Պերինատոլոգիա, մանկաբարձություն և ուրո-գինեկոլոգիա
Վագինալ կանդիդոզ․ հարցազրույց ՄՄԱՊԳԿ մանկաբարձ-գինեկոլոգ Արմինե Դումանյանի հետ. morevmankan.am
Ի՞նչ է վագինալ կանդիդոզը։
Վուլվո-վագինալ կանդիդոզը վուլվայի և հեշտոցի լորձաթաղանթի ինֆեկցիոն բորբոքում է, որն առաջացնում են պայմանական ախտածին Candida ցեղատեսակի սնկերը։ Կանանց շուրջ 75%-ի մոտ կյանքի ընթացքում առնվազն մեկ անգամ ախտորոշվել է այս հիվանդությունը, 40-45%-ի մոտ` կրկնվել է։
Կանդիդոզի հարուցիչ Candida սնկերը մոտավորապես 180 տեսակի են, և առկա են մեզ շրջապատող միջավայրում, նաև` մեր օրգանիզմում. բերանի խոռոչում, հեշտոցում, հաստ աղիքում` կազմելով նորմալ միկրոֆլորայի բաղադրիչ։ Հիվանդագին վիճակ առաջանում է, երբ ինչ-ինչ պատճառով նրանք ակտիվանում են, բազմանում և առաջ բերում ախտաբանական գործընթաց։ Հիմնականում կանդիդոզների հարուցիչ է Candida albicans տեսակը, բայց վերջին տարիներին ակտիվացել են նաև non-albicans տիպերով պայմանավորված կանդիդոզներ՝ Candida glabrata, C.tropicalis, C.paparsilosis, C.crusei և այլն։
Ինչպե՞ս է արտահայտվում և ընթանում հիվանդությունը։
Կախված հիվանդության ախտանիշների դրսևորումից և տևողությունից, տարբերակում ենք կանդիդա սնկերի կրողներ, սուր և քրոնիկ կանդիդոզներ։ Մեկ այլ դասակարգմամբ՝ չբարդացած և բարդացած, ռեցիդիվող կանդիդոզներ։ Կրողների մոտ սնկերը հայտնաբերվում են քսուկի մեջ, մեծավ մասամբ, կանխարգելիչ զննման ժամանակ և կլինիկորեն չեն արտահայտվում։ Սուր կանդիդոզն ունի արտահայտված դրսևորում և տևում է մինչև երկու ամիս, քրոնիկի ժամանակ՝ երկու-երեք ամսից ավելի։ Երբ հիվանդության կրկնության դեպքերը չորս կամ ավելին են` 12 ամսվա ընթացքում, համարվում է ռեցիդիվող։ Ոչ բարդացած կանդիդոզն առողջ կանանց և հղիների մոտ էպիզոտիկ բնույթ կրող հիվանդություն է։ Բարդացածը, մեծավ մասամբ, պայմանավորված է non-albicans տեսակներով, ինչը ռեցիդիվող, ծանր ընթացքով կանդիդոզն է և էքստրագենիտալ ախտաբանությամբ հիվանդների կանդիդոզը։
Որո՞նք են նպաստող գործոնները և առաջացման պատճառները։
Առողջ կնոջ հեշտոցի միկրոֆլորան բաղկացած է մեծաքանակ լակտոբակտերիաներից և այլ միկրոօրգանիզմներից, որոնց մեջ մտնում են նաև պայմանականորեն ախտածինները։ Լակտոբացիլներն արտադրում են թթու, որը կանխում է սնկերի առատ աճը։ Այս ընթացքը կարող է խախտվել տարբեր էկզոգեն և էնդոգեն գործոնների ազդեցությունից։ Էնդոգեն գործոններն են` ֆիզիոլոգիական հորմոնալ փոփոխությունները՝ դաշտանը, հղիությունը, էնդոկրին հիվանդությունները (հիփոթիրեոզ, շաքարային դիաբետ, առկա իմունային համակարգի խիստ ընկճվածություն), օրինակ, ՁԻԱՎ-ի ժամանակ։ Էկզոգեն գործոններից են՝ հակաբիոտիկների, կորտիկոստերոիդների, հորմոնալ հակաբեղմնավորիչների լայն կիրառումը, քիմիաթերապիան, ճառագայթային բուժումը։ Նպաստող գործոններից են նաև` ակտիվ սեռական կյանքը, սինթետիկ ներքնազգեստների կրումը, գունավոր, բուրավետ հիգիենայի միջոցների օգտագործումը, որոնք նույնպես խախտում են նորմալ միկրոֆլորան։
Ի՞նչ ախտանիշներով է ի հայտ գալիս։
Կանդիդա կրողների մոտ ախտանիշները բացակայում են։ Սուր ընթացքի դեպքում վառ արտահայտված են կարմրությունը, այտուցը, քորը, այրոցի, մրմռոցի զգացողությունը, հեշտոցից կաթնաշոռանման արտադրությունը, որը կարող է հեշտոցի պատերին կպած լինել` տիպիկ, դժվար պոկվող կղզիների տեսքով։ Միզարձակումը կարող է լինել դժվարացած և ցավոտ։ Քրոնիկ կանդիդոզի ժամանակ ախտանիշները քիչ արտահայտված են կամ` միայն քորի տեսքով, և կրում են ռեցիդիվող բնույթ։
Ի՞նչ բարդություններ է առաջացնում կանդիդոզը։
Բարդացած կանդիդոզը երբեմն առաջացնում է փոքր կոնքի օրգանների բորբոքում, օրինակ` միզուղիների (ուրետրոցիստիտ, պիելոնեֆրիտ)։
Հղիության ժամանակ այն կարող է բերել պտղաջրերի վաղաժամ արտահոսքի, պտղի անտե- և ինտրանատալ վարակի, պտղի մոտ` կոնյուկտիվիտ, բերանի խոռոչի կանդիդոզ, ոչ հաճախ` համակարգային կանդիդոզով պայմանավորված թոքաբորբ կամ սեպսիս, իսկ հետծննդաբերական շրջանում` կանդիդոզ էնդոմետրիտ։
Ի՞նչ հետազոտություններ են անհրաժեշտ` ախտորոշելու համար։
Ախտորոշումը կատարվում է նմուշային մանրադիտակային, մանրէաբանական եղանակով, որով որոշվում է սնկի տեսակը, զգայունությունը կոնկրետ դեղորայքի նկատմամբ, ինչը կարևոր է հատկապես ռեցիդիվող տեսակի ժամանակ։ Ախտորոշվում է նաև ՊՑՌ եղանակով, որն ուղղված է ԴՆԹ-ի և ՌՆԹ-ի որոշման վրա։
Ինչպե՞ս կանխարգելել։
Հիվանդությունից պաշտպանվելու համար պետք է զերծ մնալ անկանոն, անպաշտպան սեռական կապերից, չչարաշահել հակաբիոտիկների և հորմոնալ դեղորայքի օգտագործումը, ժամանակին ախտորոշել և բուժել նպաստող հիվանդություններն ու խանգարումները, հետևել անձնական հիգիենային, կրել բամբակյա ներքնազգեստ, չօգտագործել գունավոր, բուրավետ գելեր և քսուկներ, խուսափել ներլվացումներից և այլն։
Ինչպե՞ս է կազմակերպվում բուժումը։
Վուլվո-վագինալ կանդիդոզի բուժումն անհրաժեշտ է անկացնել միայն ախտանիշների առկայության դեպքում։ Կախված ախտանիշների դրսևորումից և ընթացքից նշանակվում է տեղային հակասնկային և միկրոֆլորան վերականգնող բուժում, կամ բացի տեղային նշանակումներից, նաև` սիստեմատիկ հակամիոտիկներ, անհրաժեշտության դեպքում` դիմադրողականությունը բարձրացնող դեղորայք։ Բուժում է նշանակվում նաև զուգընկերոջը։ Հղիների մոտ կիրառվում է միայն տեղային բուժում։
|
Կարդացեք նաև
Ե՞րբ է սկսվում սեռական հասունացումը աղջիկների մոտ։
Սեռական հասունացումն այն փուլն է, որի ընթացքում դեռահասները ենթարկվում են...
Կրթությունը, կարիերան, հասարակական կարգավիճակի որոշ նվաճումները պահանջում են վերանայել վերաբերմունքն այնպիսի կարևոր գործառույթի նկատմամբ, ինչպիսին վերարտադրողությունն է...
Օժանդակ վերարտադրողական մեթոդների արդյունավետությունը ապահովող կարևոր միջոց է ճիշտ ախտորոշումը: Այդպիսի մեթոդներից է հիստերոսկոպիան...
Հղիության ընթացքում հեշտոցից արյունային արտադրությունը կարող է անհանգստացնել յուրաքանչյուր կնոջ: Ոմանք դա շփոթում են դաշտանի հետ, հատկապես, երբ արտադրությունը...
Միակողմանի ձվարանի հեռացումը (օվարիոէկտոմիա) հաճախ հանդիպող վիրահատական միջամտություն է: Այն իրականացվում է ձվարանում բարորակ կամ կիստոզ գոյացությունների, արտահայտված էնդոմետրիոզի...
Նախաիմպլանտացիոն գենետիկ թեստավորումը (ՆԳԹ, PGT) հնարավորություն է տալիս նախքան իմպլանտացիան ուսումնասիրել էմբրիոնի գեները և քրոմոսոմները: Այս թեստավորումը ցուցված է այն զույգերին, որոնց մոտ նախկինում...
Հնարավո՞ր է հղիանալ ձվարանների պոլիկիստոզի դեպքում
Ձվարանների պոլիկիստոզը վերարտադրողական տարիքի կանանց մոտ ամենահաճախ հանդիպող...
Արգանդի փողերը կանանց ամենակարևոր օրգաններից են, որոնց գործունեության խաթարումը կարող է հղիության համար արգելք դառնալ...
Արգանդի խոռոչի ախտաբանությունը կամ էնդոմետրիալ գործոնն անպտղության հաճախ հանդիպող պատճառներից է: Այն նաև ԱՄԲ անհաջողությունների հիմնական պատճառներից է. չէ՞ որ նույնիսկ գերազանց որակի...
Ինչի՞ հաշվին է ավելանում կնոջ քաշը հղիության ընթացքում։
Բոլորին հայտնի է, որ հղիությունն ուղեկցվում է կնոջ քաշի ավելացմամբ...
Արգանդի փողերի լապարոսկոպիան հնարավորություն է տալիս ախտորոշել առկա ախտաբանությունը և բուժական միջամտություններ կատարել: Մեթոդի արդյունավետությունը բարձր է, իսկ հյուսվածքների...
Ե՞րբ է սովորաբար զգացվում պտղի խաղը
Առաջին հղիության ժամանակ ապագա մայրիկը պտղի խաղը զգում է հղիության...
Հեշտոցի դիսբակտերիոզը (դիսբիոզ) նորմալ վագինալ միկրոբիոցենոզի խանգարումն է. օգտակար բիֆիդո և լակտոբակտերիաների, նաև՝ պայմանական ախտածին միկրոօրգանիզմների, միջև հարաբերակցության խախտումը...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն