Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Դաստակի վիրահատական միջամտություններ. Դյուպյուիտրենի կոնտրակտուրա. drtehmine.com

Դաստակի վիրահատական միջամտություններ. Դյուպյուիտրենի կոնտրակտուրա. drtehmine.com

Դաստակի վիրաբուժությունն այն բնագավառներից է, որը զբաղվում է դաստակի, մատների հոդերի, վերին վերջույթների փափուկ հյուսվածքների և նյարդերի հիվանդությունների բուժմամբ:

Վիճակներ, որոնց ժամանակ իրականացվում են դաստակի վիրահատություններ.

  • կոտրվածքներ,
  • ջլերի վնասում,
  • նորագոյացություններ,
  • անոթների, հոդային հյուսվածքների և ոսկրերի հետտրավմատիկ վնասումներ,
  • դաստակի ձևախախտում՝ բնածին կամ ձեռք բերովի,
  • դաստակի փափուկ և պինդ հյուսվածքների օտար մարմիններ:


Հաճախ մասնագետներին դիմում են վնասվածքներից, այրվածքներից և ցրտահարություններից հետո մնացորդային երևույթների կապակցությամբ:

Տարածված են այն իրավիճակները, երբ դաստակի մեջ կան օտար մարմիններ, որոնք մկանային թելիկների կծկման հետ տեղաշարժվում են դեպի խորքերը:

Արյունատար անոթների վնասման դեպքում ընդգրկվում է անոթային վիրաբույժը և կիրառվում է նորարարական տեխնիկա:

Տենդովագինիտների, տենոսինովիտների և այլ բորբոքային գործընթացների ժամանակ կիրառվում է բուժման օրգանապահպան ռազմավարություն՝ հատելով գերազանցապես ախտահարված ջլաթելերը՝ պահպանելով առողջ հյուսվածքները:

Դյուպյուիտրենի կոնտրակտուրա


Դյուպյուիտրենի կոնտրակտուրան ափային ապոնևրոզի ախտաբանական սպիական ձգումն է, ինչի հետևանքով սահմանափակվում է մատների և ամբողջ դաստակի շարժունակությունը: Ախտաբանության զարգացման ընթացքում առաջանում է ծալիչ կոնտրակտուրա՝ շարժումների ամպլիտուդայի մասնակի նվազմամբ: Ձևախախտված ափային ապոնևրոզի ընթացքով առաջանում է բնորոշ հանգուցային ձգան, զարգանում է մեկ կամ մի քանի մատների շարժունակության սահմանափակում:  

Դյուպյուիտրենի կոնտրակտուրան պահանջում է որակավորված բժշկական միջամտություն:

Դյուպյուիտրենի կոնտրակտուրայի պատճառները և ախտանիշները

Դեռևս չի հաջողվել պարզել Դյուպյուիտրենի կոնտրակտուրայի զարգացման հստակ պատճառները:  Համարվում է, որ ախտաբանության հիմքում ափային ապոնևրոզի կառուցվածքի ժառանգական փոփոխություններն են: Մասնագետները նաև համարում են, որ կոնտրակտուրայի զարգացման և նյարդային խանգարումների միջև կապ գոյություն ունի, մասնավորապես, ծայրամասային նյարդերի ախտահարման միջև:  

Դյուպյուիտրենի կոնտրակտուրայի հիմնական նշանները.

  • ձեռքի մատների տարածման սահմանափակում,
  • ափի կենտրոնում ոչ մեծ կարծրացման առաջացում, որից ձգվում են բնորոշ ձգանները,
  • կարող են ցավեր առաջանալ, որոնք ճառագայթում են դեպի վեր՝ ուսի և պարանոցի շրջան,
  • ձգանի մակերեսի ձևախախտված մաշկն աստիճանաբար սերտաճում է շրջակա հյուսվածքների հետ:


Դյուպյուիտրենի կոնտրակտուրայի բուժումը


Հիվանդության սկզբնական շրջանում արդյունավետ է կոնսերվատիվ բուժումը՝ ֆիզիոմիջոցառումները, բուժական մարմնամարզությունը՝ ափային ապոնևրոզի ձգումը, անշարժացնող վիրակապերը: Արտահայտված ցավերի դեպքում կիրառվում են դեղորայքային պաշարումներ՝ հորմոնների և ցավազրկողների կիրառմամբ:  

Սակայն թերապևտիկ բուժումը չի կարող վերացնել հիվանդության հիմնական դրսևորումները և նկատելիորեն բարելավել հիվանդի կյանքի որակը:

Ախտահարված մատների շարժողական ֆունկցիայի ամբողջական ծավալը վերականգնելու համար պահանջվում է վիրահատական ճանապարհով հեռացնել շարակցական հյուսվածքը և շտկել ափի հոդերի աշխատանքը: Եթե վիրահատության ընթացքում կարիք է լինում հատել մեծ ծավալով հյուսվածքներ, ապա հետագայում իրականացվում է պլաստիկ միջամտություն (հիվանդի սեփական հյուսվածքներով լրացվում են մաշկային ծածկույթների պակասը):

Սկզբնաղբյուր. drtehmine.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Դասախոսություն «Միկրոանգիոպաթիայի ֆենոմենի նշանակությունը մանկաբարձությունում և գինեկոլոգիայում» թեմայով. morevmankan.am
Դասախոսություն «Միկրոանգիոպաթիայի ֆենոմենի նշանակությունը մանկաբարձությունում և գինեկոլոգիայում» թեմայով. morevmankan.am

Հարգելի գործընկերներ


Սույն թվականի մարտի 29-ին Մոր և մանկան առողջության պահպանման գիտահետազոտական...

«Արմենիա» ՀԲԿ-ն աշխատանքի է հրավիրում. armeniamedicalcenter.am
«Արմենիա» ՀԲԿ-ն աշխատանքի է հրավիրում. armeniamedicalcenter.am

«Արմենիա» ՀԲԿ-ն աշխատանքի է հրավիրում...

Կլինիկական դեպք․ գիգանտ միոմայի բարեհաջող հեռացում. morevmankan.am
Կլինիկական դեպք․ գիգանտ միոմայի բարեհաջող հեռացում. morevmankan.am

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր իր համար վստահելի...

ՀՀ ԱՆ. Ձեռքերի ալերգիկ կոնտակտային մաշկաբորբ
ՀՀ ԱՆ. Ձեռքերի ալերգիկ կոնտակտային մաշկաբորբ

Այս խորհուրդներին հետևելը կօգնի նվազագույնի հասցնել ռիսկերը կենցաղային քիմիական նյութերի հետ աշխատելիս և պահպանել ձեր առողջությունն ու բարեկեցությունը...

Եվրոպայում առկա բուժման մոտեցումները վաղուց կիրառվում են Նաիրիում. nairimed.com
Եվրոպայում առկա բուժման մոտեցումները վաղուց կիրառվում են Նաիրիում. nairimed.com

Ուրախ ենք տեղեկացնել, որ «Նաիրի» ԲԿ-ի նյարդաբանության և նյարդավիրաբուժության բաժանմունքի ղեկավար Արման Պարգևի Հակոբյանը` որպես խոսնակ...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ