Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Աշխատավայրում

Ինչպե՞ս տրամադրվել աշխատանքի` արձակուրդից հետո

Ինչպե՞ս տրամադրվել աշխատանքի` արձակուրդից հետո

Կան բաներ, որոնք աշխատող հասարակությունը ողջ տարվա ընթացքում անհամբերությամբ է սպասում՝ հանգստյան օրերը և արձակուրդը: Դա հասկանալի է՚ հիանալի ժամանակ լիցքաթափվելու, շփվելու ընկերների, հարազատների, տան անդամների հետ, հարաբերություններն ամրապնդելու ամենալավ պահը:

 

Ողջ օրն աշխատավայրերում նստելու փոխարեն կարող ենք հրաժեշտ տալ տոթ գրասենյակին և գնալ լեռներ, ծով, գրավիչ հեռավոր վայրեր:


Կարող ենք շրջել խանութներով, նայել գեղեցիկ ցուցափեղկերին, տանը մնալ և տրվել հեռուստացույցի առջև ոչինչ չանելուն: Մենք կարող ենք անուշեղեններ ճաշակել, նույնիսկ քնել մինչև ճաշի ժամը: Մի խոսքով` արձակուրդը մեզ հնարավորություն է տալիս լավ թուլանալու և աշխատանքից հանգստանալու:


Բայց… Վաղ թե ուշ հանգիստը վերջանում է։ Ահա մոտենում է օրը, երբ անհրաժեշտ է արդեն աշխատանքի գնալ: Երկարատև արձակուրդից հետո աշխատանքին վերադառնալը երբեք հեշտ չէ, եթե միայն վերին աստիճանի աշխատամոլ չեք: Միայն նրանք, ովքեր անգամ լողափին պառկած, մտքով շարունակում են գտնվել գրասենյակում և չեն կարողանում սպասել արձակուրդի կամ հանգստյան օրերի ավարտին, կկարողանան վերադառնալ աշխատանքի հեշտորեն:


Իրավամբ դժվար է աշխատանքի վերադառնալ երկարատև ընդմիջումից հետո: Ողջ աշխարհում միլիոնավոր մարդիկ տառապում են սթրեսից, որը հոգեբաններն անվանում են «ետտոնական համախտանիշ»: Սթրեսի նման տեսակից ազատվելու համար պահանջվում են զգալի ջանքեր, երբեմն էլ դիմում են մասնագետների օգնությանը:


Տարբեր հաստատութոյւններում անցկացված հետազոտությունները ցույց են տվել, որ.

 

  • աշխատակիցների 66%-ը, վերադառնալով արձակուրդից կամ երկարատև հանգստյան օրերից, ակտիվ սթրես է ունենում,

  • աշխատակիցների սթրեսի մակարդակի որոշումը հանգստյան օրերից առաջ, ընթացքում և հետո ցույց է տվել, որ նրանցից կեսի մոտ հանգստի դրական ազդեցությունը անհետացել է աշխատանքի վերադառնալու առաջին իսկ երեք օրերի ընթացքում, իսկ երեք շաբաթ անց՝ ընդհանրապես չի զգացվել, որ վերջերս հաջողվել է հանգստանալ,

  • աշխատակիցների 76%-ի մոտ աշխատանքին վերադառնալու առաջին շաբաթվա ընթացքում սթրեսի և հոգնածության մակարդակը մոտ է եղել մինչև տոները ընկած օրերի հոգնածության մակարդակին:


Որո՞նք են ետտոնական սթրեսի աշտանիշները


Ահա ավելի բնութագրական նշանները, որոնցից մեկի կամ մի քանիսի առկայությունը ավելի ակնհայտորեն է վկայում սթրեսի առկայության մասին.

 

  • թախիծ,
  • մելամաղձոտություն,
  • բարկություն,
  • անհանգստություն,
  • արագ հոգնելիություն,
  • գլխացավեր,
  • մկանային ցավեր,
  • ընկալման խանգարումներ, երբ նույնիսկ դյուրին գործերն անհնարին են թվում:


Ինչպե՞ս հաղթահարել սթրեսը հանգստյան օրերից և արձակուրդից հետո


Ետտոնական սթրեսի հետ պայքարն արագ արդյունքներ կունենա, եթե զբաղվեք ձեզանով և այդ խնդիրը չմատնեք ինքնահոսի, որի համար շատ բան չի պահանջվում.

 

  • փորձեք չխրվել աշխատանքի մեջ հանգստյան օրերից հետո ընկած առաջին իսկ օրերին, այլ սկսեք աստիճանաբար վերադառնալ աշխատանքային գրաֆիկին,

  • մի՛ պլանավորեք լուրջ հանդիպումներ առաջին աշխատանքային օրվա սկզբին,

  • կատարեք գոնե ամենահասարակ ֆիզիկական վարժությունները, այն լավ օգնում է հաղթահարել սթրեսը,

  • ձեզ համար արեք ինչ-որ հաճելի բան, մի՛ սկսեք սպասել հաջորդ տոնին կամ արձակուրդին:

 

Փորձե՛ք հավասարակշռություն պահպանել աշխատանքի և անձնական կյանքի միջև: Դա նշանակում է, որ յուրաքանչյուր օր անհրաժեշտ է ժամանակ գտնել կյանքի կարևորագույն չորս ասպեկտների համար՝ աշխատանք, ընտանիք, հետաքրքրություններ ընկերների հետ միասին, իհարկե, նաև սեփական հետաքրքրություններ և կարիքներ: Հանգստից հետո առաջին օրերին շատ կարևոր է որքան հնարավոր է շատ ժամանակ գտնել բացառապես ինքդ քեզ համար:


Դա կօգնի հաղթահարել ճնշվածությունը և արագ ազատվել սթրեսից: Փորձեք ազատվել բացասական մտքերից և հուզումներից, որպեսզի նրանք չկուտակվեն, այլապես դա կարող է կործանիչ հետևանքների պատճառ դառնալ:


Արձակուրդից հետո աշխատանքային ռեժիմին վերադառնալը


Մինչ արձակուրդ մեկնելը պետք է աշխատանքն ավարտին հասցնել: Եթե ցանկանում եք, որ հանգիստը խաղաղ անցնի ու առաջին իսկ աշխատանքային օրը չդիմավորի ձեզ կուտակված գործերի մի ամբողջ կույտով, համոզվեք, որ ձեր ետևում չեք թողել անլուծելի խնդիրներ: Մի թողեք անկարգ իրավիճակ գործերում և ձեր աշխատավայրում, այդ դեպքում դուք հանգստյան օրերից հետո ստիպված չեք լինի աշխատանքն սկսել վիթխարի կույտը մաքրելուց:


Է՞լ ինչ կարելի է անել՝ հանգստից հետո աշխատանքին վերադառնալը հեշտացնելու համար:


Ահա մի քանի խորհուրդներ.


1. Մի խախտեք օրվա սովորական ռեժիմը
Եկեք պայմանավորվենք, որ արձակուրդի առաջին իսկ օրվանից սկսած մենք կտրամադրվենք մեզ թույլ չտալ մինչև ուշ գիշեր նստել հեռուստացույցի առջև, կամ երեկույթից տուն վերադառնալ արևածագին, իսկ հետո օրվա կեսը քնել: Այս ամենը կհանգեցնի նրան, որ երբ կգա աշխատանքին վերադառնալու ժամանակը, հանգստի փոխարեն արձակուրդը կավարտվի թմրածության ու հոգնածության զգացումով:


Լավագույնը, որ դուք կարող եք անել, որպեսզի ժամանակին և ոչ հիվանդագին զգացողությամբ վերադառնաք սովորական աշխատանքային ռեժիմին, արձակուրդի ժամանակ պառկել և վեր կենալն է ձեզ համար սովորական դարձած ժամին: Զարթուցիչը դրեք և ձեր ամենօրյա գործերին անցեք այն ժամին, ինչպես սովորաբար անում եք: Այդժամ արձակուրդից հետո առաջին աշխատանքային օրերին դուք քնկոտություն չեք ունենա և սովորականից ավելի հոգնածություն չեք զգա:

 

2. Արձակուրդի ժամանակ թույլ մի′ տվեք ուղեղին ոչինչ չանելու
Սովորաբար մենք հակված ենք մտավոր ուժերը գործի դնել ըստ անհրաժեշտության, երբ տրվում ենք հանգստի և հաճույքի: Բայց չպետք է թողնել ուղեղին թուլանալու, այն պետք է «տոնուսի մեջ պահել» և անընդհատ ինչ-որ բեռնվածություն տալ: Կարդացե′ք գրքեր, լուծե′ք խաչբառեր, խաղացե′ք տրամաբանական խաղեր: Արդյունքում ձեր ուղեղն իրեն չի կորցնի, երբ, անցնելով աշխատանքի, անհրաժեշտություն առաջանա լարել մտավոր կարողությունները:


3. Ձեր գործընկերերի հետ կապերի մեջ մնացե′ք
Իհարկե, մենք բոլորս նախընտրում ենք հեռանալ աշխատանքի հետ կապված ամենօրյա հոգսերից և խնդիրներից, երբ հանգստանում ենք: Բայց այն մարդիկ, ովքեր ապահովում են իրենց անտեսանելի ներկայությունն աշխատանքում՝ անգամ գտնվելով հայրենական տնից բավականաչափ հեռու, խուսափում են արձակուրդից վերադառնալուց հետո անսպասելի ծանրաբեռնվածության տակ կքումից: Չէ՞ որ նրանք տեղյակ են լինում բոլոր գործերից, և արձակուրդից հետո ավելի հեշտ են տրամադրվում աշխատանքին։  Բարեբախտաբար, հեռախոսային կապը և այլ ժամանակակից տեխնոլոգիաները մեզ թույլ են տալիս տեղյակ լինել բոլոր գործերից, անգամ այն դեպքում, երբ մենք շատ հեռու ենք մեկնում:


4.  Երբ արձակուրդն ավարտվում է, տրամադրեք 2-3 օր, որպեսզի պատրաստվեք առաջին աշխատանքային օրվան,
Ավելի լավ է արձակուրդից տուն վերադառնալ մի քանի օր առաջ: Այդպես դուք ավելի արագ կհարմարվեք տնային պայմաններին, կարող եք ավելի հանգիստ պայմաններում բնակարանում կարգուկանոն հաստատել և հավաքել ամեն բան, ինչն անհրաժեշտ է աշխատանքը սկսելուց առաջ:


5. Ստուգեք ձեր աշխատանքային էլեկտրոնային փոստը` առաջին աշխատանքային օրվա նախօրեի երեկոյան:
Դրան տրամադրեք մի ժամ՝ հանգիստ տնային պայմաններում, և դա ձեզ կազատի գլխացավից ու հաջորդ օրը ձեր գլխին թափվող գործերի մի մասից:


6.  Հնարավորության դեպքում մի′ վերադարձեք աշխատանքի երկուշաբթի օրը:
Փորձեք պլանավորել ձեր վերադարձը երեքշաբթի կամ չորեքշաբթի օրերին: Այդ դեպքում դուք ստիպված չեք լինի բախվել երկուշաբթի օրվա կուտակված գործերի քաոսին՝ երկարատև հանգստից անմիջապես վերադառնալուց հետո:


7.  Աշխատակիցների հետ փոխանակվեք տեղեկատվությամբ:
Կա հիանալի հնարավորություն ընկղմվելու աշխատանքային պայմանների իրավիճակի մեջ: Իմացեք, թե ի՞նչ է տեղի ունեցել այն նախագծի հետ, որը մշակվում էր մինչև ձեր գնալը և այսօր ինչպիսի՞ խնդիրների առջև է կանգնած աշխատանքային թիմը: Այդ կերպ ձեզ ավելի հասկանալի կլինի՝ առաջին աշխատանքային օրն ի՞նչ է պահանջվում հատկապես ձեզանից:


8.  Շտապեք աստիճանաբար

Երբ դուք աշխատանքի եք վերադառնում հանգստի մի քանի օրերից կամ շաբաթներից հետո, ձեզ կարող է սպասվել մեծ ծավալի աշխատանք: Երբեմն նույնիսկ դուք կարող եք շփոթմունք զգալ`՝ չիմանալով ինչի՞ց և ինչպե՞ս սկսել:


Ամենալավը, որ կարելի է անել՝ սկսել չշտապելով, անել ամեն ինչ հերթականությամբ: Ստուգեք ձայնային հաղորդագրությունները, էլեկտրոնային փոստը, կազմեք ընթացիկ խնդիրների ցուցակ: Դա կհեշտացնի անցումն աշխատանքային ռեժիմի և թույլ կտա աստիճանաբար անցում կատարել ավելի մասշտաբային խնդիրների լուծմանը:


Հույս ունենք, որ խորհուրդները կօգնեն շատ ավելի լավ տրամադրվել աշխատանքի և կհեշտացնեն վերադարձը աշխատանքային գործունեությանը: Եթե, ամեն դեպքում, ձեզ մոտ ցանկություն է առաջանում տուն փախչել և թաքնվել ծածկոցի տակ` ձեզ վրա թափված հոգսերից, փորձեք հանգստանալ ու մտածել այն մասին, թե ինչու՞ է ձեր աշխատանքն ավելի լավը մյուսներից:


Չէ՞ որ այն կարևոր է ձեզ համար, այդպե՞ս չէ: Այն ձեզ համար ունի հատուկ նշանակություն, որը կատարելով, դուք հետապնդում եք որոշակի նպատակներ: Դուք գումար եք աշխատում, որն անհրաժեշտ է կարևոր խնդիրների լուծման համար, դուք կարիերա եք ստեղծում, դուք ինքնահաստատվում եք որպես անհատ: Վերջիվերջո, դուք սիրում եք այն, ինչ անում եք:


Իսկ եթե լավ հանգստից հետո միանգամից աշխատանքին վերադառնալը ձեզ համար վերածվում է իսկական մղձավանջի, այդ դեպքում, հնարավոր է դուք վերագնահատեք ձեր կարիերան: Չէ՞ որ, երբ աշխատանքը դուր է գալիս, դուք անհամբերությամբ եք սպասում արձակուրդից վերադառնալուն: Հատկապես եթե դուք ճիշտ եք տրամադրվում հանգստից աշխատանքի անցմանը:

Սկզբնաղբյուր. jlady.ru
Աղբյուր. med-practic.com
Լուսանկարը. 36on.ru
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

ՀՀ ԱՆ. Խորհուրդներ՝ բարձր ջերմաստիճանային պայմաններում աշխատանքի կազմակերպման
ՀՀ ԱՆ. Խորհուրդներ՝ բարձր ջերմաստիճանային պայմաններում աշխատանքի կազմակերպման

Շաբաթվա ընթացքում արձանագրված և կանխատեսվող շոգ եղանակի կապակցությամբ առողջապահության նախարարությունը հիշեցնում է, որ բարձր ջերմաստիճանային պայմաններում աշխատանքի կազմակերպման նկատմամբ ՀՀ օրենսդրությամբ սահմանված պահանջները...

Օգտակար խորհուրդներ
Հատուկ ընդմիջումներ՝ +40 աստիճանից բարձր պայմաններում աշխատանքի ժամանակ. iravaban.net
Հատուկ ընդմիջումներ՝ +40 աստիճանից բարձր պայմաններում աշխատանքի ժամանակ. iravaban.net

ՀՀ աշխատանքային օրենսգրքի 153-րդ հոդվածը սահմանում է աշխատանքի ընթացքում լրացուցիչ և հատուկ ընդմիջումներ ունենալու իրավունքը...

ԼՈՒՐԵՐ: Բժշկական իրավունք
5 հետաքրքիր փաստ, թե ինչպես է նստած աշխատանքն ազդում առողջության վրա. news.am
5 հետաքրքիր փաստ, թե ինչպես է նստած աշխատանքն ազդում առողջության վրա. news.am

Շատերն են հավանաբար լսել, որ նստած աշխատանքը բացասաբար է ազդում մեր առողջության վրա` ընդհանրապես, եւ մասնավորապես` աշխատանքի ժամանակ սիրտ-անոթային համակարգի վրա...

Աշխատավայրում կենտրոնանալու 6 միջոց. 1in.am
Աշխատավայրում կենտրոնանալու 6 միջոց. 1in.am

Աշխատանքի ընթացքում մենք ստիպված ենք մշտապես լինել կապի մեջ` հեռախոսի և համակարգչի միջոցով: Որպեսզի դա խնդիր չդառնա, ubr.ua-ն ներկայացնում է 6 միջոց...

Ես և աշխատանքը
Բույրեր, որոնք կօգնեն առօրյա աշխատանքում. 1in.am
Բույրեր, որոնք կօգնեն առօրյա աշխատանքում. 1in.am

Գիտնականները պարզել են, որ կոնկրետ բույրերից օրգանիզմում բարձրանում է ցինեոլի մակարդակը, որը խթանում է նեյրոնների ակտիվությունը: Հենց դրա հետ են կապում մտավոր հանձնարարությունների փայլուն լուծումը, ագրեսիվության...

Ես և աշխատանքը
12 մեթոդ աշխատավայրում սթրեսից ազատվելու համար. 1in.am
12 մեթոդ աշխատավայրում սթրեսից ազատվելու համար. 1in.am

Lady.obozrevatel.com-ը մեթոդներ է առաջարկում աշխատավայրում սթրեսից ազատվելու համար...

Ես և աշխատանքը
5 տարբերակ, թե ինչպես կարող է աշխատանքը փչացնել քունը.
5 տարբերակ, թե ինչպես կարող է աշխատանքը փչացնել քունը.

Շատերն անհամբերությամբ են սպասում ուրբաթ երեկոյան ժամերին, երբ դուրս կգան գրասենյակից՝ առաջիկա հանգստյան օրերին լարվածությունը թոթափելու ոգևորությամբ: Իրավիճակը ծանոթ է ամբողջ աշխարհի աշխատողներին. պատճառը...

Քուն, քնի խանգարումներ Ես և աշխատանքը
Աշխատանքի արդյունավետության բարձրացման 12 խորհուրդ. 1in.am
Աշխատանքի արդյունավետության բարձրացման 12 խորհուրդ. 1in.am

Ոչինչ միանգամից չի լինում՝ ցանկացած նպատակի հասնելու համար անհրաժեշտ են ջանքեր և ժամանակ: Իսկ եթե այդ հարցին մոտենաք կազմակերպված, ապա կհասնեք դրական...

Ես և աշխատանքը
6 նշան, որոնք վկայում են, որ դուք աշխատամոլ եք. tert.am
6 նշան, որոնք վկայում են, որ դուք աշխատամոլ եք. tert.am

Աշխատամոլ, գնումների մոլի սիրահար կամ շոկոլադամոլ լինելն այն մեղքերից է, որոնք մարդիկ խոստովանում են ոչ այնքան մեղքի, որքան հումորի զգացումով: Շատերը գիտեն, որ շոկոլադի չարաշահումը կամ աշխատավայրում մեկ-երկու ժամ ավելի մնալն այնքան էլ...

Ես և աշխատանքը
3 խորհուրդ՝ աշխատավայրում ընկերներ ձեռք բերելու համար
3 խորհուրդ՝ աշխատավայրում ընկերներ ձեռք բերելու համար

Եթե հաջողացրել եք ընկերություն հաստատել աշխատավայրում, ապա կարող եք ինքներդ ձեզ բախտավոր մարդ համարել: LinkedIn պրոֆեսիոնալ սոցիալական ցանցը սպասարկող մասնագետների կողմից իրականացված...

Ես և աշխատանքը
Եթե ստիպված եք երկար ժամեր անցկացնել համակարգչի առջեւ. կինեզիոթերապևտ Արամ Նալբանդյան (տեսանյութ)
Եթե ստիպված եք երկար ժամեր անցկացնել համակարգչի առջեւ. կինեզիոթերապևտ Արամ  Նալբանդյան (տեսանյութ)

Նստած դիրքը ողնաշարի համար ամենածանրն է համարվում: Այդ մասին med-practic-ի հետ զրույցում ասաց կինեզիոթերապևտ, ռեաբիլիտոլոգ Արամ  Նալբանդյանը ՝ հավելելով, որ ողնաշարը օրգանիզմի...

Բժշկի ընդունարանում Ես և աշխատանքը Բժիշկներ
Ինչպես ճիշտ հեռանալ աշխատանքից. նրանք Ձեզ երկար կհիշեն
Ինչպես ճիշտ հեռանալ աշխատանքից. նրանք Ձեզ երկար կհիշեն

Բոլորս էլ ժամանակ առ ժամանակ փոխում ենք մեր աշխատավայրը: Հոգեբանները խորհուրդ են տալիս փոխել աշխատանքը 3-5 տարին մեկ: Եթե մտածում եք\' ինչպես հեռանալ աշխատանքից, հետևեք...

Ես և աշխատանքը
10 շարժում, որոնք կարող են ձեզ առանց աշխատանք թողնել
10 շարժում, որոնք կարող են ձեզ առանց աշխատանք թողնել

Թափուր աշխատատեղին դուք արձագանքել եք հիանալի ռեզյումեով (ինքնակենսագրական) և դրան կից անթերի  նամակով։ Դուք տեղեկություններ եք հավաքել ընկերության մասին և հարցազրույցի ժամանակ...

Ես և աշխատանքը
Համակարգիչն ու ձեր առողջությունը
Համակարգիչն ու ձեր առողջությունը

Մարդկանց հիվանդություններն ու ընտրած մասնագիտությունը ուղղակիորեն փոխկապակցված են: Օրինակ` հանքափորները, սովորաբար, տառապում են սիլիկոզներից, նրանք, ովքեր ստիպված են ամբողջ օրը ոտքի վրա կանգնել, ունենում են երակների լայնացում… Իսկ որ...

Ես և աշխատանքը
Բացառիկ խորհուրդներ` աշխատավայրում խնդիրների լուծման համար
Բացառիկ խորհուրդներ` աշխատավայրում խնդիրների լուծման համար

Միկա Բրժեզինսկին, ով Morning Joe հայտնի հեռուստաշոուի հաղորդավարուհին է և ամերիկյան Cosmo-ի` կարիերայի հարցերով խորհրդատուն, կօգնի աշխատավայրում վերացնել բոլոր այն խոչընդոտները, որոնք քեզ անհաղթահարելի են թվում...

Ես և աշխատանքը

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ