Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ուրոլոգիա

Siemens modularis variostar-comfort version լիթոտրիպտորի օգտագործումը մեր կլինիկական պրակտիկայում

Բանալի բառեր. հեռահար քարափշրում, Siemens modularis variostar, կրունկոսկրի խիթ, բուժման էֆֆեկտիվություն 

Ներածություն: 1980 ականների սկզբից, երբ էքսրակորպորալ քարափշրումը ներդըրվեց կլինիկա այն շատ արագ համընդհանուր տարածում գտավ և ըստ էության հեղաշրջում իրականացրեց միզաքարային հիվանդության բուժման գործում: Հեռահար քարափշրումը ներկայումս հանդիսանում է միզաքարային հիվանդության բուժման հիմնական մեթոդը (միզային քարերի հեռացման 90 և ավել տոկոս դեպքերում օգտագործվում է հեռահար քարափշրում): Dornier HM3 լիթոտրիպտորը ժամանակի ընթացքում քննություն բռնելով ենթարկվել է անընդհատ կատարելագործման և ի հայտ են եկել նոր սերնդի լիթոտրիպտթրներ, որոնք հնարավորություն են տալիս ոչ միայն բավական արդյունավետ բուժել միզային քարերը, այլև նրա առանձին կոմպոնենտներ բարձր արդյունավետությամբ օգտագործվում են այլ ուրոլոգիական հիվանդությունների ախտորոշման և բուժման, ինչպես նաև օրթոպեդիկ պրակտիկայում: 2007 թ-ի սկզբին Siemens ֆիրման հայտարարեց իր նոր իննովացիոն լիթոտրիպտորի Siemens modularis variostar-comfort version` կլինիկա մուտք գործելու մասին: Այն Էրեբունի բժշկական կենտրոնը ձեռք բերեց և ներդրեց ուրոլոգիական կլինիկա 2008թ.-ի փետրվարից: Ստորև ներկացնում ենք Siemens modularis variostar-comfort version բազմաֆունկցիոնալ լիթոտրիպտորի օգտագործումը մեր կլինիկական պրակտիկայում:

 

Նյութերը և մեթոդները: 


Փետրվարի 3-ից մինչև հունիսի 1-ը մեր կլինիկայում հեռահար քարափշրման են ենթարկվել 152 հիվանդ, 13 հիվանդի կատարվել է կրունկոսկրի խիթի հարվածա-ալիքային բուժում: Օգտագործելով Siemens modularis variostar լիթոտրիպտորի Siemens Sonoline G20 սոնոգրաֆը և էնդոռէկտալ Endo- P II էխոզոնդը շագանակա-գեղձի տրանսռեկտալ բիոպսիա է կատարվել 38 հիվանդի:

 

Հեռահար քարափշրման ենթարկված152 հիվանդներից 81–ը (53.3%) եղել են տղամարդ, 71-ը (46.7%) կին: Հիվանդների միջին տարիքը կազմել է 40.6 տարի (տատանվելով 18-ից մինչև 72 տարեկան), ընդ որում 140 հիվանդներ ի սկզբանե ունեցել են երիկամի կամ միզածորանի եզակի կոնկրեմենտ: 12 հիվանդներ ունեցել են տարբեր տեղակայման երկու և ավել կոնկրեմենտ, ընդ որում վեց հիվանդ կրկնակի կամ եռակի քարափշրման է ենթարկվել միանգամայն տարբեր կոնկրեմենտների նկատմամբ: Մնացած վեց հիվանդներից երեքին պլանավորվում է կատարել հեռահար քարափշրում այլ կոնկրեմենտի հետ կապված, երկու հիվանդի կատար-վել է քարափշրում տվյալ կողմի միզածորանի կոնկրեմենտի և պերկուտան նեֆրոլիթոտոմիա հակառակ տեղակայման երիկամի մարջանաձև կոնկրեմենտի հետ կապված, մեկ հիվանդի կատարվել է տվյալ կողմի միզածորանի կոնկրեմենտի քարափշրում և բաց վիրահատություն` հակառակ տեղակայման երիկամի մարջանաձև կոնկրեմենտի հետ կապված: Քարափշրման ենթարկված 158 կոնկրեմենտներից 60-ը տեղակայված են եղել միզածորանում (38%), 98-ը (62%) երիկամում: Նույն կոնկրեմենտի հետ կապված կրկնակի քարափշրման է ենթարկվել 32, եռակի` 4 և քառակի մեկ հիվանդ: Կրկնակի քարափշրումների միջև ինտերվալը կազմել է 1 շաբաթ` թեկուզև ըստ արտադրողի (Siemens) ցուցումների հաջորդ սեանսը երիկամի քարերի դեպքում կարելի է կատարել երեք օր անց, իսկ միզածորանի կոնկրեմենտների դեպքում` երկու օր անց: Կոնկրեմենտի չափերը տանտանվել են 0.5-ից 4.3 սմ (միջինը 1.4): 2 սմ-ից մեծ կոնկրեմենտների քանակը եղել է 22(13.9%): Մեկ սեանսի ընթացքում հիվանդները ստացել են 3500 հարվածային ալիք, ավելի քիչ հարվա-ծային ալիքներ հասցվել է այն դեպքերում, երբ մինչև վերոհոիշյալ քանակին հասնելը սեանսի ընթացքում նկատվել է կոնկրեմենտի լրիվ ֆրագմենտացիա: Հարվածների միջին էներգիան կազմել է 1.84 (0.5-ից մինչև 4.0) ըստ Siemens- ի միավորների: Վեց հիվանդի մինչև քարափշրումը տեղադրվել է միզածորանային ստենտ` քարափշրումից հետո ֆրագմենտների հնարավորինս անարգելք հեռանալու և Steinstrasse-ի կանխարգելման նպատակով: 8 հիվանդներ կլինիկա են դիմել կապված սուր օբստրուկտիվ պիելոնեֆրիտի հետ և մինչև քարափշրումը նրանց կատարվել է ստենտավորում: Վերջիններս ստացել են համապատասխան հակաբակ-տերիալ բուժում: Կլինիկական և լաբորատոր լավացումից հետո կատարվել է հեռահար քարափշրում: Բոլոր հիվանդներին մինչև քարափշրումը կատարվել է սոնոգրաֆիկ քննություն, միզային համակարգի շրջադիտակային ռենտգենոգրաֆիա, արյան և մեզի ընդհանուր քննություն, կոագուլոգրամմա, արյան մեջ կրեատինինի որոշում, մեզի բակքննություն անտիբիոտիկների նկատմամբ զգայնության որոշումով, էլեկտրոկարդիոգրաֆիա: Ներերակային ուրոգրաֆիա կատարվել է ըստ ցուցւոմների(երիկամի խոշոր չափի կոնկրեմենտներ, ստորին բաժակի կոնկրեմենտների դեպքում, սոնոգրաֆիկ առկա է երիկամների տեղակայման, ձևի, հավաքող համակարգի անոմալիաներ պարենխիմայի բարակում և այլն):

 

Քարափշրման բացարձակ հակացուցում է հանդիսացել հղիությունը, կոագուլոպաթիան, ծանր սուր սոմատիկ պաթոլոգիաները` ուղեղի և սրտի արյան շրջանառության սուր խանգարումներ և այլն:

 

Քարափշրումից հետո սիմպտոմատիկ Steinstrasse նկատվել է մեկ հիվանդի մոտ, որը պահանջել է ևս մեկ սեանս: Այլ հիվանդների մոտ քարափշրումից հետո լրացուցիչ միջամտությունների կարիք չի զգացվել:

 

Քարափշրման ընթացքում հիվանդի սուբյեկտիվ ցավային զգացողությունը և դիսկոֆորտը գնահատվել է 1-ից 10 բալային համակարգով: Քարափշրումից 30 րոպե առաջ պրեմեդիկացիա է կատարվել 15 հիվանդի 75 մգ Դիկլոֆենակի միջմկանային սրսկումով: Հետագայում արդյունքների վերլուծությունից հետո այն համարեցինք անտեղի և հրաժարվեցինք որևէ տեսակի պրեմեդիկացիայից:

 

Հիվանդները քարափշրումից հետո հսկվել են հետևյալ սխեմայով. 1 շաբաթ անց միզային համակարգի շրջադիտակային ռենտգենոգրաֆիա (ռենտգեննեգատիվ քարերի դեպքում սոնոգրաֆիա): Բավարար ֆրագ-մենտացիայի և ավազահատիկների բավարար հեռացման դեպքում հիվանդները հսկվել են մինչև մեզով վերջիններիս հեռացման ընդհատվելը: Այնուհետև կրկին կատարվել է միզային համակարգի շրջադիտակային ռենտգենոգրաֆիա (ռենտգեննեգատիվ քարերի դեպքում սոնոգրաֆիա): Ռեզիդուալ քարերի դեպքում կատարվել է կրկնակի քարափշրում: Եթե քարափշրումից մեկ շաբաթ հետո նկատվել է ակնհայտ ոչ բավարար փշրվածություն, ապա կատարվել է կրկնակի քարափշրում: Բոլոր հիվանդները համապատասխան ցուցումներից հետո ստացիոնար հսկողությունից դուրս են գրվել ամենաուշը մեկ ու կես ժամ անց:

 

Օրթոպեդիկ կիրառումը. Կրունկոսկրի սիմպտոմատիկ խիթով 13 հիվանդներից 12-ի մոտ կատարվել է հարվածաալիքային երեք, իսկ մեկ հիվանդի մոտ չորս սեանս՝ մեկշաբաթյա ընդմիջումով: 1 սեանսի ընթացքում հասցվել է 1000 հարվածային ալիք` 0.7 միջին էներգիայով (ըստ Siemens-ի միավորների): Հիվանդներին որևէ տեսակի պրեմեդիկացիա և լրացուցիչ հետազոտություն չի կատարվել: Բոլոր հիվանդները համապատասխան ցուցումներ ստանալւոց հետո ստացիոնար հսկողությունից դուրս են գրվել կես ժամ անց:

 

Շագանակագեղձի տրանսռեկտալ բիոպսիա է կատարվել 28 հիվանդի` օգտագործելով Siemens modularis variostar լիթոտրիպտորի Siemens Sonoline G20 սոնոգրաֆը և էնդոռէկտալ Endo- P II էխոզոնդը: Վերոհիշյալ էխոզոնդը հնարավորություն է տալիս առանց զոնդի դիրքը փոխելու կատարել բարձրորակ և՜ սագիտալ, և ֆրոնտալ սոնոգրաֆիկ պատկերներ: Այդ անկասկած բարձրացնում է նրա պրակտիկ կիրառելիությունը: Մանիպուլյացիան կատարվել է առանց որևէ ցավազրկման` հաբավորված հակաբակտերիալ դեղորայքի ընդունման ֆոնի վրա: Բոլոր հիվանդները ստացիոնար հսկողությունից դուրս են գրվել երկու ժամ անց` համապատասխան ցուցումներից հետո:

 

Արդյունքները և դրանց քննարկումը: 


Հեռահար հարվածաալիքային քարափշրում:

 

Փաստորեն քարափշրում իրականացվել է 152 հիվանդի 158 կոնկրեմենտի նկատմամբ: 158 կոնկրեմենտի բավարար ֆարագմենտացիայի համար պահանջվել է 201 սեանս` 158+32 (կրկնակի քարափշրման է ենթարկ-վել 32հիվանդ) + 8(եռակի քարափշրման է ենթարկվել 4 հիվանդ) + 3(քառակի քարափշրման է ենթարկվել մեկ հիվանդ): Կրկնակի քարափշրման անհրաժեշտությունը կազմել է 27.2%: 158 կոնկրեմենտներից քարափշրու-մից հետո 140–ը եղել են ֆրագմենտներից ազատ` stone free rate 88.6%: Մնացած 18 դեպքերից 14-ում գործ ենք ունեցել ստորին բաժակի կոնկրեմենտի, 4-ում` այլ տեղակայման կոնկրեմենտի հետ: Վերոհիշյալ 18 դեպքերից մնացած ռեզիդուալ ֆրագմենտները տեղակայված են ստորին բաժակներում: Հիվանդները ասիմպտոմատիկ են և գտնվում են սերտ հսկողության տակ: Վեց հիվանդի մինչև քարափշրումը տեղադրվել է միզածորանային ստենտ` քարափշրումից հետո ֆրագմենտների հնարավորինս անարգելք հեռանալու և Steinstrasse-ի կանխարգելման նպատակով: Փաստորեն նախքան քարափշրումը պահանջվող լրացուցիչ միջամտությունները կազմել է 3.8%: 8 հիվանդներ կլինիկա են դիմել կապված սուր օբստրուկտիվ պիելոնեֆ-րիտի հետ և մինչև քարափշրումը նրանց կատարվել է ստենտավորում, որը չենք համարում նախքան քարափշրումը պահանջվող լրացուցիչ միջամտություն: Քարափշրումից հետո սիմպտոմատիկ Steinstrasse նկատվել է մեկ հիվանդի մոտ, որը պահանջել է ևս մեկ սեանս` փաստորեն կուրատիվ հետքարափշրումային միջամտությունը կազմել է 0.63%: 

 

Էֆֆեկտիվության գործակիցը կազմել է

 

EQ = % of stone free patients / 100% + % re-ESWL + % post- ESWL adj. meas.

EQ= 88/100+ 27.2+3.8=0.67 ԷԳ=0.67

 

Իսկ էֆֆեկտիվության մոդիֆիկացված գործակիցը կազմել է

 

EQ mod= % of stone free patients - % of curative auxiliary measures/ 100% + % re-ESWL+ % pre-ESWL aux. meas + % post- ESWL adj. meas.

ԷԳՄ= 88–0.63/ 100+27.2+3.8+ 0.63= 0.66

 

Չթերագնահատելով ժամանակակից մյուս երրորդ սերնդի լիթոտրիպտորների համարժեք էֆեկտիվությունը, այնուամենայնիվ հարկ ենք համարում նշել, որ այս աննախադեպ բարձր էֆեկտիվությունը զուգակգվել է քարափշրման ընթացքում բացարձակ հարմարավետության (դիսկոմֆորտի և ցավի սուբյեկտիվ զգացողությունը 10 բալային համակարգով չի գերազանցել 5 բալը), չի պահանջվել ռեգիոնար կամ որևէ այլ տեսակի ցավազրկում: Պրեմեդիկացիա կատարվել է սկզբնական 15 հիվանդի` 75 մգ Դիկլոֆենակի միջմկանային սրսկումով: Հետագա արդյունքների վերլուծությունից հետո այն համարեցինք անտեղի և հրաժարվեցինք որևէ տեսակի պրեմեդիկացիայից: Հիվանդները 100% դեպքերում սեանսի ընթացքում եղել են մեջքի վրա պառկած, ինչը մեր կարծիքով ամենահարմարն է ցանկացած պրոցեդուրայի ընթացքում: Լիթոտրիպտորի ակնհայտ առավելություններից է նաև քարափշրման ընթացքում կոնկրեմենտների գերազանց մանրացումը, ինչը ապահովվում է նրանց անարգել հեռացումը: 

 

Օրթոպեդիկ կիրառումը


Օրթոպեդիկ պրակտիկայում կիրառման վերաբերյալ եզրահանգումներ կատարելու համար 13 հիվանդը համարում ենք ոչ բավարար: Սակայն հարկ ենք համարում փաստել, որ այս ոչ ինվազիվ պրոցեդուրայիգ հետո բոլոր հիվանդների մոտ նկատվել է ցավային զգացողության լրիվ կամ գրեթե լրիվ վերացում, ֆիզիկական ակտիվության լրիվ վերականգնում:

 

Շագանակագեղձի տրանսռեկտալ բիոպսիա է կատարվել օգտագործելով Siemens modularis variostar լիթոտրիպտորի Siemens Sonoline G20 սոնոգրաֆը և էնդոռէկտալ Endo- P II էխոզոնդը: Վերոհիշյալ էխոզոնդը հնարավորություն է տալիս առանց զոնդի դիրքը փոխելու կատարել բարձրորակ և՜ սագիտալ, և ֆրոնտալ սոնոգրաֆիկ պատկերներ: Այդ անկասկած բարձրացնում է նրա պրակտիկ կիրառելիությունը: 

 

Ավելորդ չենք համարում նշել, որ լիթոտրիպտորի բարձրորակ լոկալիզացիոն համակարգերը` Siemens Sonoline 20 սոնոգրաֆը և Siremobile compact L–ը թվային ռենտգենոսկոպը մեր պրակտիկայում հաջողությամբ օգտագործվում են գրեթե ամեն քայլափոխի:

 

Եզրակացություն


Այսպիսով Siemens Modularis Variostar- comfort version-ը իրավմամբ համարվում է աննախադեպ բարձր էֆֆեկտիվ, չափազանց հարմարավետ լիթոտրիպտոր: Այն բարձր էֆֆեկտիվությամբ կարելի է կիրառել ոչ միայն միզաքարային հիվանդության բուժման այլև նրա առանձին կոմպոնենտներ բարձր արդյունավետությամբ օգտագործվում են այլ ուրոլոգիական հիվանդությունների ախտորոշման և բուժման, ինչպես նաև օրթոպեդիկ պրակտիկայում: 

 

Conflicts of interest- հեղինակներից և ոչ ոք ֆինանսական կամ որևէ այլ տեսակի պարտավորվածություն չունի որևէ կազմակերպության նկատմամբ, ինչը որևէ կերպ կկարողանար ազդել հոդվածի բովանդակության վրա:

 

Գրականություն


  1. Danuser H., MՖller R., Desoeudres B., Dobry E., Studer U.E. Extracorporeal shock wave lithotripsy of lower calyx calculi: how much is treatment outcome influenced by the anatomy of the collecting system? Eur Urol 2007;52(2):539-546.
  2. Graber S.F., Danuser H.J., Hochreiter W.W., Studer U.E. A prospective randomized trial comparing 2 lithotriptors for stone disintegrations and induced renal trauma. J. Urol., 2003;169(1):54-57.
  3. Guidelines on Urolithiasis H.G. Tiselius et all-European association of Urology Guidelines-2008 edition
  4. Jens J. Rassweiler et all. Progress in lithotriptor technology- EAU Update series- Urolithiasis, vol. 3, issue 1, March 2005 
  5. Logarakis N.F., Jewett M.A.S., Luymes J, D’A Honey R.J. Variation in shock wave lithotripsy. J. Urol., 2000;163(3):21-725
  6. Portis A.J., Yan Y., Pattaras J.G., Andreoni C., Moore R., Clayman R.V. Matched pair analysis of shock wave lithotripsy effectiveness for comparison of lithotriptors. J. Urol., 2003;169(1):58-62.
  7. Yilmaz E., Batislam E., Basar M., Tuglu D., Mert C., Basar H. Optimal frequency in extracorporeal shock wave lithotripsy: prospective randomized study. Urology 2005;66(6):1160-1164.

 

 

Հեղինակ. Մ.Վ. Մանուկյան, Ս.Ս. Նիկողոսյան, Է.Տ. Վարդանյան, Էրեբունի բժշկական կենտրոն, ուրոլոգիական կլինիկա
Սկզբնաղբյուր. Մեդիցինսկիյ Վեստնիկ Էրեբունի 4.2008 (36)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Շագանակագեղձի բարորակ հիպերպլազիայով` ինֆրավեզիկալ օբստրուկցիայով հիվանդների մոտ դիտվող դետրուզորի մորֆոֆունկցիոնալ փոփոխությունները

Շագանակագեղձի բարորակ հիպերպլազիան (ՇԲՀ) համարվում է տարեց տղամարդկանց շրջանում ամենատարածված ուրոլոգիական հիվանդությունը: Ռուսաստանի Դաշնությունում և Եվրոպական մի շարք երկրներում ՇԲՀ-ն ախտորոշվում է 11,3% տղամարդկանց մոտ 40-49տ. հասակում և 81,4% տղամարդկանց մոտ` 80տ. հասակում [11]...

Ուռուցքաբանություն Ախտաբանական անատոմիա Մեդիցինսկիյ Վեստնիկ Էրեբունի 3.2012 (51)
Բիպոլյար ներմիզուկային մասնահատման առավելությունները միզապարկի քաղցկեղի դեպքում

Բանալի բառեր. միզապարկի քաղցկեղ, բիպոլյար ներմիզուկային մասնահատում

Առաջին հիշատակումները ներմիզուկային մասնահատման (ՆՄՄ) կիրառման վերաբերյալ հանդիպում են 16-րդ դարից: Հետագայում, գիտատեխնիկական առաջընթացին զուգընթաց...

Ուռուցքաբանություն Բուժման մեթոդներ Մեդիցինսկիյ Վեստնիկ Էրեբունի 3.2012 (51)
Շագանակագեղձի բարորակ հիպերպլազիայով պայմանավորված ստորին միզուղիների ախտանիշների դեղորայքային բուժման ժամանակակից մոտեցումները (գրականության ակնարկ)

Բանալի բառեր. շագանակագեղձի բարորակ հիպերպլազիա, էրեկտիլ դիսֆունկցիա, ֆոսֆո-դիէսթերազա 5-ի ինհիբիտորներ, ստորին միզուղիների ախտանիշներ

Տարեց տղամարդկանց շրջանակներում լայն տարածում ունեցող էրեկտիլ դիսֆունկցիան (ԷԴ) և շագանակագեղձի բարորակ հիպերպլազիայի (ՇԲՀ) հետևանքով առաջացող ստորին միզուղիների ախտանիշները (ՍՄԱ) սովորաբար ի հայտ են գալիս կյանքի 5-րդ և 6-րդ տասնամյակներում [11,15,24]...

Ուռուցքաբանություն Բուժման մեթոդներ Մեդիցինսկիյ Վեստնիկ Էրեբունի 3.2012 (51)
Լրիվ և բարդ մարջանաձև քարերի բուժման բաց վիրահատական մեթոդ` պիելոլիթոտոմիա զուգակցված կոնտակտային լիթոտրիպսիայի հետ

Բանալի բառեր. միզաքարային հիվանդություն, պիելոլիթոտոմիա

Միզաքարային հիվանդությունը` իր տարածվածության (մինչև 5%), բուժման համար պահանջվող ծախսերի շարունակական մեծացման պատճառով համարվում է ոչ միայն ժամանակակից ուրոլոգիայի այլ նաև առողջապահական լուրջ հիմնախնդիր...

Բուժման մեթոդներ Մեդիցինսկիյ Վեստնիկ Էրեբունի 3.2012 (51)
Ամորձիների երկկողմանի Լեյդիգոմա (կլինիկական դեպք)

Բանալի բառեր. ամորձու նորագոյացություն, Լեյդիգոմա, ամորձու ինտերստիցիալ բջիջների ուռուցք

Հայտնաբերվել է 193 հրատարակում (Medline) մեծահասակների շրջանում Լեյդիգոմայի 480 դեպքի վերաբերյալ, այդ թվում 3 աշխատանք՝ ընդհանուր առմամբ 90 հիվանդի վրա կատարված հետազոտությունների վերաբերյալ [1-6]...

Կլինիկական դեպքեր Մեդիցինսկիյ Վեստնիկ Էրեբունի 3.2012 (51)
Շագանակագեղձի նեյրոէնդոկրին կարցինոմա (կլինիկական դեպք)

Բանալի բառեր. շագանակագեղձ, կարցինոմա, նեյորէնդոկրին

Վերջին երկու տասնամյակում շագանակագեղձի քաղցկեղը դարձել է լուրջ բժշկական և սոցիալական խնդիր: Արևմտյան Եվրոպայում և ԱՄՆ-ում շագանակագեղձի քաղցկեղը զբաղեցնում է տղամարդկանց մոտ բոլոր չարորակ նորագոյացությունների շարքում 2- րդ տեղը` իր տեղը զիջելով թոքերի քաղցկեղին...

Ուռուցքաբանություն Կլինիկական դեպքեր Մեդիցինսկիյ Վեստնիկ Էրեբունի 3.2012 (51)
Գերակտիվ միզապարկի և ինֆրավեզիկալ օբստրուկցիայի զուգակցման դեպքում վիրահատական բուժման արդյունավետությունը շագանակագեղձի բարորակ հիպերպլազիայով հիվանդների մոտ (գրականության ակնարկ)

Բանալի բառեր. միզապարկ, շագանակագեղձ, հիպերպլազիա

Մի շարք կլինիկական դիտարկումներ ցույց են տվել, որ շագանակագեղձի բարորակ հիպերպլազիայով (ՇԲՀ) զգալի թվով հիվանդների մոտ ինֆրավեզիկալ օբստրուկցիայի (ԻՎՕ) ախտանիշները զուգորդվում են գերակտիվ միզապարկի (ԳԱՄ) ախտանիշներով...

Ուռուցքաբանություն Բուժման մեթոդներ Մեդիցինսկիյ Վեստնիկ Էրեբունի 3.2012 (51)
Բիպոլյար ներմիզուկային մասնահատման կիրառումը միզապարկի քաղցկեղի դեպքում (գրականության տեսություն)

Բանալի բառեր. միզապարկի քաղցկեղ, բիպոլյար ներմիզուկային մասնահատում

Միզապարկի մակերեսային ուռուցքների վիրահատական բուժման հիմնական եղանակ է համարվում ներմիզուկային մասնահատումը (ՆՄՄ) [7,21,22]: Ներմիզուկային վիրահատությունների պատմական սկիզբը համարվում է 16-րդ դարը...

Ուռուցքաբանություն Մեդիցինսկիյ Վեստնիկ Էրեբունի 2.2012 (50)
Միզապարկի ֆլյուորեսցենտային ներմիզուկային մասնահատման բարդությունների նվազեցումը բիպոլյար եղանակի կիրառմամբ

Բանալի բառեր. միզապարկի քաղցկեղ, ֆլյուորեսցենցիա, բիպոլյար ներմիզուկային մասնահատում 

Միզապարկի մակերեսային ուռուցքների վիրահատական բուժման ստանդարտ է համարվում ուռուցքի ներմիզուկային մասնահատումը (ՆՄՄ)...

Մեդիցինսկիյ Վեստնիկ Էրեբունի 2.2012 (50)
Միջմիզուկային մասնահատումը շագանակագեղձի քաղցկեղի ժամանակ (գրականության տեսություն)

Շագանակագեղձի քաղցկեղը լուրջ խնդիր է ներկայացնում և տարեցտարի ավելի  մեծ ուշադրություն է գրավում: Վերջին տարիներին, հատկապես զարգացած երկրներում նկարագրվում է շագանակագեղձի քաղցկեղով հիվանդացության աճ...

Ուռուցքաբանություն Գիտական բժշկության հանդես ԱԱԻ 2.2011
Պրոստատ սպեցիֆիկ անտիգենի մետաբոլիզմը

Պրոստատ սպեցիֆիկ անտիգենը 34ԿԴ մոլեկուլյար զանգվածով գլիկոպրոտեիդ է, որը գրեթե գերազանցապես արտադրվում է շագանակագեղձի էպիթելում [1,2]: ՊՍԱ-ի որոշումը օգտակար է շագանակագեղձի քաղցկեղի վաղ հայտնաբերման համար...

Գիտական բժշկության հանդես ԱԱԻ 2.2011
Ամորձու մետախրոն քաղցկեղ

Ամորձիների ուռուցքներով հիվանդացությունը եվրոպական երկրներում կրկնապատկվում է յուրաքանչյուր 20 տարին մեկ: Միջին ցուցանիշը կազմում է 6,3 հիվանդ 100000 տղամարդ բնակչության: Մինչդեռ  մահացությունը  ամորձիների  քաղցկեղի ժամանակ  մնում է...

Ուռուցքաբանություն Գիտական բժշկության հանդես ԱԱԻ 2.2011
Շեքի շրջանի արտաօրգանային սարկոմա (կլինիկական դեպքի նկարագրություն)

Հիվանդ Ա.Վ., տղամարդ, 43տ, Ուռուցքաբանության ազգային կենտրոնի ուրոլոգիայի բաժանմունք էր ընդունվել` գանգատվելով շեքի շրջանի ուռուցքային գոյացության առկայությունից, ցավերից և դժվարամիզությունից: Հիվանդության...

Ուռուցքաբանություն Կլինիկական դեպքեր Գիտական բժշկության հանդես ԱԱԻ 2.2011
Բիպոլյար ներմիզուկային մասնահատում` «ոսկե ստանդարտի» նոր խոսք (գրականության տեսություն)

Ներմիզուկային վիրահատությունների պատմությունը սկսվում է XVI դարից, երբ ֆրանսիացի վիրաբույժ Ambruise Pare-ն վերականգնեց նեղացած միզուկի անցանելիությունը` կիրառելով կյուրետ և սրած լուսնացքավոր բուժ...

Վիրաբուժություն Գիտական բժշկության հանդես ԱԱԻ 2.2011
Միզապարկի քաղցկեղի էնդոսկոպիկ բուժման արդյունքների բարելավումը բիպոլյար ներմիզուկային մասնահատման կիրառմամբ

Միզապարկի մակերեսային ուռուցքների էնդոսկոպիկ բուժման ոսկե ստանդարտ է համարվում ներմիզուկային մասնահատումը (ՆՄՄ) [3]: Այն հետագա մորֆոլոգիական ախտորոշման հետ միասին հանդիսանում է փուլավորման առավել տեղեկատվական եղանակ...

Ուռուցքաբանություն Գիտական բժշկության հանդես ԱԱԻ 2.2011

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ