժանմունքի մասին խոսելը, մատնանշում է գործող լաբորատոր (արյան կլինիկական և կենսաքիմիական, թթվահիմնային և էլեկտրոլիտային հետազոտություններ, կոագուլոգրամմա, շճաբանական և իմունոլոգիական հետազոտություններ, մեզի ընդհանուր հետազոտություն և այլն) և գործիքային ախտորոշիչ ծառայությունները (ՈՒՁՀ, ռենտգենոգրաֆիա/սկոպիա, ԷՍԳ, ԷխոՍԳ, սցինտիգրաֆիա)։

 

 

 

 

Փոխտնօրենը պատմում է, որ վերջին տարիներին բավականին մեծ աշխատանքներ են տարվել՝ կենտրոնը բարելավելու ուղղությամբ։

 

Վերակենդանացման բաժանմունքը զինվել է նոր բժշկական տեխնիկայով (կան բազմապիսի շնչառական սարքեր, նոր մոնիտորներ), կան բոլոր անհրաժեշտ միջոցները` բուժառուին դժվար իրավիճակներից դուրս բերելու համար։ 2020 թ. պատերազմի ընթացքում՝ ՀՀ առողջապահության նախարարության հանձնարարականով և աջակցությամբ ստեղծվեց շտապ բուժօգնության ծառայություն, որը զբաղվում էր վիրավոր զինվորների տեղափոխությամբ, իսկ պատերազմից հետո` կորոնավարակով բուժառուների սպասարկմամբ (հեռ.` 8033):

 

«Վերակենդանացման բաժանմունքն ունի իր առանձնահատկությունները, և զգալիորեն տարբերվում է այլ բուժհաստատություններում գործող նմանատիպ ծառայություններից։ Այն համարվում է 3-րդ դասի վերակենդանացման բաժանմունք: Սակայն կենտրոնում բարեկարգման աշխատանքների կարիք կա. սայլը տեղից դանդաղ է շարժվում։ Պատճառը  ֆինանսական խնդիրներն են, չկա հովանավորչական աջակցություն»,- ասում է տիկին Բաբայանը։

 

 

 

Խոսելով կենտրոնի ձեռքբերումներից ու հաջողություններից, նա նշում է, որ կենտրոնում այսօր բազմապիսի բարդ վիրահատություններ են իրականացվում։ Խոսքը նեկրէկտոմիայի (հյուսվածքների մեռուկացած գոտիների հեռացում), ամպուտացիաների (վերջույթի անդամահատում), պլաստիկ-ռեկոնստրուկտիվ վիրահատությունների մասին է։

 

«Հաճախ մեր կենտրոն ընդունված բուժառուն բավականին խորը այրվածքներ է ունենում, և անհրաժեշտություն է լինում կատարել նեկրէկտոմիա։ Ինչ խոսք, «բարբարոս» վիրահատություն է, որը կատարվում է ընդհանուր անզգայացմամբ, և հեռացվում է մարմնի մակերեսի մինչև 10-15 տոկոսը։ Դա արագացնում է տուժածի վերականգնման փուլը, նվազագույնի հասցնում թունավորման գործընթացը»,- ասում է մեր զրուցակիցն ու հավելում, որ, բարեբախտաբար, կենտրոնում կան բանիմաց երիտասարդ մասնագետներ, թեև կենտրոնի աշխատանքը, թող անհամեստ չհնչի, բարդ է, ֆինանսապես էլ՝ այսպես ասած, ոչ «հրապուրիչ»։

 

 

 

Խոսելով կենտրոնում առկա խնդիրների մասին, փոխտնօրենն ասում է, որ մաշկափոխարինիչների պակաս կար, բայց, դա իր լուծումն ունեցավ՝ արտերկրյա գործընկերների շնորհիվ։

 

«Գոյություն ունեն մաշկափոխարինիչներ, որոնք աշխարհում սինթեզված են քիչ քանակով։ Զարգացած երկրների այրվածքաբանական կենտրոններում մաշկափոխարինիչներ  բավականին շատ են կիրառվում: Մենք օգտագործում ենք այն ժամանակ, երբ մեզ օգնության ձեռք են մեկնում։ Պետք է նշեմ, որ այդ կլինիկաներում օգտագործում է նաև կոնսերվացված մարդկային մաշկ։ Կան հատուկ բանկեր, որտեղ մահացած մարդկանց մաշկ են կոնսերվացնում: Ցանկալի է, որ մեր երկրում նույնպես ստեղծվի նմանատիպ բանկ, որը կարող է տարածաշրջանում լինել միակը։

 

Կենտրոնը մշտապես կապի մեջ է արտերկրյա գործընկերների հետ, որոնք պատերազմի օրերին մեզ այցելած ժամանակ դրվատել են բաժանմունքներում իրականացվող աշխատանքները։ «Նրանց բառերն եմ ցիտում. «Ձեր կենտրոնի աշխատանքը չի զիջում ԱՄՆ-ում, Ֆրանսիայում գործող կենտրոններին»։ Նման խոսքեր լսելը, ինչ խոսք, հաճելի է»։

 

Այրվածքաբանության ազգային կենտրոնն անգնահատելի աշխատանք է տարել պատերազմի օրերին։ Տիկին Բաբայանը մանրամասնում է.
«Առաջին իսկ օրվանից` սեպտեմբերի 27-ի երեկոյան, ընդունեցինք առաջին հիվանդներին։ Եթե չեմ սխալվում, 15 զինվոր էին, բոլորն ունեին պոլիտրավմաներ ու այրվածքներ։ Այլ կերպ չէր էլ կարող լինել. զենքն ունի կինետիկ ուժ, ուստի այրվածքներն էլ անխուսափելի են։

 

Գերծանրաբեռնված ու լարված աշխատանք ենք տարել։ Շարունակ կապի մեջ ենք եղել այլ բուժհաստատությունների բժիշկների հետ, որտեղ կային վիրավոր զինվորներ։ Փորձել ենք մեր խորհուրդներով բոլորին օգտակար լինել»։

 

Փոխտնօրենի փոխանցմամբ՝ այրվածքաբանության ազգային կենտրոնում դեռ չլուծված հարցեր շատ կան, որոնք ժամանակի ընթացքում իրենց լուծումները կստանան։ Խոսքը շենքի ոչ բարվոք պայմաններն են. այն ունի հիմնանորոգման կարիք։

 

Նույն կարծիքին է նաև Այրվածքաբանության ազգային կենտրոնի վերակենդանացման և անզգայացման ծառայության ղեկավար Լևոն Բալայանը, ով մեզ հետ զրույցում առանձնացնում է վերջին 1-2 տարվա ընթացքում իրենց կենտրոնում կատարած աշխատանքները։ «Խոսքը տեխնիկական վերազինման մասին է։ Մեր բաժանմունքը  խիստ անհրաժեշտ սարքերի պակաս չունի. այստեղ կան բոլոր միջոցները հիվանդին սուր վիճակից դուրս բերելու համար, և սա ղեկավարության ճիշտ աշխատանքի շնորհիվ է»։

 

Բժիշկ Բալայանը նշում է, որ կենտրոնի ինտենսիվ թերապիայի բաժանմունքը զգալիորեն տարբերվում է այլ բուժհաստատություններում գործող բաժանմունքներից. ունի իր առանձնահատկությունները։ Այրվածքից տուժածները հաճախ գտնվում են շոկային վիճակում, քանի որ խանգարվում են օրգանիզմի վիտալ գործառույթները։ Եվ այստեղ ոչ թե օրեր են պետք` տուժածի վիճակը կարգավորելու համար, այլ երբեմն` շաբաթներ ու ամիսներ»։

 

Բժիշկն ընդգծում  է, որ առայժմ կենտրոնի պատերը գտնվում են, մեղմ ասած, ոչ բարվոք վիճակում։ Բայց դա էլ ժամանակի խնդիր է։

 

med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am
Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am

Ի՞նչ է զարկերակային ճնշման մշտադիտարկումը՝ մոնիթորինգը, և ինչո՞ւ է կարևոր այդ հետազոտությունը հղիների մոտ:

Զարկերակային ճնշման մշտադիտարկումը ոչ ինվազիվ հետազոտություն է և միակ մեթոդն է, որը թույլ է տալիս...

Հղիություն, ծննդաբերություն Սրտանոթաբանություն Պերինատոլոգիա, մանկաբարձություն և ուրո-գինեկոլոգիա
Քաղցկեղի բուժման նորագույն մեթոդները երիտասարդ մասնագետի աշխատանքում
Քաղցկեղի բուժման նորագույն մեթոդները երիտասարդ մասնագետի աշխատանքում

ՀՀ ԱՆ Վ․Ա Ֆանարջյանի անվան Ուռուցքաբանության ազգային կենտրոնը նորագոյացությունների բուժման առաջատար բազմապրոֆիլային մասնագիտացված կենտրոնն է Հայաստանում։Ուրոլոգիական բաժանմունքի օնկոուրոլոգ...

Ուռուցքաբանություն
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ

«Արամյանց» ԲԿ ընդհանուր և ինվազիվ սրտաբանական բաժանմունքը զբաղվում է սրտաբանական պաթոլոգիաների թերապևտիկ բուժմամբ և ներանոթային միջամտություններով: Բաժանմունքը վերազինված է նորագույն տեխնոլոգիաներով...

Սրտանոթաբանություն
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ

Մենք հաճախ անտեսում ենք մեր առողջական խնդիրները, ականջ չենք դնում մեր օրգանիզմի ուղարկած ահազանգերին, դիմանում ենք ցավին, ամեն կերպ հետաձգում բժշկին այցելելը և մի պատահական օր նրա մոտ հայտնվում արդեն շտապ կարգով...

Բժշկական կազմակերպություններ և կենտրոններ
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժիշկներ
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժիշկներ Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժիշկներ Սալուտեմ 3.2021
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան...

Մաշկաբանություն Առողջ և գեղեցիկ Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժիշկներ
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան

Արարատ Լևոնի Հեքիմյանը պլաստիկ վիրաբույժ է՝ մասնագիտացած էսթետիկ վիրաբուժության, միկրովիրաբուժության, դեմքի,  մարմնի էսթետիկ և վերականգնողական  վիրաբուժության մեջ: Աշխատում է «ՆյուՄեդ», «ԱրտՄեդ» և «Վեդի»...

Պլաստիկ վիրաբուժություն
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3

Ինչպե՞ս են վերապատրաստվում Մ. Հերացու անվան Երևանի պետական բժշկական համալսարանի դասախոսները, ի՞նչ ճանապարհ են անցնում մինչև լսարան մտնելը բուհի երիտասարդ և խոստումնալից կադրերը, ինչպե՞ս են գնահատվում դասախոսի...

Սալուտեմ 3.2021
Հղիության հակացուցումները. հարցազրույց մանկաբարձ-գինեկոլոգ Նոնա Ֆրոլովայի հետ. morevmankan.am
Հղիության հակացուցումները. հարցազրույց մանկաբարձ-գինեկոլոգ Նոնա Ֆրոլովայի հետ. morevmankan.am

Կա՞ն, արդյոք, հղիության հետ անհամատեղելի և վտանգավոր վիճակներ:

Հղիությունը հրաշալի, բայց և պատասխանատու վիճակ է ցանկացած կնոջ համար...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
ԿՈՎԻԴ-19-ի դեմ պատվաստման հուշաթերթիկ. Հայկական բժշկական ասոցիացիայի գործադիր վարչության անդամ Արտեմ Գրիգորյան
ԿՈՎԻԴ-19-ի դեմ պատվաստման հուշաթերթիկ. Հայկական բժշկական ասոցիացիայի  գործադիր վարչության անդամ Արտեմ Գրիգորյան

Ինչպե՞ս են մշակվում և փորձարկվում պատվաստանյութերը։


Ցանկացած պատվաստանյութ անցնում է բավականին երկար փորձաշրջան՝ խստագույն թեստավորում...

Վարակաբանություն
Եղունգների ախտահարումների բուժում առանց վիրահատության ու եղունգի հեռացման
Եղունգների ախտահարումների բուժում առանց վիրահատության ու եղունգի հեռացման

Խնամված ու գեղեցիկ եղունգներ ունենալն անհնար է, եթե եղունգներն անառողջ են (առկա է եղունգների դեֆորմացիա, ներաճ, սնկային ախտահարումներ, սնուցման խանգարումներ): Մատնահարդարի փոխարեն նախ պետք է...

Վնասվածքաբանություն և օրթոպեդիա Էսթետիկ բժշկություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ