Հրատապ թեմա Հայաստանում
Բաց դռների օր ՀՀ ԱՆ ակադեմիկոս Ս. Ավդալբեկյանի անվան առողջապահության ազգային ինստիտուտը. ի՞նչ դեր և ֆունկցիա ունի ԱԱԻ-ն ներկայում
Նախկինում ՀՀ ԱՆ ակադեմիկոս Ս. Ավդալբեկյանի անվան առողջապահության ազգային ինստիտուտը (ԱԱԻ) կոչվում էր Բժիշկների կատարելագործման պետական ինստիտուտ (ГИДУВ), և զբաղվում էր բժիշկների հետդիպլոմային և արդեն կայացած բժիշկների պարբերական վերապատրաստումներով: Այս ֆունկցիան մի քանի տարի առաջ, ցավոք, հանվեց և զբաղվում էր միայն ազգային առողջապահական կազմակերպչական հարցերով, որն այսօր էլ շարունակում է մնալ նրա կարևորագույն ֆունկցիաներից մեկը:
Ներկայում վերսկսվում է, նոր զարկ է ստացնում նախկինում իրականացված կրթական միսիան, որի նպատակն է ստեղծել ժամանակակից մեթոդոլոգիայի բազայի վրա կրթական հարթակ, որպեսզի Հայաստանում կլինիկական օրդինատորները ստանան այն կրթությունը, այն հմտությունները, որոնք այսօր ստանում են Եվրոպայում և ԱՄՆ-ում գործունեություն ծավալող բժիշկները:
Այս խնդիրը Հայաստանում եղել է վաղուց, իսկ վերջին տարիներին առավել խորացել է, և մեր բժիշկները, թեև տեսականորեն տիրապետում են գիտելիքների, սակայն, ցավոք, շատ հանգամանքներից ելնելով, գործնականում չունեն անհրաժեշտ հմտություններ: Համեմատության համար հարկ է նշել, որ արտասահմանում չորրորդ-հինգերորդ կուրսի ռեզիդենտը գործնական հմտություններին տիրապետող բժիշկ է:
Սույն թվականի օգոստոսի 20-ին ՀՀ ԱՆ «Ակադեմիկոս Ս. Ավդալբեկյանի անվան առողջապահության ազգային ինստիտուտ» ՓԲԸ-ում տեղի ունեցավ հանդիպում-քննարկում Դիմորդների համար:
Ներկաները ծանոթացան ամբիոնների վարիչների և դասախոսական կազմի հետ, ընդունելության պայմաններին, առարկայական պահանջներին, բուհի ներքին կանոնակարգին և ստացան իրենց հուզող հարցերի պատասխանները:
Հանդիպման շրջանակում զրուցեցինք ԱԱԻ գինեկոլոգիայի և վերարտադրողականության ամբիոնի վարիչ, պրոֆեսոր Էդուարդ Համաբարձումյանի հետ, ով պատասխանեց մի քանի հարցերի:
Ո՞րն է այսօրվա միջոցառման առիթը, ի՞նչ ուղղվածություններ, ձեռքբերումներ են ներկայացվել
Այս միջոցառումը ԱԱԻ կողմից ձեռնարկված նոր հետաքրքիր քայլ էր:
Հայաստանում շատ ամբիոններ կան, օրինակ, գործում են մի քանի մանկաբարձության և գինեկոլոգիայի խոշոր ամբիոններ: Նրանք գործում են մեկ այլ մոդելներով, մեր աշխատանքները կկառուցվեն փոքր-ինչ այլ մոտեցումներով, ինչը կարող է մրցակցություն ստեղծել և ընտրության հնարավորություն տալ կլինիկական օրդինատորներին: Միջազգային փորձը ցույց է տալիս, որ մրցակցությունը խիստ կարևոր գործոն է, առանց դրա լճացում է առաջանում, ինչն արդեն տեսնում ենք վերջին տարիներին Հայաստանում:
Ես միջոցառմանը ներկայացրեցի իմ պատկերացրած կրթական մոդելը: Երկար տարիներ աշխատել եմ Եվրոպայում և Միացյալ Նահանգներում, որտեղ շփվել եմ ռեզիդենդների հետ: Նկատել եմ, որ առաջին կուրսի ռեզիդենտները, որոնք քիչ գիտելիքներ ունեն, 3-4 տարվա ընթացքում դառնում են հասուն, մտածող, հետազոտություններ, ախտորոշում և բուժում իրականացնող, բուժական հմտություններին տիրապետող բժիշկներ: Դա ուղղակի նախանձելի է և ցավալի, որ մենք այդ մոդելը մեզ մոտ չունենք: Եվ դա ինձ համար երազանք էր: Մտածում էի, թե ինչպե՞ս են դրան հասել, ի՞նչն է մեզ մոտ խանգարում այդ գործընթացին: Իսկ խանգարող գործոններ կան, շատ են` և՛ սուբյեկտիվ, և՛ օբյեկտիվ
Խոսենք նոր մոդելի առավելությունների մասին:
Նոր մոդելի առավելություններից է ժամանակակից մոտեցումը: Ճիշտ է, ձևաչափը կմնա մեզ մոտ գործող կլինիկական օրդինատուրայի համար ընդունվածը, բայց բովանդակությունը կլինի այն բարձր ռեզիդենտուրայի մակարդակը, որը Եվրոխորհրդի կողմից ընդունվել է բոլոր եվրոպական երկրների համար:
Արդեն Եվրոպայի փորձը, կարելի է ասել՝ պատրաստի մատյանը կա, որը մշակվել է Եվրախորհրդի բժշկական մանկաբարձության և գինեկոլոգիայի համալսարանների մասնագետների կողմից: Դա քայլերի այն հերթականությունն է, որը կբերի մասնագետի ձևավորման: Պետք է նաև հատուկ չափանիշներ ունենանք, որով կարողանանք ստուգել, թե բժիշկը համապատասխանո՞ւմ է, արդյոք, անհրաժեշտ չափանիշներին, թե՝ ոչ:
Հին համակարգից ի՞նչ թերություններ կառանձնացնեք:
Մեզ մոտ դժվար է աշխատել հիվանդների հետ ուսումնական գործընթացի շրջանակներում, քանի որ ներկայում գրեթե բոլոր բժշկական հիմնարկները մասնավոր են, և որոնց տնօրենները նաև ամբիոնների վարիչներն են, ուհնարավորություն չեն ունենում իրենց մասնավոր սկզբունքներով ընդունած հիվանդներին ներառել ուսուցողական գործընթացներում: Մեր ամբիոնում, որի բազան պետական ծննդատուն է, հնարավոր կլինի այս խնդրին լուծում տալ: Պետական բուժհիմնարկներում բժիշկները ո՛չ միայն կարող են, այլև պարտավոր են ուսուցանել ուսանողներին:
Ի՞նչ կցանկանաք ավելացնել:
Սա բժշկակրթության նոր փուլ է, ուր թևակոխում է Հայաստանը: Ես հորդորում եմ ապագա բժիշկներին, կլինիկական օրդինատորներին վստահել այս գործընթացին և մասնակից դառնալ: Դրանից բոլորը միայն կշահեն:
Կարդացեք նաև
Առողջապահության նախարարությունը Ասիական զարգացման բանկի հետ մշակում է Երևանի և մարզերի առողջապահական ենթակառուցվածքների զարգացման գլխավոր նախագիծը...
Էլեկտրոնային դեղատոմսի ներդրմանն ընդառաջ առողջապահության նախարարությունը սկսել է հանդիպում- քննարկումների շարք մանրածախ դեղագործական գործունեությամբ...
Ամբողջ աշխարհում արգանդի պարանոցի քաղցկեղը կանանց շրջանում չորրորդ ամենատարածվածն է, ըստ ԱՀԿ-ի տվյալների 2020 թվականին գրանցվել է 604.000 նոր դեպք: Արգանդի պարանոցի քաղցկեղի...
Սուր շնչառական վիրուսային հիվանդությունների, այդ թվում նաև գրիպի ակտիվությունը եվրոպական տարածաշրջանում շարունակել է աճել 2023 թվականի վերջին շաբաթվա ընթացքում` գերազանցելով...
Բրազիլիան իր համերաշխությունն է հայտնում Հայաստանին և պատրաստ է աջակցել` Լեռնային Ղարաբաղից բռնի տեղահանման հետևանքով առաջացած առողջապահական մարտահրավերները լուծելու հարցում...
Բժշկական հանցագործությունների մասին իրազեկվածության կարևորությունը՝ մասնագետների ուշադրության կենտրոնում
«Առողջապահության բնագավառի իրավական կարգավորումների արդի հիմնահարցերը» խորագրով...
Առողջության համապարփակ ապահովագրությունը մի համակարգ է, որում քաղաքացին կունենա հավասար, բարձրորակ բժշկական օգնություն ստանալու հնարավորություն և առողջական խնդիրների դեպքում...
Երևանի Մխիթար Հերացու անվան պետական բժշկական համալսարանի «Բուժական գործ» կրթական ծրագիրը համապատասխանեցվում է Բժշկական կրթության համաշխարհային...
Ճգնաժամային իրավիճակներում գործելու փորձ ունեցող «ՎԻՎԱ» բարեգործական հիմնադրամի բժիշկներն ու կամավորները, առողջապահության նախարարության հետ գործակցությամբ, մեր հայրենակիցներին օգնելու...
Առողջապահության ազգային ինստիտուտում տեղի է ունեցել քննարկում ԱՆ խորհրդատուների հետ` «Առողջության համապարփակ ապահովագրության ներդրման հայեցակարգով» նախատեսված միջոցառումների շրջանակում...
Նոր ուսումնական տարում ապագա բժիշկներին ուսումնական գործընթացում բազում փոփոխություններ են սպասվում: Ամենաառանցքայինը` «Բուժական գործ» կրթական ծրագրի ձևափոխությունն է, որի արդյունքում...
Բուժաշխատակիցների հանդեպ բռնության դեպքերը ցավոք շարունակում են տարածված լինել, ինչպես Հայաստանում, այնպես էլ այլ երկրներում...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն