ՀՀ ԱՆ. 7 խորհուրդ 6-ից 23 ամսական երեխաների հավելյալ սնուցման վերաբերյալ

Հիմնական խորհուրդներ 6-ից 23 ամսական երեխաների հավելյալ սնուցման վերաբերյալ

• Երեխայի հավելյալ սնուցումը կարելի է սկսել 6 ամսականից (180 օր)` շարունակելով ըստ պահանջի կրծքով կերակրումը:
• Կրծքով սնուցումը շարունակել մինչև 2 տարեկան և ավելի` ըստ պահանջի:
• 12-ից 23 ամսական երեխաներն, ովքեր չեն սնվում կրծքի կաթով, կարող են օգտագործել կենդանական կաթ. այդ տարիքի երեխաները կաթնախառնուրդի կարիք չունեն:
• Երեխային կերակրել սննդարար նյութերով հարուստ բազմատեսակ ուտեստներով, որպեսզի բավարարվի նրա բոլոր պահանջները:
  
  

Ամենօրյա սննդակարգում պետք է ընդգրկված լինեն`

• կենդանական ծագման սնունդ, ներառյալ` միս, ձուկ կամ ձու
• մրգեր ու բանջարեղեն
• ընդեղեն, ընկուզեղեն (մանրացված) և սերմեր պետք է հաճախ ներառել սննդակարգում` հատկապես, եթե առկա է կենդանական ծագման սննդի և բանջարեղենի սահմանափակում

Վնասակար սնունդ և ըմպելիքներ չտալ երեխային:

Չի կարելի երեխայի սննդակարգում ընդգրկել`

• շաքարավազ, աղ և տրանս ճարպեր պարունակող սնունդ
• շաքար պարունակող ըմպելիքներ
• ոչ շաքարային քաղցրացուցիչներ
• 100% մրգային հյութեր կարելի է օգտագործել խիստ սահմանափակ:
  
  

Որոշ դեպքերում, երբ սննդակարգի սահմանափակման հետևանքով սննդային պահանջները չեն կարող բավարարել երեխաների պահանջները, 6-ից 23 ամսական տարիքում կարելի է տալ հարստացված սնունդ կամ վիտամին-միներալային հավելումներ (բժշկի ցուցմամբ):

Այս տարիքի երեխաների կերակրելիս պետք է առաջնորդվել «արձագանքող կերակրման» սկզբունքով, այսինքն` խրախուսել երեխայի ինքնուրույն սնվելու կարողությունը` ֆիզիոլոգիական և զարգացման կարիքներին համապաստախան և նպաստել երեխայի ճանաչողական, զգացմունքային և սոցիալական զարգացմանը:

Հարցեր, պատասխաններ, մեկնաբանություններ