Ամանորյա տոնակատարություն «Իզմիրլյան» բժշկական կենտրոնի աշխատակիցների երեխաների համար. izmirlianmedicalcenter.com

Տարեվերջ է և, արդեն հաստատված ավանդույթի համաձայն, «Իզմիրլյան» բժշկական կենտրոնում հյուրընկալվել էին կենտրոնի աշխատակիցների երեխաներն ու թոռնիկները: Դեկտեմբերի 27-ը նրանց համար հոգատարությամբ պատրաստված հեքիաթային մի տոնի վերածվեց՝ դահլիճում գունագեղ խաղալիքներով և լույսերով զարդարված տոնածառով, Ձմեռ Պապի և Ձյունանուշի գալուստով, երգ ու պարով, խաղերով և վերջում՝ Ձմեռ Պապի պարկից շռայլորեն մատուցվող նվերներով: Երեխաները շրջապատել էին Ձմեռ Պապին ու Ձյունանուշին և լիուլի վայելում էին իրենց նվիրված հեքիաթը:

«Այս միջոցառումն արդեն ավանդույթ է դարձել մեզ մոտ.- ասում է «Իզմիրլյան» բժշկական կենտրոնի տնօրեն Արմեն Չարչյանը,- Նոր Տարվա շեմին մենք հրավիրում ենք մեր աշխատակիցների երեխաներին, թոռնիկներին և անպայման նաև «Նագաշյան» աջակցության կենտրոնի երեխաներին, որպեսզի ուրախություն պատճառենք մեր մանուկներին, շնորհավորենք նրանց գալիք տարվա կապակցությամբ, մեր բարեմաղթանքները հղենք նրանց: Բայց, ամենակարևորը, թերևս, Վեհափառ Հայրապետի օրհնությունը մանուկներին փոխանցելն է:

Այսօր ավանադույթ դարձած միջոցառումը  իրենց օրհնությունը փոխանցեցին «Իզմիրլյան» ԲԿ հոգևոր տեսուչ՝ Արժանապատիվ Տեր Թադեոս քահանա Թադևոսյանը, ինպես նաև հրավիրված էին Գերաշնորհ Տաթև Արքեպիսկոպոս Սրբազանը՝  Գերաշնորհ Խաժակ արքեպիսկոպոսի հետ, որոնք էլ հենց փոխանցեցին Վեհափառ Տիրոջ օրհնությունը՝ Մայր Աթոռի օրհնությունը:

Շատ կարևոր է նաև երեխաների շփումը հոգևորի, հոգևորականի հետ: Այսօր Գերաշնորհ Տաթև Արքեպիսկոպը շնորհավորեց երեխաներին: Նա, թեպետ միշտ խոսում է եկեղեցական լեզվով, բայց այնպես, որ լիովին հասու լինի երեխաներին:

Մեր փոքրիկների համար ամեն տարի նաև նվերներ ենք պատրաստում, անպայման գալիս են Ձմեռ Պապն ու Ձյունանուշը: 1- 2 ժամ երեխաները խաղում են, ուրախանում, զվարճանում: Ցանկության դեպքում մեր աշխատակիցներն էլ՝ իրենց երեխաների հետ, մասնակցում են ցերեկույթին: Այս օրը կարծես մեծերն էլ են մանկանում:

Չնայած միջոցառումն ամեն տարի է անց կացվում, բայց ասես ամեն անգամ այն անակնկալ է երեխաների համար, հատկապես, որ այդ միջոցառումը միշտ լինում է նրանց առաջին հանդիպումը Ձմեռ Պապի հետ, որովհետև Ձմեռ Պապը նրանց տուն դեռ նոր է գնալու՝ դեկտեմբերի 31–ի երեկոյան:

Տարին փակում ենք և՛ այս միջոցառմամբ, և՛ աշխատանքային վերջին օրվա ընկերական հավաքով: Այդ հավաքն արդեն աշխատակիցների համար է՝ հավաքվում ենք, շնորհավորում միմյանց ձեռքբերումների, հաջողությունների համար, որոնք կայացան անցած տարում, մաղթում, որ դրանք բազմապատկվեն:

Ես բոլորին դիմում եմ «խաղաղություն ամենեցուն և խաղաղություն տանն այս» մաղթանքով: Իսկ երեխաներին, որպես բժիշկ, նախ,  ցանկանում եմ առողջություն, ապա՝ գեղեցիկ, անհոգ, երջանիկ մանկություն:

Գերաշնորհ Տեր Տաթև Արքեպիսկոպոս Սարգսյանի խոսքը Ամանորյա միջոցառման առիթով

«Տարիներու սովորութիւն է, որ մենք  «Իզմիրլյան» հիվանդանոցին մէջ հավաքենք մեր բոլոր բուժաշխատողներին, բժիշկներին զավակները, թոռնիկները, որովհետեւ այնքան զբաղած կըլլան տոնական օրերուն մէր բժիշկները, որ իրանց զավակներուն հետ ըլլալու առիթ քիչ կունենան: Ատոր համար Ձմեռ Պապին այստեղ կուգա, մենք այստեղ կուգանք, կօրհնենք մեր ազգի երեխեքը, այս հաստատւթյունը, որ նվիրումով, բծախնդրությամբ և հիվանդներու հանդեպ պրոֆեսիոնալ կատարյալ մոտեցումով կառաջնորդվէ:

Աս մտերմիկ, հարազատ հանդիպում մըն է բժիշկներու, իրանց ընտանիքներու, զավակներու, թոռնիկներու հետ: Մեզի երեխաներու ուրախութիւնը կփոխանցվէ, իսկ մենք ալ նրանց կփոխանցենք մեր օրհնութիւնը, և, մանավանդ, մեր սերը կհայտնենք:

Վեհափառ Հայրապետը այս բարի ավանդիւյթը ստեղծեց և այն հետզհետե ճոխացավ ավելի, որովհետեւ մանուկներու օրհնութեան շատ լավ արարողութիւն մը ունինք, որուն կնախագահե Վեհափառը: Եվ ատիկա այստեղ ալ բերինք, որպեսզի Վեհափառին օրհնութիւնն ալ այստեղ ըլլա, որտեւ, ինչպես գիտեք, Վեհափառը այս հաստատության տեր ու պաշտպանն է, հսկողն է:

Երազանքը միշտ կօգնէ բոլորին՝ թե՛ երեխաներին, թե՛ մեծերին, որպեսզի իրենք նոր հույսերով լցվեն, մանավանդ ամենէն կարեւորը, որ իրար հանդիպին: Մեր ժողովուրդը գործերով կզբաղէ, ուրիշին հետ գործակցության առիթ չի ստեղծվէ: Այս հավաքներու իմաստն այս է՝ մէզ կմիացնէ և մէզի գործակից կդարձնէ, որտեւ այդ մտերմության մէջ, երբ որ մեկ բժիշկը մյուսին մասնագիտութիւնը կհարգե, անոր փորձառութեանը բան մը կսորվի, այն ժամանակ ավելի կճոխանան երազանքները և կդառնան ծառայություն;

Որովհետեւ, երբ որ կսիրես բան մը, մեկ բան պետք է հասկնաս, սերը մեզի համար չէ: Աստոծ սերը ինքն է տվել, որովհետև սերը ուրիշին համար է, և ատոր մեջ երիտասարդ բժիշկներն ալ կզորանան: Երեխաներուն պես պետք է ընդունենք մեր Տէրը. երեխաներու՝ անմեղ, անուշ, քաղցր, ակնկալիքներով լեցուն, մանավանդ այս դարուն երեխաները, որ այնքան լայն հորիզոն, մեծ հետաքրքրություններ ունին, այնքան տաղանդավոր են, որ մենք անոնցմէ բան մը կսորվինք:

Մաղթանքս և աղոթքս է, որ մեր ժողովուրդը հաստատուն մնա իր հավատքին մէջ և այս ցրվածութիւնին վերջ գա, հայահավաք մը սկսի կազմակերպվել: Որովհետեւ հայի հավաքատեղին այստեղ է: Ցանկությունս է, որ հայերը Հայաստանին մէջ հավաքվեն՝ երկիրը ծաղկեցնելու, մեր հայրենակերտումի գործը կատարելու»:

Հարցեր, պատասխաններ, մեկնաբանություններ