Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պերինատոլոգիա, մանկաբարձություն և ուրո-գինեկոլոգիա

Հղիություն. 1-ին ամիս

Հղիություն. 1-ին ամիս

Բեղմնավորում

Ձեր հղիության ժամկետի  մանկաբարձական հաշվարկն սկսվում է վերջին դաշտանի առաջին օրվանից: Կանացի սեռական գեղձերը՝ ձվարանները, տեղակայվում են արգանդի երկու կողմերում՝ փոքր կոնքի խոռոչում: 

 

Ձվարաններում են արտադրվում ձվաբջիջներն ու կանացի սեռական հորմոնները՝ որոնցով էլ պայմանավորված է սեռական պատկանելությունն ու  սեռական օրգանների նորմալ գործունեությունը:


Յուրաքանչյուր ամիս ձևավորվում են մոտ 20 ֆոլիկուլ,  սակայն նրանցից կարող է հասունանալ միայն մեկը, հետևաբար, ձվարանում առաջանում են այսպես կոչված երկրորդային ֆոլիկուլներ, իսկ հետո՝ գրաֆյան  բշտիկ,  որը պատրաստ է բեղմնավորման, երբ ձվաբջիջը ձվարանից արտամղվում է ֆալոպյան փողեր:


Հզիություն. 1-ին ամիսՀղիության առաջին ամիս

 

Ձվարանը պարունակում է ֆոլիկուլների հսկայական քանակություն, որոնցում ձվաբջիջները սպասում են իրենց «հերթին»: Յուրաքանչյուր ամիս ձվարաններից մեկում սկսում է հասունանալ ֆոլիկուլ, որը դաշտանային ցիկլի 14-րդ   օրը պայթում է՝ ազատելով ձվաբջջին: Երբեմն ձվարաններում հասունանում են 2-3 ձվաբջիջներ, և բեղմնավորման դեպքում կարող է լինել բազմապտուղ հղիություն:  Ձվաբջիջը 200 միկրոն (միլիմետրի1/1000 մասը) շրջանագծով շրջանաձև տեսք ունի: Նրանում տեղակայված է ցիտոպլազմայով շրջապատված միջուկը, որը պարունակում է սկզբնական շրջանում սաղմի զարգացման համար անհրաժեշտ սննդարար նյութերի և ֆերմենտների մեծ պաշար:   

 

Փոքրիկի զարգացման առաջին շաբաթը


Դաշտանային ցիկլի մոտավորապես 14-րդ օրը ջվաբջիջը հասունանում է և պատրաստ է բեղմնավորման: Այն դուրս է գալիս արգանդից և ընկնում արգանդափողի մեջ, որտեղ պահպանում է կենսական ակտիվությունը մինչև 24 ժամ: Եթե բեղմնավորում տեղի չի ունենում, ձվաբջիջը մահանում է և արգանդի արտաթորության հետ  դուրս գալիս  հաջորդ դաշտանի ժամանակ:

 

հղիության առաջին ամիսՀղիության առաջին ամիսԲեղմնավորում


46 քրոմոսոմները  ապահովում են յուրաքանչյուր մարդու յուրահատկությունն ու թելադրում սաղմի զարգացման պայմաննները:


Սերմնահեղուկում պարունակվում է ձվաբջջի թաղանթը լուծող նյութ, որը հնարավորություն է տալիս սպերմատազոիդին  ներթափանցել ձվավաբջիջ, որից հետո մեկ այլ սպերմատազոիդ չի կարող ներթափանցել:  Սպերմատազոիդը լուծվում է ձվաբջջի հետ և ձևավորվում միաբջիջ սաղմը՝ զիգոտ:


Սպերմատոզոիդներ

 

Սեռական հարաբերության ժամանակ  կնոջ հեշտոց են ներթափանցում մոտ 300-500 մլն սպերմատազոիդներ, որոնց մեծ մասը մահանում է: Սակայն նրանցից առավել ակտիվներն ու շարժունակները ձգտում են առաջ՝ դեպի արգանդափողում իրենց սպասող ձվաբջիջը: Նրանց սպասում է դժվար ճանապարհ, հաղթահարում են արգանդի վզիկը, էնդոմետրիայի ծալքերով շարժվում առաջ, գտնում արգանդի փողը և ձգտում դեպի ձվաբջիջը: Դա խոչընդոտներով լի ճանապարհ է, և միայն ամենատոկուն սպերմատազոիդն է կարողանում կարճ ժամկետում (2 ժամից ոչ ավելի) հասնել իր նպատակին: Նրանց շարժվելուն օգնում է ձվաձև գլխին կպած երկար, ալիքաձև պոչիկը, որը նրանց որոշակի նմանություն է տալիս շերեփուկի  հետ:


Բեղմնավորումը
ամենից հաճախ կատարվում է արգանդափողի միջին հատվածում, ձվաբջիջը շրջապատվում է մոտ 400-500 սպերմատազոիդներով: Նրանցից յուրաքանչյուրի գլխիկում գտնվող  հատուկ բշտիկը  լցված է ֆերմենտներով, որոնք քայքայում են ձվաբջջի թաղանթը, որպեսզի նրանցից մեկը ներթափանցի, և դա հաջողվում է միայն լավագույնին: Սպերմատազոիդի՝ ձվաբջիջ ներթափանցելուց անմիջապես հետո, վերջինիս թաղանթը անհաղթահարելի է դառնում այլ սպերմատազոիդների համար:


ԲեղմնավորումԲեղմնավորումԲեղմնավորում

 

Ներթափանցելով ձվաբջիջ՝ սպերմատազոիդը կորցնում է լարան-պոչիկը, որը նրան այլևս պետք չէ: Սպերմատազոիդի գլխիկում գտնվում է 23 քրոմոսոմ պարունակող միջուկը, որոնք միաձուլվում են ձվաբջջի միջուկի 23 քրոմոսոմի հետ, այսպես ձևավորվում է զիգոտը՝ մարդկային սաղմի առաջին բջիջը:

 

Բեղմնավորված ձվաբջջի ներսում,  բացի սեփական միջուկից, երևում է նաև սպերմատազոիդի միջուկը, այս բջիջները պարունակում են գենետիկ ամբողջական ինֆորմացիան, որը երեխան ժառանգում է ծնողներից:


Ծնողներից յուրաքանչյուրից երեխային փոխանցվող 23 քրոմոսոմներից մեկը պայմանավորում է ապագա երեխայի սեռը: Մայրական սեռը պայմանավորող քրոմոսոմը միշտ X է, իսկ հայրականը կարող է լինել կամ` X, կամ` Y, եթե X քրոմոսոմը միաձուլվում է  մյուս X քրոմոսոմի հետ, ապա ձևավորվում է իգական սեռի սաղմ` XX քրոմոսոմներով, իսկ եթե X-ը միաձուլվում է Y-ի հետ, ապա ձևավորվում է արական սեռի սաղմ X Y քրոմոսոմներով: 


Մարդկային ձվաբջջի տրամագիծը մոտավորապես 0.15 մմ է, սպերմատազոիդինը՝ մոտ  0.005 մմ, իսկ բեղմնավորված ձվաբջիջը կշռում է մոտավորապես 5*10-9 գ, այսինքն, ինն ամսվա ընթացքում ձեր փոքրիկը բազմապատկում է իր քաշը գրեթե միլիարդ անգամ:


Ֆոլիկուլը, որի միջից դուրս է եկել ձվաբջիջը, վերափոխվում է ժամանակավոր գեղձի՝ դեղին մարմնի, դա հորմոնալ ազդանշան է արգանդի համար, որ իր խոռոչում շուտով կհայտնվի ձվաբջիջը:

 

ԲեղմնավորումԲեղմնավորումԲեղմնավորում

 

Դեղին մարմնի խնամքն իր վրա է վերցնում ձվարանը, որն այս պահից սկսած և հետագա տաս շաբաթների ընթացքում պետք է արտադրի հղիության նորմալ ընթացքի համար անհրաժեշտ պրոգեսթերոն և էսթրոգոն հորմոնները:


Բեղմնավորված ձվաբջիջը
սկսում է արգանդափողով շարժվել դեպի արգանդ` փողի մկանների կրճատման և թարթչավոր էպիթելերի թավիկների շարժման հաշվին, միաժամանակ այս ընթացքում այն շարունակվում է կիսվել՝ անընդհատ բազմապատկելով բջիջների քանակը: Բջիջների բազմապատկման գործընթացը շարունակվում է ֆալոպյան փողով ներքև շարժվելու ողջ ընթացքում:


ԲեղմնավորումԲեղմնավորում

 

Ձվարանից դուրս գալով՝ ձվաբջիջն ընկնում է ձագարաձև  ծայրով ֆալոպյան փողի մեջ: Փողի լորձաթաղանթում գտնվող մանրադիտակային թավիկները նպաստում են ձվաբջջի շարժմանը: Այս ուղին տևում է մոտ երեք օր, եթե ձվաբջիջը չի բեղմնավորվում, այն մեկ օրվա ընթացքում մահանում է և քայքայվում, իսկ մնացորդներն արգանդից անջատված լորձաթաղանթի հետ դուրս են գալիս դաշտանային ցիկլի ժամանակ:


Երկբջջանի էմբրիոնըՉորսբջջանի էմբրիոնըՈւթբջջանի էմբրիոնը

 

Բեղմնավորումից հետո 4-րդ օրը բեղմնավորված ձվաբջիջը փոխում է արտաքին տեսքը՝ նմանվելով  մոշի, որը լցված է հեղուկով: Այս փուլում տեղի է ունենում ապագա երեխայի ներքին օրգանների սաղմնային ձևավորումը՝ սկսվում է սաղմի զարգացման փուլը՝ էմբրիոգենեզը: 4-րդ օրը մոշաձև մարմինը շարունակում է ֆալոպյան փողով իր ուղին՝ կրկնելով սպերմատազոիդի ճանապարհը՝ այս անգամ հակառակ ուղղությամբ: Ձվաբջջի հետագա մասնատման արդյունքում ստեղծվում է բջիջների համալիր՝ բլաստոմերներ, որոնց արտաքին շերտը կոչվում է տրոֆոբլաստ: Այս բջիջները ֆերմենտների շնորհիվ լուծում են արգանդի լորձաթաղանթը, և ձվաբջիջը պատվաստվում է վերջինիս մեջ: Դա տեղի է ունենում բեղմնավորման 5-6-րդ օրը: Տրոֆոբլաստից հետագայում ձևավորվում է ընկերքը, ամնիոտիկ հեղուկն ու պտղի թաղանթը: Այս ընթացքում շարունակվում է բջիջների բաժանման գործընթացը. արտաքին բջիջներից ստեղծվում է տրոֆոբլաստը, կենտրոնական բջիջներից ձևավորվում է սաղմնային ելունդը, որից մի քանի օր անց հայտնվում է ամնիոտիկ պարկը, պորտալարը, ապա՝ սաղմը:


Գնալով մեծացող ձվաբջիջն այս փուլում կոչվում է բլաստոցիստ (բլաստ՝ ծիլ բառից), քանի որ ապագա սաղմը շրջապատող տրոֆոբլաստը տերև է հիշեցնում:

 

Արգանդում տեղավորվելը

 

Բեղմնավորումից հետո մոտավորապես 4-րդ օրը ձվաբջիջը հասնում է արգանդի խոռոչ: Այս ընթացքում այն իրենից ներկայացնում է հեղուկով լի գունդ, որը, չնայած իր աննշան չափերին, մոտ հարյուր բջիջ է պարունակում: Հաջորդ օրերին ձվաբջիջը շարժվում է արգանդի ներսում:

 

5-րդ օր՝ բլաստոցիստ: Արգանդի լորձաթաղանթը պատրաստ է ընդունել բլաստոցիստին, քանի որ դաշտանի ցիկլի առաջին օրվանից այն հաստացել է, ծալքերի հաշվին մեծացրել իր մակերեսը, ծածկվել արյունատար անոթների ցանցով, ակտիվացրել գեղձերի աշխատանքը, որպեսզի գլիկոգենի պաշար հավաքի: Այս ամենն արվել է պոտենցիալ զիգոտան ընդունելու և սնելու համար (իսկ եթե բեղմնավորում չի կատարվում, արգանդի լորձաթաղանթը պոկվում է և արգանդի մկանների կրճատման հաշվին դուրս մղվում, այս գործընթացը հենց դաշտանային ցիկլն է):


 

Փոքրիկ բլաստոցիստը «օգտվում է հյուրընկալությունից», նրա ծայրամասային բջիջները լուծում են արգանդի լորձաթաղանթը և հարմար տեղավորվում վերջինիս մեջ: Լորձաթաղանթին ամուր կպչելու համար բլաստոցիստը հատուկ թելեր է արտադրում, որոնք, թափանցելով լորձաթաղանթ՝ էնդոմետրիա, հյուսվում են նրա մազանոթների  և բջիջների հետ` միաժամանակ սնվելով նրանցից: Բլաստոցիստի պատվաստման գործընթացը տևում է մոտ 40 ժամ: Բլաստոցիստի՝ արգանդում ամրանալուց անմիջապես հետո, տրոֆոբլաստի բջիջները սկսում են արտադրել մարդու խորիոնիկ գենադոտրոպին, որը, ընկնելով արյունատար համակարգ, հաղորդում է օրգանիզմին հղիության մասին. արդյունքում սկսվում են մոր օրգանիզմի հորմոնալ փոփոխությունները,  որոնք անհրաժեշտ են սաղմի բարենպաստ զարգացման համար:

 

8-րդ օրը սաղմնային ելունդը վերափոխվում է դեղնուցային պարկի և ամնիոտիկ խոռոչի, որը շրջապատված է ամնիոնոմ կոչվող թաղանթով ու լցված է ամնիոտիկ հեղուկով:


Այս փուլում հնարավոր է մի բլաստոցիստի ներսում սաղմի՝ երկու զիգոտի բաժանվելը (առայժմ անհայտ պատճառներով) և երկու սաղմերի ձևավորումը: Այսպես ձևավորվում են միաբջիջ երկվորյակները: Կախված նրանից, թե ինչքան վաղ է կատարվել այս բաժանումը, միաբջիջ երկվորյակները կարող են ունենալ ընդհանուր ընկերք, կամ, յուրաքանչյուրն իրենը` մի ամնիոտիկ բշտիկ երկուսի համար կամ առանձին:

 

1-ին (մանկաբարձական` 3-րդ) շաբաթը


Փոքրիկն այլևս նման չէ տափակ սկավառակի, այն վերափոխվում է 1,5 - 2,5 մմ երկարությամբ գլանիկի:

 

Պատվաստումը (Իմպլանտացիա): 1-ին (3-րդ) շաբաթվա վերջում բեղմնավորված ձվաբջիջը սկսում է տեղավորվել արգանդի լորձաթաղանթի մեջ, որը կոչվում է պատվաստում (իմպլանտացիա): Սաղմի արտաքին բջիջների թավիկներn ամրանում են արգանդի պատերին, և բեղմնավորման գործընթացն ավարտված է: Սաղմի արտաքին բջիջների մազիկները ներթափանցում են արգանդը պատող էպիթելի շերտի մեջ և միանում մոր արյունատար անոթների հետ, որպեսզի ձևավորեն ընկերքը: Այլ բջիջներ վերաճում են պորտալարի և թաղանթի, որ պաշտպանում է պտուղը: Ներքին բջիջները բաժանվում են 3 շերտի և սկիզբ են տալիս տարբեր օրգանների ու հյուսվածքների:

 

2-րդ (մանկաբարձական` 4-րդ) շաբաթ


Այս շաբաթվա ընթացքում բեղմնավորված ձուն սկսում է վերածվել սաղմի: Սկսում են ձևավորվել 3 տեսակի սաղմնաշերտեր, որոնք սկիզբ կծառայեն տարբեր հյուսվածքների և օրգանների ձևավորման համար: Ներքին շերտը (эндодерма) պատասխանատու է թոքերի, լյարդի, մարսողական համակարգի, ենթաստամոքսային գեղձի ձևավորման համար: Միջին շերտից (мезодерма) զարգանում են կմախքը, մկանային համակարգը, երիկամները, սիրտը և արյունատար անոթները: Արտաքին շերտը (эктодерма) ձևավորում է մաշկը, մազերը, աչքերի ոսպնյակները, ատամների արծնապակին, նյարդային համակարգը: Ապա յուրաքանչյուր շերտի բջիջներ իրենց տեղն են զբաղեցնում: Ձևավորվում է սաղմի արցունքի կամ կաթիլի նման նուրբ գլխիկը: Ժամանակակից սարքավորումներով կարելի է տեսնել բեղմնավորված ձուն և մի կանաչ մարմին, որը սնում է պտղին, մինչև որ ընկերքը կսկսի ամբողջությամբ գործել և իր վրա կվերցնի սնելու և պաշտպանելու դերը:

 

3-րդ (մանկաբարձական` 5-րդ) շաբաթ

 

Բջիջների բաժանման մեջ կա հստակ տրամաբանություն: Արդեն կարելի է պատկերացնել, թե որտեղ կլինեն ոտքերը, գլխիկը, մեջքը, որովայնը: Տարբերակելի է մեջքի լարը և  դրա երկայնքով` այսպես կոչված, նյարդային խողովակը: Դա ողնաշարի և ողնուղեղի նախատիպն է: Տեսանելի է, թե ինչպես` ընդլայնվելով վեր, նյարդափողը տափականում է, դա կլինի գլխուղեղի առջևի մասը:Սաղմի կենտրոնում երևում է հյուսվածքների մի կծիկ, որտեղ կլինի սիրտը: Աստիճանաբար սկսում են ձևավորվել նաև արյունատար անոթները:

 

 3 շաբաթական հղիությունԱրյան շարժումը սրտում պտղի մոտ


Այս ժամանակ արդեն կարելի է տարբերակել, թե սաղմի մոտ որտե՛ղ կլինի գլխիկը, որտե՛ղ` ոտքերը: Սաղմը С տառի նման կորանում է: Նյարդային փողի երկայնքով սկսում են ձևավորվել հյուսվածքի հատվածներ, որոնք կոչվում են սոմիտներ: Դրանցից հետագայում առաջանում է մկանային հյուսվածքը և այլ հյուսվածքային համակարգեր: Սաղմը երկու թաղանթով պաշտպանված է: Մեծ պղպջակ հիշեցնող գոյացությունը կոչվում է դեղնուցային պարկ. Այստեղ ձևավորվում են սաղմի արյունային բջիջները:


Կարևոր նորություն է, որ սիրտն այս շաբաթում սկսում է բաբախել: Զարմանալի է, որքան շատ բան է կատարվում այսքան արագ: Տրանսվիգինալ ուլտրաձայնը մոտավորապես ցույց է տալիս ձվաբջջի և կանաչ մարմնի 90%-ը: Այժմ կարելի է տարբերակել երեխայի գլուխը պոչիկից: Շաբաթվա վերջում ֆոլաթթվի ընդունումը կխթանի նյարդածալքերի առաջացմանը և դրանց միացմանը: Արդեն խոսքը վերաբերում է սաղմին, որի միջին երկարությունը 1,5-2,5 մմ է:

 

4-րդ (մանկաբարձական` 6-րդ) շաբաթ


Նյարդային փողն արդեն պատվել  է հյուսվածքով, և նրա ծայրին սկսում է ձևավորվել գլխուղեղը: Ապագա դեմքիկի երկու կողմերում սկսում է ձևավորվել երկու պնականման ձևեր, յուրաքանչյուրում սկավառականման պիգմենտ:  Դա տեսողական պղպջակներն են, որոնց վիճակված է դառնալ երեխայի աչիկները` բավականին բարդ օրգաններ: Սաղմի սիրտը սկսում է բաբախել բեղմնավորումից 21 օր անց: 

 

4 շաբաթական հղիություն4 շաբաթական հղիություն4 շաբաթական հղիություն4 շաբաթական հղիություն

 

Սկսում է կատարվել գլխուղեղի հինգ հատվածների ձևավորումը, տեսանելի են դառնում գանգի մի քանի նյարդեր: Նկատելի են պտղի ձեռքերը և ոտքերը, սկսվել է աչքերի, շրթունքների և քթի ձևավորումը: Ողնուղեղն իր զարգացումով առաջ է անցնում մարմնի մնացած օրգաններից, ինչի արդյունքում առաջանում է պոչ, որը անհայտանում  է սաղմի հասակի երկարումից հետո: Թաղանթը սկսում է ապահովել սաղմի սնունդը: Գունավոր դոպլերոմետրի օգնությամբ տեսանելի է, թե ինչպես է աշխատում սիրտը 5շաբաթ 4 օրականում, որն սկսում է արյուն մղել: Սաղմն իր արյան շրջանառության շնորհիվ սկսում է ընկերք ձևավորել, որը հղիության ողջ ընթացքում մորից սնունդ է տալու երեխային: Սիրտը սկսում է կատարել վայրկյանում 60-90 բաբախյուն, իսկ մեկ ամսվա ընթացքում հաճախականությունը հասնում է 180-ի, ապա քչանում` մինչև 140-160: Ուլտրաձայնային հետազոտությամբ  սիրտը նկատելի կլինի միայն 12-14 շաբաթում, իսկ սրտի մանրամասն ուսումնասիրությունը հնարավոր կլինի միայն 20-24 շաբաթում: Այս նկարում ուլտրաձայնային ազդանշանն արտացոլվում է պտղի արյան բջիջներից: Գույնն արտացոլում է արյան շարժման էներգիան: Որքան արագ են շարժվում բջիջները, այնքան պարզ է գույնը: Հղիության նման վաղ ժամկետում արդեն կարելի է գնահատել սաղմի կենսունակությունը:

 

Հղիության առաջին ամիս (4 շաբաթական)

 

Տե′ս նաև` ԼՈՒՐԵՐ: Հղիություն, ծննդաբերություն

 

Սկզբնաղբյուր. kiev-mama.com.ua
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Մեդ-Պրակտիկ

18.01.2015

Հարգելի Karina, հղիության ընթացում հակացուցված չէ ֆիզկուլտուրայով զբաղվել, ընդհակառակը, այն օգնում է հղիության ավելի բարենպաստ ընթացքին, հետագայում նաև ծննդաբերության և հետծննդյան շրջանում: Կարող եք կատարել նաև շնչառական վարժություններ և զբաղվել յոգայով: Ինչ վերաբերվում է օղակ խաղալուն, ապա հղիության մեծ ժամկետներում` սկսած 21-22 շաբաթից, այն ցանկալի չէ, քանի որ օղակ խաղալիս Դուք արհեստականորեն գրգռում եք արգանդի առաջային պատի մկանները, իսկ դա իր հերթին առաջացնում է արգանդի մկանների կծկում, որը ցանկալի չէ և կարող է վաղաժամ ծննդաբերության սպառնալիքի պատճառ լինել:Ստորև ներկայացնում ենք հղում, որտեղ կգտնեք վարժություններ, որոնք կարելի է կատարել հղիության ընթացում.
http://www.med-practic.com/arm/131/19807article.more.html

Մեդ-Պրակտիկ

18.01.2015

Հարգելի NARINE, դաշտանային ցիկլի երկրորդ փուլում` այսինքն 12-14-րդ օրից սկսած, երբ տեղի է ունենում ձվազատում, մարմնի բազալ ջերմաստճանը բարձրանում է մինչև 36.9-37 աստիճան, և եթե տեղի է ունեցել բեղմնավորում, այդ ջերմաստիճանը կարող է պահպանվել հղիության առաջին շաբաթների ընթացքում: Եթե ջերմաստիճանը բարձրանում է 37 աստիճանից և այն զուգորդվում է հարբուխի, երևույթներով, կամ այլ ախտանիշներով, ապա անհրաժեշտ է դիմել բժշկի:

Մեդ-Պրակտիկ

18.01.2015

Հարգելի  LILIT,  թեստի կեղծ դրական, կամ կեղծ բացասական պատասխանից խուսափելու համար անպայման ուշադրություն դարձրեք թեստի պիտանելիության ժամկետին, այնուհետև նշված սխեմայով անցկացրեք թեստը: Եթե համոզված եք, որ հղի եք,ապա դաշտանային ցիկլ սկսվել չի կարող, բացառությամբ որոշ դեպքերի, որոնք հանդիպում են շատ հազվադեպ: Իսկ հղիության դադարելը` դա նույն հղիության ընդհատումն է:

Մեդ-Պրակտիկ

18.01.2015

Հարգելի Varduhi,ցավոք պատասխանն ուշացած է:Հնարավոր է,որ 04.01.2015-ի տեստի պատասխանը կեղծ բացասական է:Դա ավելի հնարավոր տարբերակ է,քան կեղծ դրական պատասխանը:Եթե մինչև հիմա դաշտան չի եղել,ապա տեստ կրկնեք,կամ կատարեք ՈՒՁՀ:

Մեդ-Պրակտիկ

18.01.2015

Հարգելի ani,չպաշտպանված անալ սեռական հարաբերությամբ հղիանալու հավանականությունը չնչին է:Հնարավոր է այն դեպքում, եթե պատահաբար սերմնահեղուկի որոշ մաս թափվում է հեշտոցի մեջ:

Մեդ-Պրակտիկ

17.01.2015

Հարգելի ANI3,անհանգստանալու կարիք չկա:Բեմնավորման համար անհրաժեշտ սերմնահեղուկի քանակը կուտակվում է հեշտոցի հետին կամարում,որտեղից էլ անցնում է արգանդիխոռոչ,մյուս մասը թափվում է:Ինչ վերաբերվում է սեռական դիրքերին,ապա կարող եք ընթերցել համապատասխան գրականություն:

Մեդ-Պրակտիկ

17.01.2015

Հարգելի Milena,անհանգստանալու կարիք չկա:Դուք ընդամենը մի ամիս է ինչ կանոնավոր սեռական կյքանքով եք ապրում,և հղիության բացակայությունը դեռ չի նշանակում,որ որևէ խնդիր կա:Խորհորդ ենք տալիս չլարվել և չանհանգստանալ:Երբեմն նյարդային լարվածությունը և հղիանալու շատ մեծ ցանկությունը կարող են չհղիանալու պատճառ լինել:

Մեդ-Պրակտիկ

17.01.2015

Հարգելի Anna24,անհանգստանալու կարիք չկա:Սովորաբար սեռական հարաբերությունից հետո ,սերմնահեղուկի որոշ մասը հեշտոցից թափվում է դուրս:Բեղմնավորման համար անհրաժեշտ սերմնահեղուկի քանակը կուտակվում է հեշտոցի հետին կամարում,որտեղից էլ անցնում է արգանդի խոռոչ:

Varduhi

04.01.2015

barev dzez ,29.12.14-in test em arel,parasxan@ drakan er,sakayn 4.01.15-in eli test areci bayc patasxan@ arden bacasakan er.Sakayn dashtan der chi exel.xndrum em patasxanel hima inch anem?

ani

03.01.2015

barev bjishk jan xndrum em patasxaneq hnaravor e ardyoq hetevov haraberutyun unenaluc heto hxianal?xndrum em patasxaneq

ANI3

27.12.2014

xndrum em Aniyi harcin el patasxaneq da shat karevor e.u esel mi harc unem vor haraberutyun enq unenum sermahexuk@ tapvum e da karoxa chxianalu patchar darna.kam inch dirqov kareli e haraberutyun unenal vorpeszi metana hxianalu havanakutyun@ u sermahexuk@ chtapvi.shat shat em xndrum im harcerin shut patasxaneq.

Milena

26.12.2014

Barev dzez bjshkuhi jan.xndrum em pataxaneq im harcin amusins amusnutyan 2rd amsin meknec moskva ev veradardzav amusnutyan 4rd amsin nshem,vor arajin amsum pashpanvel eq .uzum em hxianal,xndrum em asaceq karox em hxinal.nra veradjrnaluc heto ancel e arden mek amis,bayc hxiutyun der chka.es shat em anhangstanum shat em larvum ev vaxenum

Anna24

24.12.2014

barev dzez, xndrumem patasxanel harcis ,haraberutyunic heto sermnahexuky chi mnum nersum da karoxe npastel vor chxianam te da sovorabar etpese linum naxapes shnorhakalutyun...........

Մեդ-Պրակտիկ

23.12.2014

Հարգելի Nara, ցավոք պատասխանն ուշացած է: Եթե խնդիրը դեռևս ակտուալ է, խնդրում ենք գրել, և մենք կպատասխանենք Ձեր հարցին:

Մեդ-Պրակտիկ

23.12.2014

Հարգելի Natela, ցավում եմ, որ պատասխանն ուշացրել ենք:

Մեդ-Պրակտիկ

23.12.2014

Հարգելի  Anna, եթե Ձեր մոտ եղել է 3 անգամ ինքնաբեր վիժում և 1 արտաարգանդային հղիություն, ապա անպայման անհրաժեշտ է դիմել գինեկոլոգի՝ պատճառը պարզելու համար: Հապատասխան բուժում ստանալուց հետո միայն կարելի է մտածել հղիանալու մասին: Ինչ վերաբերում է 1 փողով հղիանալուն, ապա, այո, միանշանակ հնարավոր է, իսկ ժամկետները անհատական են:

Մեդ-Պրակտիկ

23.12.2014

Հարգելի Sirush, քանի որ դուք ամուսնացած եք`դաշտանի ուշացման դեպքում հարկավոր է նախ հաստատ համոզվել. կա՞ արդյոք  հղիություն, թե՝ ոչ, այնուհետև հղիության բացակայության դեպքում հավաքել մանրամասն անամնեզ և փորձել գտնել պատճառը: Հղիության թեստի արդյունքն այս դեպքում կարող է կեղծ բացասական լինել: Հղիության դեպքում թեստը դրական է բեղմնավորումից մոտ 2-3 շաբաթ անց: Հղիության ենթադրյալ ժամկետը հաշվարկվում է վերջին դաշտանի առաջին օրվանից, այսինքն, եթե Դուք հաստատ հիշում եք դաշտանի օրը և կա հղիություն, այն կլինի 4-5 շաբաթական ու հղիության թեստը պետք է որ դրական լիներ: Նույնը վերաբերում է նաև ՈՒՁՀ հետազոտությանը: Խորհուրդ ենք տալիս դաշտան չլինելու դեպքում սպասել ևս 1 շաբաթ, այնուհետև կրկնել թեստը կամ ՈՒՁՀ-ն: Եթե չկա հղիություն, ապա դաշտանի ուշացման պատճառը պետք է պարզել: Անհրաժեշտ է դիմել գինեկոլոգի՝ պարզելու համար, կա՞ արդյոք դաշտանային ֆունկցիայի խանգարում, թե՝ ոչ, որից հետո մշակել բուժման հետագա պլանը:

Մեդ-Պրակտիկ

21.12.2014

Հարգելի Silva, ողնաշարի նման ցավերը կարող են ընդհանրապես կապ չունենալ կանացի օրգանների հետ և խնդիրը կապված լինի ողնաշարի հետ: Այստեղ կարևոր է տարիքը, եթե 40-ն անց եք, դա կարող է լինել ռադիկուլիտի ախտանիշ, իսկ ցանկացած տարիքի համար կարող է պատճառ լինել նստակյաց կյանքը, ֆիզիկական ակտիվության պակասը, քանի որ սեռական ակտի ժամանակ պահանջվում է ֆիզիկական լարում, որին օրգանիզմը կարղ է պատրաստ չլինել: Ցանկալի է դիմել խորհրդատվության: Իսկ եթե հաստատեք նստակյաց կյանքի փաստը, Ձեզ կօգնի ֆիզիկական ակտիվությունը:

Մեդ-Պրակտիկ

21.12.2014

Հարգելի ALVINA, այո, էրոզիայի մեկ անգամ բուժումը չի երաշխավորում հետագայում դրանից մեկընդմիշտ ազատվելը: Չի բացառվում նաև ոչ լիարժեք բուժման արդյունքում այն կրկնվի, կամ բուժումից հետո չեք պահպանել համապատասխան ցուցումներ, որի արդյունքում այն կրկնվել է: Ինչևէ, պետք է դիմել մասնագետի և կրկին բուժում ստանալ՝ պահպանելով բժշկի բոլոր ցուցումները: Մեջքի շրջանի ցավերը կարող են լինել ամենատարբեր պատճառներից, ցանկալի է գինեկոլոգի խորհրդատվությանը զուգահեռ՝դիմել նաև նյարդաբանի՝ ավելի հավաստի ախտորոշման և բուժման համար:

lana

21.12.2014

barev dez bjshkuhi .mi harc unem dvabjij 2.6 2.2 2.8 dashtani 12 .14 orerin vor paytuma hxiutyun hnaravor chi...ev ete klastit begit em xmel .nayev 16 erot or vor payti ....normal chap vorna ev vor or piti payti vor hxiutyun lini ......ete dexic hetoel inq paytuma partadira 11 or srskumov paytacnel.

liza

21.12.2014

hargeli bjishk es arden 4 shbatakan hxiem, hachax unenumem mechqi ev pori hatvacum voch ujex caver, da vtangavor che ptxi namar. naxapes shnorhakalutyun

marii

19.12.2014

barev bjshkuhi mi harc tam amiksini ev bitaprost dexer inchi hamar en ev sperman. naxapes shnorakalutyun.

anna

18.12.2014

barev bjishk jan xndrum em patasxaneq haraberutyun unenaluc heto sperman het e galis da inchi het e kapvac?

Մեդ-Պրակտիկ

18.12.2014

Հարգելի  Aaa, Դուք հավանաբար ի նկատի ունեք տղամարդկանց միզասեռական կանդիդոզը, այլ կերպ `սեռական օրգանների սնկային հիվանդությունը: Կանդիդա տեսակի սունկը նորմայում կա մարդու օրգանիզմում և տարբեր պատճառներով կարող է ունենալ  կլինկիական դրսորում: Այն հաճախ հանդիպող խնդիր է և չի համարվում սեռական  ինֆեկցիա, սակայն կարող է փոխանցվել տղամարդուց՝ կնոջը: Հարկավոր է դիմել ուրոլոգի կամ մաշկավեներոլոգի՝ համապատասխան բուժում ստանալու համար:

Մեդ-Պրակտիկ

18.12.2014

Հարգելի  Lil, անհանգստանալու կարիք չկա: Բեղմնավորման համար անհրաժեշտ սերմնահեղուկի քանակը, միևնույնն է, կուտակվում է հեշտոցի հետին կամարում, որտեղից էլ սպերմատոզոիդները անցնում են արգանդի խոռոչ: Սերմնահեղուկի մնացած քանակությունը թապվում է դուրս:

Մեդ-Պրակտիկ

18.12.2014

Հարգելի  Lusi,  աններդաշնակ սեռական հարաբերությունները հնարավոր է չհղիանալու պատճառ լինի, սակայն, ինչ վերաբերում է Ձեր նշած տարբերակին, ապա կարևոր է սերմնահեղուկի թապվելը հեշտոցի մեջ, որտեղից բեղմնավորման համար անհրաժեշտ քանակը միևնույն է անցնում է արգանդի խոռոչ: Նշված հղումը կօգնի գտնել նաև ցավի առաջացման պատճառը.
http://www.med-practic.com/arm/76/13342/article.more.html

Մեդ-Պրակտիկ

18.12.2014

Հարգելի Lusine, գերջրությունը`դա հարպտղային ջրերի նորմայից ավելի քանակն է: Պատճառները բազմաթիվ են՝ սկսած ինֆեկցիոն հիվանդություններից մինչև պտղի ներարգանդային զարգացման արատներ: Դրանք պարզելու համար անհրաժեշտ են մի շարք հետազոտություններ: Շատ հաճախ գերջրության պատճառն այդպես էլ մնում է անհայտ: Այդ դեպքում անհրաժեշտ է հասկողություն և սկսել բուժում, որն ուղղված է երեխայի վիճակը լավացնելուն. ընդհանուր վիտամինաթերապիա, հակաբիոտիկներ, արգանդ-ընկերքային արյան շրջանառությունը լավացնող միջոցներ, միզամուղներ և այլն:

Ani

15.12.2014

barev dez bjshkuhi jan shat em xndrum im harcin patasxaneq vor dashtanayin ciklov ches hivandanum,hxiutyun hnaravor e?mihat indz tanot bjshkuhi gitem mankabarc e asum e ete dashtan ches tesnum hxiutyun linum e ?duq kaseq tisht e te che.spasum em der patasxanin xndrum em shut kpatasxaneq/

անա

12.12.2014

Հղիեմ տաս օր ե անցել բաեց մըկ կարշվնի առտադռըցըն

Մեդ-Պրակտիկ

06.12.2014

Հարգելի Սիրուշիկ, Ձեր հարցի պատասխանին կօգնի հոդվածը, որի հղումը ստորև է.
www.med-practic.com/arm/131/16179/article.more.html

Կարդացեք նաև

Պտղաջրերի մեծ քանակ. morevmankan.am
Պտղաջրերի մեծ քանակ. morevmankan.am

Պտղաջրերի ոչ նորմալ ավելցուկը հաճախ պտղի զարգացման շեղումների մասին է վկայում: Որպես ախտաբանություն ախտորոշվում է, եթե ՈՒՁ հետազոտությամբ հայտնաբերվում է, որ պտղաջրերը գերազանցում են 2 լիտրը...

Հղիություն, ծննդաբերություն
Ինչպե՞ս բարձրացնել հեմոգլոբինը հղիների մոտ. morevmankan.am
Ինչպե՞ս բարձրացնել հեմոգլոբինը հղիների մոտ. morevmankan.am

Երկաթդեֆիցիտային սակավարյունությունը բավականին տարածված ախտորոշում է հղիության երկրորդ եռամսյակում: Բժիշկները, հաճախ անգամ հեմոգլոբինի չնչին իջեցման դեպքում, հղիին խորհուրդ են տալիս հատուկ սննդակարգ, քանի որ լուրջ խնդիր է...

Հղիություն, ծննդաբերություն
Հղիության 27-րդ շաբաթ. morevmankan.am
Հղիության 27-րդ շաբաթ. morevmankan.am

Հղիության 2/3-ն արդեն հաջողությամբ անցել է: Որովայնի մշտական ճնշումը ներքին օրգաններին, ոտքերի և գոտկատեղի ծանրաբեռնվածությունը հոգնածության զգացողություն են առաջացնում: Բայց ամեն շաբաթ, ապագա մոր համար, ավելի ու ավելի դժվար է...

Հղիություն, ծննդաբերություն
Հակաբեղմնավորիչների դրական և բացասական կողմերը
Հակաբեղմնավորիչների դրական և բացասական կողմերը

Հակաբեմնավորումը անցանկալի հղիությունից պաշտպանությունն է: Հակաբեղմնավորման ժամանակակից մեթոդները բազմազան են: Հակաբեղմնաբորման միջոցները բաժանվում են երկու խմբի` կանանց և տղամարդկանց: Կանանց հակաբեղմնավորման միջոցները...

Առողջ կին
Հնարավո՞ր է կանխել արգանդի վզիկի քաղցկեղը
Հնարավո՞ր է կանխել արգանդի վզիկի քաղցկեղը

Ըստ կանանց մոտ ուռուցքային հիվանդությունների մահացության՝ արգանդի վզիկի քաղցկեղը աշխարհում երկրորդ հորիզոնականում է։ Յուրաքանչյուր տարի գրանցվում է արգանդի վզիկի քաղցկեղի մոտավորապես 500 հազար նոր դեպք...

Առողջ կին Ուռուցքաբանություն
Պտղաջրերի պակաս. morevmankan.am
Պտղաջրերի պակաս. morevmankan.am

Պտղաջրերի պակասն ավելի վտանգավոր է համարվում, քան ավելցուկը, բայց այն շատ ավելի քիչ է հանդիպում: Այն ախտորոշվում է, եթե պտղաջրերը 600 մլ-ից պակաս են: Այն բերում է թոքերի, ոսկրերի և պտղի այլ օրգանների թերզարգացման...

Հղիություն, ծննդաբերություն
Հղիության 26-րդ շաբաթ. morevmankan
Հղիության 26-րդ շաբաթ. morevmankan

Վերջանում է երկրորդ եռամսյակը, որը համարվում է երեխային սպասելու ընթացքի ամենախաղաղ ժամանակը: 26-րդ շաբաթը երեխայի համար կարևոր է այնքանով, որ նա արդեն կենսունակ է դարձել: Վաղաժամ ծննդաբերության դեպքում, բժշկական ճիշտ խնամքի...

Հղիություն, ծննդաբերություն Հղիությունը շաբաթներով՝ ըստ ամիսների
Հղիության 25 շաբաթ. morevmankan
Հղիության 25 շաբաթ. morevmankan

Ժամանակն արագ է անցնում՝ հղիության 6 շաբաթներն արդեն մոտենում են ավարտին: Դեռ արագորեն քաշ եք ավելացնում, որովայնն ավելի է մեծանում, այն արդեն խանգարում է կռանալ, կոշիկները հագնել: Սա հրաշալի ժամանակ է մաքուր օդում...

Հղիություն, ծննդաբերություն Հղիությունը շաբաթներով՝ ըստ ամիսների
Արտադրություն` սեռական օրգաններից. morevmankan
Արտադրություն` սեռական օրգաններից. morevmankan

Սեռական ուղիներից կարող են լինել ախտաբանական բնույթ կրող բնորոշ արտադրություններ, որոնք արտահայտվում են քանակի ավելացմամբ, գույնի փոփոխմամբ, կոնսիստենցիայով և հոտով...

ԿԻՆ: Հիվանդություններ
Հղիության 24 շաբաթ. morevmankan
Հղիության 24 շաբաթ. morevmankan

Շարունակվում է հղիության երկրորդ եռամսյակը՝ ամենահանգիստ և հարմարավետ շրջանը: Քանի դեռ ժամանակ կա, առանց շտապելու պետք է ընտրել ծննդատունը և հավաքել շտապ անհրաժեշտության իրերի պայուսակը...

Հղիություն, ծննդաբերություն Հղիությունը շաբաթներով՝ ըստ ամիսների
Հղիության 23- րդ շաբաթ
Հղիության 23- րդ շաբաթ

23 շաբաթում փոքրիկի մարմնի երկարությունը կազմում է մոտ 29 սմ, քաշը` մոտավորապես 510 գր: Հղիության այս շրջանում ապագա մայրը մշտապես լարված հետևում է իր մանկիկին, նրա շարժումններին: Երեխան արդեն մշակել է իր օրվա ռեժիմը...

Հղիություն, ծննդաբերություն Հղիությունը շաբաթներով՝ ըստ ամիսների
Ե՞րբ այցելել գինեկոլոգի (հաճախ տրվող հարցեր). nairimed.com
Ե՞րբ այցելել գինեկոլոգի (հաճախ տրվող հարցեր). nairimed.com

Խորհուրդ է տրվում տարեկան 1-2 անգամ այցելել գինեկոլոգի` ընդհանուր հետազոտության նպատակով, ինչպես նաև` անհրաժեշտ է դիմել գինեկոլոգի խորհրդատվության, եթե առկա են անհանգստացնող ախտանիշներ...

Առողջ կին
Ե՞րբ այցելել գինեկոլոգի (հաճախ տրվող հարցեր). nairimed.com
Ե՞րբ այցելել գինեկոլոգի (հաճախ տրվող հարցեր). nairimed.com

Խորհուրդ է տրվում տարեկան 1-2 անգամ այցելել գինեկոլոգի` ընդհանուր հետազոտության նպատակով, ինչպես նաև` անհրաժեշտ է դիմել գինեկոլոգի խորհրդատվության, եթե առկա են անհանգստացնող ախտանիշներ...

Առողջ կին
Հիստերոսկոպիա. ո՞ր դեպքերում է կիրառվում: Պատասխանում է գինեկոլոգ Մարիաննա Ադամյանը
Հիստերոսկոպիա. ո՞ր դեպքերում է կիրառվում: Պատասխանում է գինեկոլոգ Մարիաննա Ադամյանը

Հիստերոսկոպիան գինեկոլոգիայում հաճախ իրականացվող գործընթաց է, որը թույլ է տալիս բժշկին տեսնել արգանդը` ներսից։ Հիստերոսկոպիան կատարվում է ախտորոշիչ կամ վիրահատական։ Շատ հաճախ ախտորոշումից անմիջապես հետո իրականացվում է...

Ախտորոշում ԿԻՆ: Հիվանդություններ
Ալերգիան հղիության ժամանակ. morevmankan
Ալերգիան հղիության ժամանակ. morevmankan

Ալերգիան իմուն համակարգի ծայրահեղ ռեակցիան է որոշ նյութերի՝ ալերգենների նկատմամբ, որոնք, սովորաբար, անվնաս են մյուսների համար: Հնարավոր չէ կանխատեսել, թե ինչպես հղի կնոջ օրգանիզմը կվերաբերվի պոտենցիալ ալերգենին...

Հղիություն, ծննդաբերություն Ալերգոլոգիա

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ