Իրադարձություններ Հայաստանում
Պլաստիկ վիրաբուժության միջազգային գիտաժողովը Երևանում. med-practic.com
Հոկտեմբերի 28–ին իր աշխատանքներն ավարտեց «Ավանգարդ Մեդ» ԲԿ և Պլաստիկ վերականգնողական և էսթետիկ վիրաբույժների հայկական ասոցիացիայի (ՊՎԷՎՀԱ) համատեղ կազմակերպած «ՊՎԷՎՀԱ 12-րդ միջազգային կոնգրեսը և պլաստիկ վիրաբուժության միջազգային գիտաժողովը (կենդանի վիրաբուժություն)»:
Միջոցառումենրին մասնակցության համար այս օրերին Երևանում էին աշխարհահռչակ պլաստիկ վիրաբույժներ Միմիս Կոհենը, Մարկ Կոնստանտյանը և Մորիս Նահաբեդիանը: Մեզ հետ զրույցում կոնգրեսի կազմակերպիչ, պլաստիկ վիրաբույժ Գագիկ Ստամբոլցյանը փաստեց, որ յուրաքանչյուր պրակտիկ վիրաբույժի համար այս հանդիպումը կարևոր էր։
«Նմանատիպ միջոցառումները նպաստում են բժշկի պրոֆեսիոնալ աճին, ինչպես նաև բուժման որակի լավացմանը։ Ամբողջ կյանքում մենք սովորում, սովորում և սովորում ենք, և պետք է շարունակենք սովորել, որում այս կոնգրեսները մեծ նշանակություն ունեն »,- այս խոսքերով Գ. Ստամբոլցյանը կարևորեց նման միջոցառումների կազմակերպումը։
Նրա փոխանցմամբ՝ իրենց հաջողվել է Հայաստան հրավիրել աշխարհահռչակ մասնագետների։
«Մենք հրավիրել ենք հանրահայտ պլաստիկ վիրաբույժների, որոնք ո՛չ միայն զեկույցներ կարդացին, այլ նաև իրականացրեցին վիրահատություններ։ Սա, իհարկե, մեր հերթական համաժողովն է, բայց մենք ունենք այլ ծրագրեր, որոնց մասին կհայտարարենք մոտ ժամանակներս։ Առաջիկայում փորձելու ենք կազմակերպել նաև վարպետության դասընթացներ՝ հանրահայտ մասնագետ- վիրաբույժների մասնակցությամբ»։
Խոսելով կոնգրեսի մասին՝ Գ.Ստամբոլցյանն ասաց, որ կոնգրեսի թեմաները բազմազան էին ու հետաքրքիր։ «Ընդգրկված էին և՛ կրծքագեղձի պլաստիկային, և՛ ռինոպլաստիկային վերաբերող թեմաներ: Ընդ որում, ռինոպլաստիկան Հայաստանում միշտ ակտուալ է և բավականին պահանջված վիրահատություն` ելնելով հայկական առանձնահատկությունից։ Հարկ է շեշտել ու հպարտությամբ հավելել, որ Հայաստանն առաջին դիրքերում է ո՛չ միայն ռինոպլաստիկայի, այլ, առհասարակ, պլաստիկ վիրաբուժության ոլորտում, և դա հպարտանալու առիթ է»։
Հայաստանի պլաստիկ վիրաբույժների ասոցիացիայի նախագահ, պլաստիկ վիրաբույժ, բ.գ.թ. Արմեն Հովհաննիսյանը մեզ հետ զրույցում հետևյալն ասաց.
«Ողջունելի է, որ կոնգրեսն ավանդական բնույթ ունի. այն կազմակերպվում է երկու տարին մեկ անգամ: Պլաստիկ վիրաբույժների ասոցիացիայի պարտավորությունների մեջ է նման ձևաչափով հանդիպումներ կազմակերպելը` Հայաստան հրավիրել անվանի մասնագետների, որոնց փորձն ու կուտակած գիտելիքները մեզ համար շատ կարևոր են»։
Անդրադառնալով կոնգրեսին՝ Ա. Հովհաննիսյանն ասաց, որ սովորել պետք է միշտ՝ անկախ աշխատանքային ստաժից, զբաղեցրած պաշտոնից ու ստատուսից։ «Անընդհատ սովորելու կարիք կա, քանի որ բժշկությունն արագ է զարգանում` հատկապես պլաստիկ վիրաբուժությունն ու էսթետիկ բժշկությունը։ Հարկ է ձեռքը զարկերակի վրա պահել։
Կոնգրեսի ընթացքում բավականին հետաքրքիր զեկույցներ են ներկայացվել հայ և Հայաստան հրավիրված անվանի մասնագետների կողմից»։
Հովհաննիսյանը թվարկել է աշխարհագրությունն ու փաստել, որ այս տարի նույնպես այն մեծացել է։
«Այս օրերին Հայաստանում էին ԱՄՆ-ից, Գերմանիայից, Ֆրանսիայից, Կանադայից, Թուրքիայից, Ռուսաստանից, Ուկրաինայից, Վրաստանից ժամանած անվանի պլաստիկ վիրաբույժներ։ Բավական է թվարկել մի քանի անվանի պլաստիկ վիրաբույժների անուններ՝ Միմիս Կոհեն, Մարկ Կոնստանտյան, Մորիս Նահաբեդիան։ Մարդիկ, որոնք մեծ ներդրում ունեն իրենց մասնագիտության մեջ»։
Ամփոփելով իր խոսքը՝ Ա. Հովհաննիսյանն ասաց, որ երկու օրվա ընթացքում քննարկել են բազում հարցեր։
«Հասկանալի է, որ երկու օրվա ընթացքում անհնարին կլիներ անդրադառնալ բոլոր թեմաներին, հաշվի առնելով այն հանգամանքը, որ պլաստիկ վիրաբուժությունն ունի բավականին լայն սպեկտոր, և խնդիրներն այստեղ շատ են: Առաջիկայում կկազմակերպվեն վարպետության դասեր՝ անվանի մասնագետների մատուցմամբ։
Հավատացնում եմ, որ սա երկկողմանի գործընթաց է։ Հայ բժիշկներն էլ շատ ասելիք ունեին։ Եվ հարկ է նշել, որ մեր տեղացի մասնագետներն իրենց գործով ու գիտելիքներով չեն զիջում արտասահմանցի գործընկերներին»։
ԱՄՆ-ից ժամանած Մորիս Նահաբեդիանն առաջին անգամ էր Հայաստանում. «Այստեղ գալու նպատակը մեկն էր. նորություններ հաղորդել հայ մասնագետներին, է՛լ ավելի զարգացնել պլաստիկ վիրաբուժությունը Հայաստանում: Բայց նաև չեմ կարող չասել, որ տպավորված եմ», - ասաց Մ. Նահաբեդիանը։
Անդրադառնալով կոնգրեսին՝ անվանի մասնագետը նշեց, որ երևանյան դասախոսությունները շատ հետաքրքիր էին հատկապես այն պլաստիկ վիրաբույժներին, որոնք առավել մասնագիտացված են ռինոպլաստիկայի և մամոպլաստիկիայի ոլորտում։
«Երկու օրվա ընթացքում հինգ դասախոսություն եմ ունեցել։ Հիմնականում խոսել եմ կրծքագեղձի վերականգնողական (քաղցկեղի ժամանակ) և էսթետիկ վիրահատությունների մասին: Իմ նպատակն էր ներկայացնել ԱՄՆ-ում կուտակած փորձս, պատմել այն մեթոդների մասին, որոնք կիրառվում են ԱՄՆ-ում, և ինձ դա հաջողվեց։ Հուսամ, որ առաջին, բայց վերջին անգամը չէ, որ կվայելեմ Հայաստանում գտնվելը»։
Կարդացեք նաև
Առողջապահության նախարարությունը հայտարարում է մրցույթ կլինիկական փորձարկումների էթիկայի հանձնաժողովի անդամ ընտրվելու համար...
2023 թվականից կրկնողաբար Երևանում (ԵՊԲՀ «Մանկաբարձության և գինեկոլոգիա»-ի թիվ 1 ամբիոն) տեղի կունենա «Մ.Հերացու անվան պետական բժշկական համալսարան»-ի կողմից կազմակերպվող...
ՀՀ առողջապահության նախարարի «20» ապրիլ 2022թ․ NO1643-Ա հրամանով հաստատված (28 կրեդիտ)՝ Երևանի Մ․ Հերացու անվան պետական բժշկական համալսարանի Ընտանեկան բժշկության ամբիոնի կողմից կազմակերպվող․․․
Անհաս նորածինների բժշկական սպասարկումը և դեղապահովումն իրականացնելու համար առողջապահության նախարարությունն առաջին անգամ ձեռք է բերել...
Գյումրու, Ախուրյանի և Ամասիայի 50-69 տարեկան կանայք կարող են կրծքագեղձի ԱՆՎՃԱՐ սքրինինգային հետազոտություն անցնել շարժական մամոգրաֆի միջոցով...
Վերսկսում ենք ավագ սերնդի համար ֆիզիկական ակտիվության խմբակները` Երևանի տարբեր վարչական շրջաններում...
2024թ. ապրիլի 22-ից մայիսի 3-ը ԵՊԲՀ ընտանեկան բժշկության ամբիոնի կողմից անցկացվելու է «Դիետոլոգիայի և նուտրիցիոլոգիայի արդի խնդիրներ» թեմայով դասընթաց...
Երևանի Մխիթար Հերացու անվան պետական բժշկական համալսարանի մաշկաբանության և սեռավարակաբանության ամբիոնի, պրոֆեսոր Հ.Ա. Քալամքարյանի...
1. Արդյո՞ք անձնական տվյալների գաղտնիությունը չի խախտվում:
2. Ալերգիայի դեպքում, երբ անձի ինքնազգացողությունը կտրուկ վատանում է...
Մարտի 29-ին Մոր և մանկան առողջության պահպանման գիտահետազոտական կենտրոնում «Միկրոանգիոպաթիայի ֆենոմենի նշանակությունը մանկաբարձությունում...
«Հայաստանի Հանրապետության կառավարության 2019 թվականի օգոստոսի 15-ի թիվ 1080-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման...
Անվճար կամ արտոնյալ պայմաններով վերարտադրողական օժանդակ տեխնոլոգիաներով տրամադրվող բժշկական օգնությունից և սպասարկումից օգտվելու իրավունք ունեն...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն