Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Համակարգային հիվանդություններ

Ինչ է պարբերական հիվանդությունը: Պարբերական հիվանդության բուժման մասին

Ինչ է պարբերական հիվանդությունը: Պարբերական հիվանդության բուժման մասին

Հիվանդության ժառանգման և վտանգների մասին: Պարբերական կամ, ինչպես ժողովուրդն է ասում` «երևանյան» կամ «հայկական հիվանդությունը» դասվում է ժառանգական հիվանդությունների շարքին։

 

Անգլերեն լեզվով լույս տեսնող գիտական գրականությունում ընդունված է «միջերկրածովյան ընտանեկան տենդ» (familial Mediterranean fever) անվանումը։ Այն պայմանավորված է ընդամենը մեկ գենով։ Նորմալ պայմաններում այդ MEFV գենը պատասխանատու է բորբոքային պրոցեսների կանխման համար, իսկ չգործելու դեպքում այդ հատկությունը վերանում է կամ խիստ թուլանում, ինչի հետևանքով բորբոքումները չեն արգելակվում։ Յուրաքանչյուր գեն մարդու օրգանիզմում ներկայացված է 2 օրինակով (այդ թվում` նաև MEFV-ը), որից մեկը նա ժառանգում է հորից, իսկ մյուսը` մորից։ Եթե այդ երկու օրինակներից մեկը նորմալ լինի, անձը պարբերական հիվանդություն չի ունենա։ Միայն երբ նշված MEFV գենի և հայրական, և մայրական օրինակները փոփոխված են` մուտացիայի ենթարկված, ապա պարբերական հիվանդություն է զարգանում։ Փոփոխված գենը սերնդեսերունդ կարող է փոխանցվել և միշտ հանդիպել «առողջ» գենի հետ, սակայն հիվանդի բարեկամներից ոչ մեկը չտառապի պարբերական հիվանդությամբ։

 

Հիվանդի քույրերի և եղբայրների մոտ պարբերական հիվանդության առկայության հավանականությունը կազմում է 1։4։ Եթե պարբերական հիվանդություն ունեցողը ամուսնանա երկու MEFV նորմալ գեն ունեցող անձի հետ, ապա նրանց երեխաները պարբերական հիվանդություն չեն ունենա, սակայն կկրեն հիվանդ ծնողի կողմից ժառանգած և փոփոխված` մուտացիայի ենթարկված մեկական MEFV գեն։ Իսկ եթե պարբերական հիվանդություն ունեցողը ամուսնանա առողջ անձի հետ, որն ունի MEFV-ի մեկ փոփոխված գեն, ապա երեխաների մոտ պարբերական հիվանդության ռիսկը կկազմի 1։2։ Եթե ամուսնանան պարբերական հիվանդություն ունեցող երկու անձինք, ապա բոլոր երեխաները նույնպես կունենան պարբերական հիվանդություն։ 
 
Ընդհանրապես ժառանգական հիվանդությունները հազվադեպ են հանդիպում, սակայն հայերի շրջանում պարբերական հիվանդության հաճախականությունը կազմում է մոտավորապես 1-2 տոկոս։ Հիվանդության գրեթե 15% դեպքերում այն սկսվում է ամենածանր բարդությամբ` ամիլոիդոզով։ Մնացած դեպքերում հիվանդության նոպաները կամ հոդային երևույթները տարիներ և տասնամյակներ շարունակ կրկնվում են, իսկ ամիլոիդոզը զարգանում է միայն դրանցից հետո։


Ամիլոիդոզը տարբեր հյուսվածքներում դժվար լուծվող, այսպես կոչված` ամիլոիդ* նյութի կուտակման հետ կապված հիվանդություն է։ Պարբերական հիվանդության ժամանակ ամիլոիդոզը առաջին հերթին ախտահարում է երիկամները։ Սակայն հնարավոր է նաև աղիքների, սրտի, վահանագեղձի ու այլ գեղձերի, և ընդհանրապես ցանկացած այլ օրգանի ախտահարում, ընդ որում, նշված օրգանների ախտահարումը կարող է նախորդել երիկամայինին։


Բացի ամիլոիդոզից, պարբերական հիվանդություն ունեցողները ենթակա են ավելի վաղ սկսվող և արտահայտված աթերոսկլերոզով հիվանդանալուն, քան բնակչությունն ընդհանրապես։ Երիտասարդ տարիքում կոլխիցինով կանխարգելիչ բուժում չստացած անձինք մտնում են սրտի իշեմիկ հիվանդության, այդ թվում` սրտամկանի ինֆարկտի, ինչպես նաև ինսուլտների բարձր ռիսկի խմբի մեջ։ Նշենք, որ պարբերական հիվանդությունը նպաստում է որովայնի խոռոչում կպումների գոյացմանը, որոնց պատճառով հիվանդի օրգանիզմը հակված է լինում, այսպես կոչված` կպումնային հիվանդության, որն արտահայտվում է ժամանակ առ ժամանակ կրկնվող աղիքային անանցանելիությամբ։ Այդ, ինչպես նաև այլ պատճառներով առաջացած կպումների դեպքում կանանց 20%-ը տառապում է լրիվ, իսկ մյուս 20%-ը` մասնակի անպտղությամբ։ Նույնիսկ երբ զույգը ազատ սեռական կյանք է վարում (առանց պաշտպանվելու), կինը կարող է հղիանալ միայն մի քանի տարին մեկ անգամ։


Պարբերական հիվանդության դեպքում բարձր է նաև բորբոքային հիվանդությունների հաճախականությունը։ Ռևմատոլոգիական հիվանդությունները (ռևմատոիդ արթրիտը, համակարգային կարմիր գայլախտը, հանգուցային պանարտերիտը և այլն) պարբերական հիվանդությամբ տառապողների շրջանում հանդիպում են մի քանի անգամից մինչև մի քանի հարյուր անգամ ավելի հաճախ, քան ընդհանուր բնակչության մոտ։ Ստամոքսաաղիքային տրակտի բոլոր հիվանդությունները նույնպես պարբերական հիվանդությամբ տառապողների մոտ հանդիպում են շատ ավելի հաճախ և շատ ավելի ծանր տարբերակներով։ Դա վերաբերում է ինչպես գաստրիտներին, կոլիտներին, այնպես էլ խոցային հիվանդությանը և նույնիսկ համեմատաբար հազվադեպ հանդիպող, այսպես կոչված` աղիքների բորբոքային հիվանդություններին (ոչ սպեցիֆիկ խոցային կոլիտ, Կրոնի հիվանդություն)։


Անհրաժեշտ է նշել, որ այս բոլոր բարդություններից կարելի է խուսափել, եթե ժամանակին սկսվի կոլխիցինով պարբերական հիվանդության կանխարգելիչ բուժումը։ Արդեն սկսված բոլոր բարդությունները, հատկապես երիկամների ամիլոիդոզը, շատ ավելի դժվար է, իսկ երբեմն նույնիսկ անհնարին է բուժել` եթե սկսվում է ուշացումով։ Եվ քանի որ, ինչպես արդեն ասացի, այդ բարդությունները շատ դեպքերում կարող են լինել պարբերական հիվանդության առաջին կլինիկական արտահայտությունը, ուրեմն նպատակահարմար է, որ յուրաքանչյուր հայ որքան հնարավոր է վաղ տարիքում ենթարկվի գենետիկական քննության, որով հնարավոր կլինի բացահայտել պարբերական հիվանդության դեռևս չարտահայտված դեպքերը։ Ցավոք սրտի, այսօր հայտնի հնարավոր 100 մուտացիաներից Հայաստանում (բժշկական գենետիկայի կենտրոն) որոշվում է միայն 12-ը` առավել հաճախ հանդիպողները։ Մնացած դեպքերում տարին 2 անգամ կանոնավոր բժշկական զննումները և հետազոտությունները թույլ կտան ավելի վաղ շրջաններում հայտնաբերել պարբերական հիվանդության բարդությունները։ Նշենք, որ դա հատկապես վերաբերում է երիկամների ամիլոիդոզին, որի ժամանակ հիվանդը ոչ մի ցավ չի զգում. ուստի, եթե պարբերաբար մեզի քննություն չկատարվի, ապա ամիլոիդոզը կարող է կլինիկորեն ախտորոշվել միայն ուշ շրջանում, երբ արմատական բուժումը քիչ արդյունավետ կլինի։

 

Ինչպես արդեն ասել ենք, պարբերական հիվանդությանը (ՊՀ) բնորոշ են բազմաթիվ, երբեմն նաև ծանր բարդություններ, որոնցից կարելի է խուսափել, եթե ժամանակին սկսվի հիվանդության բուժումը` կոլխիցինի ամենօրյա կանոնավոր կանխարգելիչ կիրառմամբ: Որքան ուշ է սկսվում այն, այնքան հիվանդության բացասական ազդեցությունն օրգանիզմի վրա լինում է ավելի արտահայտված, իսկ շատ դեպքերում` նույնիսկ անդառնալի:

 

Համաշխարհային փորձը ցույց է տալիս, որ մանկական տարիքից սկսած բուժման շնորհիվ կարելի է հիվանդության հնարավոր բարդությունները կանխել այնպես, որ անձը համարյա չտարբերվի առողջներից` բացառությամբ կոլխիցինի ամենօրյա ընդունման անհրաժեշտությունից:

 

Կոլխիցինը (Արտադրվում է թաղանթով պատված հաբերի ձևով) պարբերական հիվանդության ժամանակ սկսել են կիրառել անցած դարի 60-ականների վերջից: Հրեա գիտնական Ս. Գոլդինգերն առաջինն էր, որ 1972 թ. նկարագրեց կոլխիցինի դրական ազդեցությունը պարբերական հիվանդության նոպաների վրա: Կոլխիցինաբուժության սկզբնական շրջանում դա հաստատեցին նաև մի շարք այլ հեղինակներ: Նրանք նշում էին, որ կոլխիցինի ընդունումը դադարեցնելուց հետո ՊՀ-ի նոպաները վերսկսվում են: Այդ դեղամիջոցի առաջին մասշտաբային կիրառման արդյունքները հրապարակեցին Դ. Զեմերը և համահեղինակները` 1976 թ.: 

 

Իսկական հրաշք էր բժշկագիտության մեջ, երբ պարզվեց, որ կոլխիցինը կանխում է ոչ միայն պարբերական հիվանդության նոպաները, այլև նրա ամենածանր բարդությունը՝ ամիլոիդոզը (Ամիլոիդոզը սպիտակուցային փոխանակության խանգարման հետևանքով օրգանների հյուսվածքների, արյունատար անոթների վրա գլոբուլինային սպիտակուցների` ամիլոիդի արտաբջջային կուտակումներից առաջացող սկլերոզի, հյուծման և օրգանների կենսագործունեությունը խաթարող ծանր, անվերադարձելի բարդություն է): Կոլխիցինի կանոնավոր օգտագործման փորձի կուտակման հետ մեկտեղ, նախ` մեկը մյուսի հետևից սկսեցին ի հայտ գալ հաղորդումներ, որոնցում հեղինակները ցույց էին տալիս դեղամիջոցի բարերար ազդեցությունն ամիլոիդոզի ընթացքի վրա, իսկ այնուհետև այդ բարդության կանխման հնարավորությունը:

 

Սկզբից հետազոտողները նշում էին, որ կոլխիցինի կանոնավոր օգտագործումը իսպառ բացառում է ամիլոիդոզի առաջացումը, սակայն հետագայում, ավելի երկարատև դիտարկումների արդյունքում, նրանք եկան այն եզրակացության, որ մոտավորապես մեկ տոկոսի մոտ այն ի վերջո զարգանում է: Պետք է նշել սակայն, որ այդ հետազոտված հիվանդները հիմնականում սեֆարդիկ (Սեֆարդները հրեաների մի մասն է, որոնք խոսում են իսպաներենին նմանվող լեզվով` սեֆարդերենով: Սերված են Պիրենեյան թերակղզում բնակվող նախնիներից և ներկայումս ապրում են Հյուսիսային Աֆրիկայի երկրներում, Փոքր Ասիայում, Բալկանյան թերակղզում, Իսրայելում) հրեաներն էին, որոնց շրջանում հիվանդության՝ ամիլոիդոզով բարդանալու հավանականությունն ավելի մեծ էր, քան՝ հայերի:

 

Ներկայումս ամբողջ աշխարհում 35 տարուց ավելի կոլխիցինաբուժություն ստացել են տասնյակհազարավոր մարդիկ, և այդ քանակակազմը չի տարբերվում ընդհանուր բնակչության քանակակազմից՝ մահվան միջին տարիքի կամ որևէ հիվանդության հավանականության առումով: Այնպես որ, մանկական տարիքից կոլխիցին ստացող հիվանդները կարող են համարվել առողջ մարդիկ, որոնք կյանքի ընթացքում պարզապես ստիպված են ամեն օր ընդունել այդ համեմատաբար անվնաս դեղը: 

 

Ներկայումս մենք որևէ հիմք չունենք շեղվելու բուժման այն սկզբունքներից, որոնցով ամբողջ աշխարհի բժիշկներն առաջնորդվել են անցած տարիների  ընթացքում:

 

Բուժումը սկսում են ամիլոիդոզը կանխող նվազագույն դեղաչափից՝ օրական 1.0 մգ կոլխիցին պարունակող հաբերի ընդունումից: Պետք է ասել, որ կա հիվանդների մի փոքր խումբ, որոնց նոպաները դադարում են նույնիսկ օրական 0.5 մգ կոլխիցին ընդունելիս, սակայն այդ դեղաչափի երկարատև օգտագործման համաշխարհային փորձը բացակայում է: Այդ դեղաչափը երկարատև օգտագործող մեր ոչ այնքան մեծ թվով հիվանդների շրջանում եղել են ամիլոիդոզով բարդացման եզակի դեպքեր, այդ իսկ պատճառով օրական կոլխիցինի 0.5 մգ դեղաչափը չի կարելի խորհուրդ տալ մշտական օգտագործման համար, ինչպես նաև միայն նոպաների նախանշանները ճնշելու նպատակով: Նախ դա քչերին է հաջողվում և այն էլ ոչ երկարատև, բացի այդ, որն ավելի կարևոր է, նման ‚բուժմամբե ամիլոիդոզի զարգացումը չի կանխվում:

 

Բուժման առաջին օրերի ընթացքում հնարավոր է լուծ առաջանա, որի արտահայտված լինելու դեպքում կարելի է մի քանի օր դեղաչափն իջեցնել 0,5 մգ-ի, այնուհետև վերադառնալ օրական 1,0 մգ-ին: Բուժման առաջին օրերի, ամիսների, երբեմն նույնիսկ տարիների ընթացքում հնարավոր են պարբերական հիվանդության աուտոիմունային բնույթի բարդությունների առաջացում (մենինգեալ` ուղեղաթաղանթի ախտահարմանը բնորոշ երևույթներ, ավշային հանգույցների մեծացում, հոդաբորբեր, անոթաբորբեր և այլն): Այնպես որ` գլխացավեր, հոդացավեր, ցան, տեսողության վատացում կամ այլ ոչ սովորական գանգատներ առաջանալու դեպքում հիվանդը որքան հնարավոր է շուտ պետք է դիմի բժշկի:

 

Եթե օրական 1,0 մգ դեղաչափի ֆոնի վրա առաջանում է պարբերական հիվանդության հերթական նոպան, այսինքն` այդ դեղաչափով նոպաները չեն կանխվում, ապա բժիշկը կարող է դեղաչափն ավելացնել` հասցնելով մինչև 1,5 մգ-ի, չսպասելով երկրորդ, երրորդ և հաջորդող նոպաներին: Մեկ նոպան արդեն բավական է, որ հիվանդն ընդմիշտ մոռանա այն դեղաչափը, որի ֆոնի վրա առաջացել է այդ նոպան և բժշկի խորհրդով անցնի ավելի բարձր դեղաչափի ընդունման, իսկ եթե այն կրկնվի, ապա հաջորդ նոպաները կանխելու համար բժիշկը խորհուրդ կտա առաջին իսկ նոպայից հետո անցնել օրական 2,0 մգ կոլխիցինի ընդունման: 

 

Պետք է ասել, որ հայկական քանակակազմում չափազանց հազվադեպ են հանդիպում օրական 2,0 մգ դեղաչափի ֆոնի վրա նոպաներ ունեցող հիվանդներ, այն դեպքում, երբ սեֆարդիկ հրեաների 1/3-ի մոտ նոպաները կարող են դիտվել նաև այդ առավելագույն դեղաչափի պայմաններում, սակայն նրանց շրջանում կոլխիցինի այդ դեղաչափերի կիրառման պայմաններում նկատվել են ամիլոիդոզի եզակի դեպքեր:

 

Համաշխարհային մասշտաբով օրական 2,5 մգ դեղաչափի երկարատև կիրառման փորձը շատ քիչ է, ուստի կոլխիցինի օրական 2 մգ դեղաչափին ‚չպատասխանողե հիվանդների շրջանում ավելի բարձր դեղաչափերի կիրառումը կարող է լինել բացառիկ դեպքերում` բժշկի դիտարկման ներքո, քանի որ օրական 2,5 և նույնիսկ 3,0 մգ դեղաչափի ֆոնի վրա որոշ դեպքերում կարող են նկատվել թունավորման երևույթներ: Սա ստիպում է նորից վերադառնալ օրական 2.0 մգ դեղաչափին:

 

Իհարկե, կոլխիցինաբուժության բոլոր հիմնահարցերը դեռևս լուծված չեն և նշված պարզունակ սխեման ոչ բոլոր դեպքերում է ճիշտ: Այս խնդրին կանդրադառնանք հաջորդ հոդվածում:

 

(շարունակելի)

Հեղինակ. Ալեքսանդր ԱՅՎԱԶՅԱՆ. բ.գ.դ., Երևանի Մխիթար Հերացու անվան ՊԲՀ թերապիայի N2 ամբիոնի վարիչ, պրոֆեսոր, ‚Մուրացանե համալսարանական հիվանդանոցի թերապիայի կլինիկայի ղեկավար
Սկզբնաղբյուր. Առողջապահություն 1, 3.2009
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Մեդ-Պրակտիկ

07.01.2016

Հարգելի Hovo, բարև Ձեզ: Քանի դեռ կլինիկական դրսևորումներ չկան, անհանգստանալու կարիք չկա: Ինչ վերաբերում է նշիկներին. ոչ բոլոր դեպքերում է հարկավոր հեռացնել նշիկները: Գոյություն ունեն մի քանի ցուցանիշներ, որոնք ցուցում են նշիկների հեռացման համար: Եթե երեխան հիվանդանում է տարվա մեջ 4 անգամից ավելի, հակաբիոտիկները արդյունք չեն տալիս, նշիկները խանգարում են քթային շնչառությանը, հիվանդության ժամանակ տեղի է ունեցել նշիկների աբսցեցսավորում և այլն, այս ամենը ցուցում է վիրահատության համար: Վիրահատական մեթոդն ընտրում է արդեն վիրաբույժը, կախված ընդհանուր վիճակից: 

Elen

06.01.2016

Shat shnorhakal em bjishk jan xorhrdi hamar, evs mek harc hnaravor e ardyoq genetik hetazotutyan ardyunqner@ sxal linel , aysinqn unenal hivandutyun@ kam voreve geni mutacia ev analizneri patasxan@ cuyc chta, bacasakan lini.

Milena

05.01.2016

Barev dzez hargeli bjishk jan , nax shnorhavorum em dzer amanorn u surb cnundy ev shnorhakalutyun haytnum harcerin misht sirov patasxanelu hamar. Hargeli djishk dzez mi harc unem, porkaputyuny ev cnki hodacavery kap uni parberakan hivandutyan het? Naxapes shnorhakalutyun.

Hovo

04.01.2016

Shnorhakal em hargeli bjishk, ete erexan geni aroxj krox e nshsnakum e anhangstanalu patchar chunenq? Hsrgeli bjishk inch xorhurd ktak kareli e heracnel kam sarecnel erexayi nshikner@? erexas 4 tarekan e.

Մեդ-Պրակտիկ

04.01.2016

Հարգելի Hovo, բարև Ձեզ: Պարբերական հիվանդությունը ժառանգական նախատրամադրվածություն ունեցող հիվանդություն է, և հա-ախակի անգինաները հիվանդության ժխտման կամ հաստատման համար կարևոր նշանակություն չունեն: Հետերոզիգոտ մուտացիան նշանակում է, որ երեխան գենի առողջ կրող է, և տարիների ընթացքում հիվանդությունը տեսականորեն չի կարող կլինիկական դրսևորումներ ունենալ: Խիստ հազվադեպ դեպքերում եղել են հիվանդության արտահայտություն տարիներ անց, սակայն հավանականությունը շատ քիչ է: 

Մեդ-Պրակտիկ

04.01.2016

Հարգելի Elen, բարև Ձեզ: Դուք նշել եք, որ  ցավեր լինում են միայն դաշտանի օրերին, ցավազրկողների ընդունումը մեղմացնում է ցավերը, դա այնքան էլ բնորոշ չէ պարբերական հիվանդությանը: Սակայն հիվանդությունը վերջնականապես ժխտելու համար ցանկալի է գենետիկ հետազոտություն: Պետք է նշեմ, որ Ձեր նկարագրած իրավիճակը նորմալ չէ, խիստ ցավոտ դաշտանը, որն ուղեկցվում է նաև այլ գանգատներով, փոքր կոնքի օրգանների հիվանդությունների առաջին նշաններից մեկն է: Խորհուրդ կտայի դիմել գինեկոլոգի խորհրդատվության:

Hovo

02.01.2016

Barev dzez hargeli bjishk erexas uni angina hachaxaki hivandanum e unenum e jermutyun , bayc voch mi angam chi gangatvel porikic, generi mej voch mek@ chuni parberakan hivandutyun, sakayn genetik analizi ardyunqum haytnabervel e MV94V mutacia heterozigot dzevov. Xndrum em asaceq inc im erexan uni parberakan hivandutyun, naxapes snorhakalutyun.

Elen

01.01.2016

Patkern espisin e hargeli bjishk. Caver unenum em miayn dashtani arajin kam erkrord or@? Urish voch mi patahakan or chi linum, arajin or@ sksvum e dashtani caver voronq antaneli en, dra hamar xmum em cavazrkox? Dexi azdecutyunn ancnum e mi qani jamic ev ayd or@ ham hajord or@ sksvum e stamoxs-axiqauin sur caver. Gazeri kutakum, angam chem karox kpnel vorovaynis cavum e. Da kap chuni dexi @ndunman het qani vor hajaxaki poxel em cavazrkoxi tesak@. Sharunakvum e minchev dashtanis 3-rd or@, mexmanum e ev ancnum . Bayc hajax uxekcvum e jermutyamb. Isk geenerum hivand mard chka, ogneq xndrum em, ka indz mit te che ayd hivandutyun@?

Մեդ-Պրակտիկ

01.01.2016

Հարգելի Ripsime, բարև Ձեզ: Եթե նշանակված դոզայի դեպքում նոպաները շարունակվում են, կարելի բարձրացնել դեղի դոզան, իհարկե միայն բժշկի նշանակմամբ: Հնարավոր է նոպաները դադարեն կամ ավելի թույլ արտահայտվեն: Ինչ վերաբերում է երկրից դուրս տանելուն, երբեմն դա շատ էֆեկտիվ է, եղել են դեպքեր, երբ նոպաներն ընդհանրապես դադարել են: Սակայն, պետք է հաշվի առնել, որ խոսքը մշտական բնակության մասին է: Երկրի ընտրությունն այդքան էլ էական չէ: Կարևոր է, որ այն միջերկրական ծովի մոտակայքում չլինի, և իհարկե կլիմայական պայմանները շատ չտարբերվեն մեր կլիմայից:

Մեդ-Պրակտիկ

01.01.2016

Հարգելի Elen, բարև Ձեզ: Ճիշտ կողմնորոշվելու համար հարկավոր է ճշտել նշված գանգատները միայն դաշտանի օրերին են, թե երբեմն նաև անկախ դաշտանից, ցավազրկողների ընդունումը մեղմացնում է ցավերը, թե ոչ: Բացի այդ կարևոր է նաև ժառանգական նախատրամադրվածությունը, ընտանիքում կամ հարազատների մոտ, թեկուզ ոչ մոտ, կան պարբերական հիվանդություն ունեցող անձիք, թե ոչ:

Ripsime

29.12.2015

Hargeli Bjisk im erexan uni parberakan hivandutyun, 1.5 tari e xmum e0,5 kocak kolxicin na 5 tarekan e.. Bayc sharunakum e hivandanal shat tuyl e iren zgum uni hodacav, sur glxacaver. Cankanum em imanal dzer karcik@ erkric durs hanelu hamar. Ev vor erkirn xorhurd ktak, Naxapes shnorakalutyun

Elen

28.12.2015

Hargeli bjishk xndrum em ogneq indz. Erkar tariner dashtani orerin unecel em ujex vorovayni caver hetazotvel em sakayn bjishker@ voch mi kanaci xndir chen haytnaberel. Verjin tarinerin ayd orerin sksvel e nayev stamoqsi shrjanum sur nopaner, axiqnerums gazeri kutakum , srtxarnox, ev jernutyun(37-38) . Xndrum em aseq hnaravore ardyoq unem ays hivandutyun@.

LALA

22.12.2015

SHNORHAKALUTYUN HARGELI BSHISHK

Մեդ-Պրակտիկ

21.12.2015

Հարգելի LALA, եթե նոպաներ լինում են,  անգամ երկու երեք ամիսը մեկ, նշանակում է հիվանդությունը կլինիկորեն դրսևորվում է: Այդ դեպքում հարկավոր է ստանալ կոլխիցին, թեկուզ փոքր դոզայով:

LALA

19.12.2015

HARGELI BJISHK POQRIKIS MOT NOPANER LINUM EN ERKUSIC EREQ AMISN MEK ANGAM AYD NOPANERN TEVUM EN 1-2OR AYS DEPQUM INCH XORHURD KTAQ NAXAPES SHNORHAKALUTYUN

Laura

19.12.2015

Shat shnorhakal em bjishk jan.

Մեդ-Պրակտիկ

18.12.2015

Հարգելի LALA, բարև Ձեզ: Գեների հետերոզիգոտ մուտացիա կոմպաունդ ձևով նշանակում է, որ բացի տվյալ գեների մուտացիայից առկա է նաև քրոմոսոմային անոմալիա, այս մուտացիան այլ կերպ կոչվում է բարդ հետերոզիգոտ մուտացիա: Հետերոզիգոտ մուտացիաների դեպքում, եթե դրանք կոմպաունդ չեն, հիվանդը լինում է ուղղակի գենի առողջ կրող, սակայն կոմպաունդ ձևերի դեպքում կախված նրանից,թե կոնկրետ որ գենի մուտացիան է առկա երեխայի մոտ, հիվանդության արտահայտման հավանականությունը մեծանում է: Եթե նոպաներ ընդհանրապես չեն եղել, դա նշանակում է, որ Ձեր երեխան ուղղակի գենի առողջ կրող է: Հազվադեպ լինում են դեպքեր, երբ նման մուտացիայով հիվանդենրի մոտ հիվանդությունը կլինկորեն արտահայտվում է տարիներ անց: Սակայն, եթե այժմ կլինիկական ախտանիշներ չկան դեղորայքային բուժման կարիք չկա:

Մեդ-Պրակտիկ

18.12.2015

Հարգելի Laura, բարև Ձեզ: Նոպաների ժամանակ բացի որովայնի կամ կրծքավանդակի սաստիկ ցավից, կարող է նկատվել նաև գլխացավ, սրտխառնոց և այլն, որոնք իհարկե կազդեն ընդհանուր ինքնազգացողության վրա, և բնական է մարդն ավելի դյուրագրգիռ կդառնա: Պարբերական հիվանդությունը անմիջական ազդեցություն չունի նյարդային համակարգի վրա:

LALA

18.12.2015

BAREV CEX HARGELI BSHISHK POQRIKIS MOT KA PARBERAKAN HIVANDUTYAN KOMPAUND HETEROZIGOT CEVOV XNDRUM EM KBACATREQ INCHQANOV E VTANGAVOR NAXAPES SHNORHAKALUTYUN

Laura

15.12.2015

Barev dzez hargeli bjishk . Xndrum em patasxaneq vorqanov e parberakan hivandutyun@ azdum nyardayin hamakargi vra . Karox e ardyoq mard@ ayd hivandutyan jamanak darnal dyuragrgir , nopaneri jamanak el aveli larvac. Shnorhakalutyun.

Merri

12.12.2015

Shnorhakal em dzezanic evs mek angam, Duq indz shat ogneciq, ev haneciq ays stresayin vijakic, ta Astvac ,vor etpes el lini, ev erexaner@ aroxj linen.....Tox bolorn aroxj linen ....Astvac dzez pahapan

Մեդ-Պրակտիկ

10.12.2015

Հարգելի Anna, բարև Ձեզ: Պարբերական հիվանդությունը ձեռքբերովի չէ, այն փոխանցվում է ժառանգաբար: Եթե գենետիկ քննությամբ հաստատվել է հիվանդությունը, այն չի կարող բուժվել ոչ դեղորայքով, ոչ էլ առավել ևս ինքնուրույն: Կոլխիցին նշանակվում է նոպաները կանխարգելելու նպատակով, բայց հիվանդությունը չի վերանում, ուղղակի նոպաներն ավելի հազվադեպ են դառնում, երբեմն նույնիսկ լրիվ վերանում են: Կոլխիցին հարկավոր է ընդունել ամբողջ կյանքի ընթացքում: Ինչ վերաբերում է գենետիկ հետազոտությանը, այն կոնկրետ անվանում չունի, ուղղակի ստուգվում է պարբերական հիվանդության համար պատասխանատու MEFV գենը, պարզում են կա մուտացիա, թե ոչ:

Մեդ-Պրակտիկ

10.12.2015

Հարգելի Merri, բարև Ձեզ: Եթե Դուք գենի կրող եք, ամենևին չի նշանակում, որ Ձեր ապագա երեխաները կլինեն հիվանդ կամ գենի կրող: Հղիության ընթացքում հայտնաբերել գենի մուտացիան ներկայումս հնարավոր չէ: Երեխայի ծնվելուց հետո կարող եք կատարել գենետիկ անալիզ:

Anna

08.12.2015

Barev dzez hargeli bjishk, xndrum em nshel ayd testi anune vorov kareli e axtoroshel hivandutyune, es gtnvum em Miacial Nahangnerum ev aystex bjishknere aydkan el texyak chen ayd hivandutyan masin.

Anna

08.12.2015

Barev dzez..knereq mi harc...amusins votqi cavi gangatov stugvec ev bacahaytvec, vor uni ays hivandutyunic....sakayn stugvec ev parzvec vor jarangakan chi exel ev ayjm voch mi gangat chuni..mek tarva bujume nshanakvel colchicin dexamijocov...ays depqum hnaravore @nthanrapes bujvi ays hivandutyun@...

Merri

29.11.2015

Shnorhakal em shat Hargeli bjishk, dzer patasxan@ inchvor chapov hangstacrec indz. Bayc inch verabervum e erexanerin , da nshanakum e ,vor nranq klinen hivand,te uxxaki karox e linen?Es hima hxi em , inch karox em anel? Arje anhangstanal te voch? @ntaniqis andamneri mot 100%-ov karox em vstah asel ,vor chka parberakan hivandutyun...Isk karox e ,vor hetagayum el indz mot chzargana ayd hovandutyun@?

Մեդ-Պրակտիկ

29.11.2015

Հարգելի Syuzi, բարև Ձեզ: Եթե երեխան հաճախակի է հիվանդացել "Անգինա"-ով  խորհուրդ կտայի նաև դիմել ռևմատոլոգի, ռևմատիկ բնույթը ժխտելու համար: Ինչ վերաբերոմ է մուտացիային. գեների հետերոզիգոտ մուտացիա կոմպաունդ ձևով նշանակում է, որ բացի տվյալ գեների մուտացիայից առկա է նաև քրոմոսոմային անոմալիա, և մուտացիան այլ կերպ կոչվում է բարդ հետերոզիգոտ մուտացիա: Հետերոզիգոտ մուտացիաների դեպքում, եթե դրանք կոմպաունդ չեն, հիվանդը լինում է ուղղակի գենի առողջ կրող, սակայն կոմպաունդ ձևերի դեպքում կախված նրանից, թե կոնկրետ որ գենի մուտացիան է առկա, հիվանդության արտահայտման հավանականությունը մեծանում է: Եթե երեխայի մոտ նոպաներ չկան այժմ, հնարավոր է, երբեք էլ չլինեն, կամ որոշ ժամանակ լինեն, կամ նույնիսկ լինի հիվանդության ատիպիկ ձևը և չարտահայտվի նոպաներով: Նման մուտացիաներով, երբեմն նշանակվում է կոլխիցին: Անալիզի սխալմունք այնքան էլ հավանական չէ: Պարտադիր չէ, որ ընտանիքում լինեն հիվանդության կլինիկական դրսևորումներ ունեցող անձիք, բայց լինեն գենի կրողներ, և Դուք չիմանաք այդ մասին:

Մեդ-Պրակտիկ

29.11.2015

Հարգելի Astxik, բարև Ձեզ: Գլխացավերը կապված են "կոլխիցինի" ընդունման հետ: Ինչ վերաբերում է գոտկային հատվածի ցավերին, այնքան էլ բնորոշ չէ պարբերական հիվանդությանը,  քանի որ երիկամի բորբոքում, որպես այդպիսին  չի լինում: Խորհուրդ կտայի դիմել նեֆրոլոգի և կատարել մեզի բակտերիոլոգիական քննություն: Բացի այդ, եթե դեռ նոպաներ լինում են, հարկավոր է տեղյակ պահել բուժող բժշկին, հնարավոր է դեղի դոզան բարձրացնելու կարիք լինի:

Մեդ-Պրակտիկ

29.11.2015

Հարգելի Susanna, բարև Ձեզ: Ամենևին պարտադիր չէ, բայց հավանական է: Ցանկալի կլինի մյուս երեխաները ևս անցնեն գենետիկ քննություն:

Մեդ-Պրակտիկ

29.11.2015

Հարգելի Viktoriya, բարև Ձեզ: Առանց գենետիկ հետազոտության և բժշկի նշանակման "կոլխիցին" ընդունել չի կարելի: Խորհուրդ կտայի, եթե կան կասկածներ, անցնել գենետիկ քննություն:

Կարդացեք նաև

Ո՞ր նախանշաններն են խոսում ռևմատոլոգիական հիվանդությունների մասին
Ո՞ր նախանշաններն են խոսում ռևմատոլոգիական հիվանդությունների մասին

Եթե մարդն առավոտյան արթնանում է բռնված մկաններով, դժվարանում է  շարժվել մեկ ժամից ավելի, և այդ նշանները  պարբերաբար կրկնվում  են,  սա վկայում է առավոտյան մկանային կարկամածության մասին, որը ռևմատոլոգիական հիվանդությունների...

Բժշկի ընդունարանում
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com
Արթրոզների և արթրիտների տարբերությունը. Զարուհի Սաֆարյան. izmirlianmedicalcenter.com

Արթրիտը հոդի բորբոքումն է, օստեոարթրոզը` հոդի մաշվածությունը: Արթրիտների ժամանակ կա այտուցվածություն, տեղային ջերմության բարձրացում, հիպերէմիա, շարժումների սահմանափակում, շոշափելիս ցավ...

Վնասվածքաբանություն և օրթոպեդիա
Ռևմատոիդ արթրիտ. Զարուհի Սաֆարյան. izmirlianmedicalcenter.com
Ռևմատոիդ արթրիտ. Զարուհի Սաֆարյան. izmirlianmedicalcenter.com

Ի՞նչ հիվանդություն է ռևմատոիդ արթրիտը:

Ռևմատոիդ  արթրիտը  աուտոիմուն  ռևմատիկ հիվանդություն է, որը դրսևորվում է սիմետրիկ էրոզիվ արթրիտով...

Պոդագրա. հաճախ տրվող հարցերին պատասխանում է ռևմատոլոգ Զարուհի Սաֆարյանը. izmirlianmedicalcenter.com
Պոդագրա. հաճախ տրվող հարցերին պատասխանում է ռևմատոլոգ Զարուհի Սաֆարյանը. izmirlianmedicalcenter.com

Պոդագրան համակարգային տոֆուսային հիվանդություն է, որն ուղեկցվում է հոդերում և հարհոդային հյուսվածքներում նատրիումի մոնոուրատի բյուրեղների կուտակումով` առաջացնելով տեղային բորբոքում...

Պարբերական հիվանդությունը մանկական տարիքում. Գայանե Ամարյան. arabkirjmc.am
Պարբերական հիվանդությունը մանկական տարիքում. Գայանե Ամարյան. arabkirjmc.am

Պարբերական հիվանդությանը  (միջերկրածովյան ընտանեկան տենդ) վերաբերող հաճախ տրվող հարցերին պատասխանեց Արաբկիր բժշկական համալիրի  Մանկական գաստրոէնտերոլոգիական ծառայության և Պարբերական հիվանդության...

Մանկական հիվանդություններ
Պսորիազ. հաճախ տրվող հարցեր. izmirlianmedicalcenter.com
Պսորիազ. հաճախ տրվող հարցեր. izmirlianmedicalcenter.com

Ի՞նչ է պսորիազը:

Պսորիազը մաշկային հիվանդություն է, որն արտահայտվում է մաշկային ծածկույթի ցանավորմամբ և թեփոտմամբ...

Մաշկաբանություն
Ռեւմատոլոգիական հիվանդություններ. armeniamedicalcenter.am
Ռեւմատոլոգիական հիվանդություններ. armeniamedicalcenter.am

«Արմենիա» ԲԿ բժիշկ-ռեւմատոլոգ Գոհար Հակոբյանը ռեւմատոլոգիական հիվանդությունների մասին իր մասնագիտական խորհուրդներն է ներկայացնում: Բժշկուհու խոսքին անհրաժեշտ է հետեւեն ո՛չ միայն հիվանդները, այլ նաեւ մարդիկ, ովքեր չեն բախվել խնդրին...

Բժշկի ընդունարանում
Հաճախ տրվող հարցեր ռևմատոլոգին. izmirlianmedicalcenter.com
Հաճախ տրվող հարցեր ռևմատոլոգին. izmirlianmedicalcenter.com

1.  Ի՞նչ հիվանդություններ է բուժում ռևմատոլոգը:

Դրանք բավականին մեծ խումբ կազմող հիվանդություններ են, որոնք ուղեկցվում են հենաշարժական ապարատի և շարակցական...

Ինչպես խուսափել ռեւմատոլոգիական խնդիրներից. հարցազրույց Արմենիա ԲԿ ռեւմատոլոգ Գոհար Հակոբյանի հետ. armeniamedicalcenter.am
Ինչպես խուսափել ռեւմատոլոգիական խնդիրներից. հարցազրույց Արմենիա ԲԿ ռեւմատոլոգ Գոհար Հակոբյանի հետ. armeniamedicalcenter.am

Ժամակակից կյանքում տարածված ռեւմատոլոգիական հիվանդությունները բազմապատճառային են: Ինչպե՞ս խուսափել հիվանդությունից եւ որո՞նք են խնդրի առաջացման պատճառները. այս հարցերին պատասխանում է «Արմենիա»...

Հոդերի հիվանդություններ. ռևմատոիդ արթրիտ. izmirlianmedicalcenter.com
Հոդերի հիվանդություններ. ռևմատոիդ արթրիտ. izmirlianmedicalcenter.com

Ռևմատոիդ արթրիտը շարակցական հյուսվածքի բորբոքային հիվանդություն է: Այն դրսևորվում է հոդերի պրոգրեսիվող քրոնիկական ախտահարումով: Աստիճանաբար քայքայվում  են հոդի բոլոր տարրերը, և զարգանում են կոնտրակտուրաներ...

Տեղեկատվություն աշակերտների՝ ովքեր տառապում են պարբերական հիվանդությամբ, և նրանց ուսուցիչների համար
Տեղեկատվություն  աշակերտների՝ ովքեր տառապում են պարբերական հիվանդությամբ, և   նրանց  ուսուցիչների  համար

Ի՞նչ է ընտանեկան միջերկրածովյան տենդ կամ պարբերական  հիվանդությունը: Ընտանեկան միջերկրածովյան տենդը, կամ պարբերական հիվանդությունը (ՊՀ)  ժառանգական հիվանդություն է, որը  տարածված է  միջերկրածովյան...

Մանկական հիվանդություններ Գենետիկա
Ընտանեկան միջերկրածովյան տենդի կամ պարբերական հիվանդության ժամանակ Կոլխիցինի երկարատև ընդունումը
Ընտանեկան միջերկրածովյան տենդի կամ պարբերական հիվանդության ժամանակ Կոլխիցինի երկարատև ընդունումը

Պարբերական հիվանդությունը (ՊՀ) աուտոբորբոքային բնույթի ժառանգական հիվանդություն է,  բնորոշվում է պարբերաբար առաջացող նոպաներով, որոնք ուղեկցվում են բարձր ջերմությումբ/տենդով...

Գենետիկա
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.
Խորհուրդներ ընտանեկան միջերկրածովյան տենդով կամ պարբերական հիվանդությամբ տառապող հղի կանանց.

Պարբերական հիվանդությունը (ՊՀ) ժառանգական հիվանդություն է, որը հազվադեպ է հանդիպում շատ պոպուլյացիաներում, սակայն տարածված է հայերի և Միջերկրածովյան  տարածաշրջանի...

Հղիություն, ծննդաբերություն ԿԻՆ: Հիվանդություններ Գենետիկա Պերինատոլոգիա, մանկաբարձություն և ուրո-գինեկոլոգիա
Ռևմատիզմ. բուսաբուժություն. blognews.am
Ռևմատիզմ. բուսաբուժություն. blognews.am

Ռևմատիզմի և դրա բարդությունների դեպքում դեղորայքային բուժման համակցումը ժողովրդական միջոցների հետ լավ արդյունք է տալիս, ինչպես արտաքին օգտագործման ձևով, այնպես էլ տեղային...

Ավանդական բուժման մեթոդներ և միջոցներ
Ռևմատիզմ. բուսաբուժություն. blog.1in.am
Ռևմատիզմ. բուսաբուժություն. blog.1in.am

Վրեժ Հովսեփյանը ֆեյսբուքյան իր էջում գրում է.

Ռևմատիզմի և դրա բարդությունների դեպքում դեղորայքային բուժման համակցումը ժողովրդական միջոցների հետ լավ արդյունք է տալիս, ինչպես արտաքին օգտագործման ձևով, այնպես էլ տեղային...

Ավանդական բուժման մեթոդներ և միջոցներ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ