Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Կլինիկական դեպքեր

Առյուծի հոշոտած ձեռքը տղամարդը մեկ տարի անց կարողանում է օգտագործել (լուսանկարներ). news.am

Առյուծի հոշոտած ձեռքը տղամարդը մեկ տարի անց կարողանում է օգտագործել (լուսանկարներ). news.am

Ձեռքի ամբողջ մակերեւույթին ճանկերի եւ ատամների հասցրած հսկայական վերքեր, պոկված մկաններ, կտրված անոթներ… Վերքերը տեսնելով՝ Վարդանը մտածում էր, որ կամ կկորցնի ձախ ձեռքը, կամ չի կարողանա այն այլեւս շարժել: Մինչդեռ այսօր՝ մեկ տարի հետո այն օրից, երբ նրան կծել էր առյուծը, նա կարողանում է վնասված ձեռքը նորմալ օգտագործել եւ նույնիսկ ծանրություն բարձրացնել:

Վարդան Գրիգորյանն աշխատում է Երեւանի կենդանաբանական ագում: 2015 թվականի հոկտեմբերի 29-ին առյուծին կերակրելուց հետո նա պատրաստվում էր նրա վանդակից հավաքել ոսկորների մնացորդները, երբ վանդակի մոտ ընկած պլաստիկե շիշ է նկատել: Վարդանը մոտեցել է այն վերցնելու, եւ այդ պահին առյուծն առաջ գալով թաթով ճանկել է նրա ձախ ձեռքը եւ ճանկերով պատառոտելով մկաններն ու անոթները՝ այն դեպի իրեն է քաշել ու ատամներով մխրճվել մեջը:

Վարդանը գիշատիչների հետ աշխատելու բավական մեծ փորձ ուներ, ուստի գիտեր՝ ինչպես պետք է իրեն պահի. նա ջանում էր իրեն հանգիստ պահել, ձեռքը ետ չքաշեց՝ հասկանալով, որ եթե դիմադրի, ավելի ծանր վնասվածքներ կստանա:

«Ես արդեն 3 տարի այդ առյուծի հետ էի աշխատում եւ հուսով էի, որ ինձ ճանաչելով՝ ձեռքս բաց կթողնի: Ես փորձեցի ձեռքս թուլացնել եւ սպասում էի մինչ գործընկերներս օգնության կգան», -  NEWS.am Medicine-ի հետ զրույցում ասաց Վարդանը:

Նրա խոսքով՝ այդ պահին վախ չի զգացել, միայն մտածում էր՝ ինչպես վարվել վնասվածքները նվազագույնի հասցնելու եւ ձեռքը պահպանելու համար:

«Այդպիսի իրավիճակում եթե վախենաս եւ խուճապի մատնվես, ամեն ինչ կարող է շատ վատ ավարտվել», - ասաց Վարդանը:

Գործընկերներին երկար սպասելու հարկ չի եղել. նրանք առյուծի վրա են ուղղել ջրի շիթը, եւ միայն դրանից հետո է առյուծը Վարդանի ձեռքը բաց թողել ու հետ գնացել: Իսկ Վարդանին անմիջապես հիվանդանոց են տեղափոխել:

Այդ օրը Համալսարանական կլինիկական թիվ 1 հիվանդանոցի Պլաստիկ վիրաբուժության եւ միկրովիրաբուժության կենտրոնում հերթապահում էր վիրաբույժ Թեհմինե Ասատրյանը: Կատարելով բոլոր անհրաժեշտ անալիզներն ու հետազոտությունները եւ գնահատելով նրա վիճակն ու վնասվածքների ծանրությունը՝ Վարդանին վիրահատարան են տեղափոխել նրան հիվանդանոց բերելուց արդեն 20 րոպե հետո:

Թեհմինե Ասատրյանը լավ է հիշում այդ օրը. հիվանդի մոտ մեծ կտրված վերքեր էին՝ ուսից մինչեւ դաստակ, մկանները եւ անոթները լրջորեն վնասված էին, ոսկրը մերկացել էր, իսկ ձեռքի արյան մատակարարումը խախտված էր: Հիվանդը, չնայած ծանր վնասվածքներին, գիտակցության կորուստ չուներ:

Վիրահատարանում վիրաբույժը նախ վերքն է ստուգել՝ հասկանալու համար, թե ինչի հետ գործ ունի: Այնուհետեւ երկու օրդինատորների օգնությամբ վերքը մաքրել է եւ կատարել է վիրաբուժական առաջնային մշակում: Անհրաժեշտ էր վերականգնել ձեռքի արյան շրջանառությունը (այլապես նեկրոզ կսկսվեր, եւ ստիպված կլինեին ձեռքը կտրել) եւ ամեն ինչ անել, որպեսզի ձեռքն իր գործառնությունը պահպաներ: Աշխատանքի այսպիսի ծավալը մեկ բժիշկն անկարող էր հաղթահարել, եւ Թեհմինե Ասատրյանն օգնության կանչեց իր գործընկերոջը՝ պլաստիկ վիրաբույժ Գեւորգ Յաղջյանին:

Հոկտեմբերի 27-30-ը Երեւանում ընթանում էր Պլաստիկ վիրաբույժների միջազգային կոնգրեսը, որին մասնակցում էր նաեւ Գեւորգ Յաղջյանը: Ծանր դեպքի մասին տեղեկանալով՝ նա կլինիկա շտապեց. բարեբախտաբար կոնգրեսն անցկացվում էր բժշկական կենտրոնից ոչ հեռու:

Ամբողջ աշխատանքը, ինչպես Գեւորգ Յագջյանը պատմեց NEWS.am Medicine-ի թղթակցին, 3 մասի են բաժանել. առաջին մասը՝ վիրաբուժական առաջնային մշակումը, բժիշկ Ասատրյանն արդեն կատարել էր, այնուհետեւ վիրաբույժները սկսել են կարել վնասված նյարդերը, մկանները եւ հյուսվածքները, նաեւ անոթային վիրաբույժի են հրավիրել: Ձեռքի արյան մատակարարումն ապահովող զարկերակը խցանված էր մեծ տրոմբով, եւ մասնագետները թրոմբը հեռացրել են ու հիվանդին  ներարկել են արյունը նոսրացնող դեղամիջոց, որպեսզի վերականգնեն զարկերակի անցանելիությունը: Պոկված մկանները եւ վերքերը կարվել են, իսկ վիրահատության ավարտին վերջույթն անշարժացվել է Կրամերի շինայի միջոցով:

Քանի որ կենդանիների կծոցի հետեւանքով ինֆեկցիոն բարդությունների առաջացման մեծ հավանականություն կա, հիվանդի՝ կլինիկայում գտնվելու հետագա ժամանակահատվածում կազմակերպվել է կանխարգելիչ բուժում հակաբիոտիկներով: Մասնագետները տեղյակ էին, որ կենդանաբանական այգու բոլոր կենդանիներին կատաղության դեմ պատվաստում են, սակայն հիվանդին եւս ապահովության համար կատարեցին անհրաժեշտ պատվաստումներ՝ այդ վտանգավոր հիվանդությունից պաշտպանելու համար:

Մոտ մեկ ամիս հետո, երբ Վարդանի վիճակը կայունացավ, մասնագետները կատարեցին երկրորդ վիրահատությունը՝ աուտոդերմոպլաստիկա, որի ընթացքում նրանք հիվանդի ազդրից մաշկի փոխպատվաստ վերցրեցին եւ դրանով ծածկեցին ձեռքի վերքերը:

Վիրահատություններին հետեւել է երկարատեւ վերականգնումը: Երեք ամիսը մեկ մասնագետները Վարդանին հետազոտել են, ստուգել ձեռքի նյարդերի վիճակը, որպեսզի որոշեին հետագա քայլերը. առանց մշտական վերահսկողության դժվար կլիներ լավ արդյունքի հասնել: Եթե նկատում էին, որ վերականգնման ընթացքն այնպիսին չէ, ինչպիսին պետք է լիներ, հիվանդին հատուկ բուժում եւ վորականգնման միջոցներ, ֆիզիոթերապիա էին նշանակում:

Առյուծի կծելուց վեց ամիս անց Վարդանը սկսեց ձեռքը շարժել: Այսօր նրա ձեռքը սպիներով է պատված (եթե ցանկանա, պլաստիկ վիրաբույժները կարող են դրանք ծածկել եւ լավացնել ձեռքի էսթետիկական տեսքը), մկանների մի մասը բացակայում է: Չնայած դրան, Վարդանը կարողանում է ձեռքը լիարժեք օգտագործել. պակասող երկգլուխ մկանի դերը միանգամայն հաջողությամբ կատարում են մյուս մկանները, ինչի շնորհիվ Վարդանը կարող է բազուկը հանգիստ ծալել եւ բացել ե նույնիսկ մինչեւ 20 կգ ծանրություն բարձրացնել: Ձեռքի մատները շարժունակ են եւ զգայուն:

Վարդանը շարունակում է կենդանաբանական այգում աշխատել, եւ տեղի ունեցածը ժամանակին ցուցաբերված եւ գրագետ օգնության շնորհիվ նրա կյանքի որակի վրա չի ազդել:

Առողջացման ընթացքում պահեր են եղել, երբ Վարդանն, իր իսկ խոսքով, չի հավատացել, որ ձեռքը երբեւէ կարող է նորմալ գործել: Բայց նրա բժիշկները չէին կասկածում, որ ամեն ինչ լավ կլինի:

«Մենք ի սկզբանե գիտեինք, որ կարող ենք նրա ձեռքը վերականգնել, եւ առաջին իսկ օրից հիվանդին ասում էինք, որ իր ձեռքն անպայման կգործի», - նշեց Գեւորգ Յաղջյանը:

Նրա խոսքով՝ մասնագետների կոլեկտիվ աշխատանքի եւ հետվիրահատական վերականգնման ճիշտ կազմակերպման շնորհիվ է հնարավոր եղել այսպիսի լավ արդյունքի հասնել:

Նշենք, որ վերջին 20 տարիներին Համալսարանական կլինիկական թիվ 1 հիվանդանոցի Պլաստիկ վիրաբուժության եւ միկրովիրաբուժության բաժանմունքում հետազոտվել եւ ահրաժեշտ բուժում են ստացել կենդանիների կծելուց հետո վնասվածքներ ստացած ավելի քան 15 հիվանդներ: Մասնավորապես՝ մասնագետները բուժել են շան, ձիու, գայլի, լուսանի, նույնիսկ արջի կծոցի դեմ: Սակայն Վարդանի դեպքը եզակի էր՝ այդպիսի ընդգրկուն վերքերով հիվանդներ հազվադեպ են հանդիպում:

 

Առյուծի հոշոտած ձեռքը տղամարդը մեկ տարի անց կարողանում է օգտագործել

 

Առյուծի հոշոտած ձեռքը տղամարդը մեկ տարի անց կարողանում է օգտագործել

 

Առյուծի հոշոտած ձեռքը տղամարդը մեկ տարի անց կարողանում է օգտագործել

 

Առյուծի հոշոտած ձեռքը տղամարդը մեկ տարի անց կարողանում է օգտագործել

 

Առյուծի հոշոտած ձեռքը տղամարդը մեկ տարի անց կարողանում է օգտագործել Առյուծի հոշոտած ձեռքը տղամարդը մեկ տարի անց կարողանում է օգտագործել

Առյուծի հոշոտած ձեռքը տղամարդը մեկ տարի անց կարողանում է օգտագործել Առյուծի հոշոտած ձեռքը տղամարդը մեկ տարի անց կարողանում է օգտագործել

 

 

Սկզբնաղբյուր. news.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Կլինիկական դեպք «Իզմիրլյան» բժշկական կենտրոնի ուրոլոգիական կլինիկայում. izmirlianmedicalcenter.com
Կլինիկական դեպք «Իզմիրլյան» բժշկական կենտրոնի ուրոլոգիական կլինիկայում. izmirlianmedicalcenter.com

«Իզմիրլյան» բժշկական կենտրոնի ուրոլոգիական կլինիկա էր դիմել 42 տարեկան կին` հետևյալ գանգատներով...

Լուրեր
Սրունքի կոտրվածքների օրթոպլաստիկ բուժման տակտիկան սրունքի բաց կոտրվածքով (GUSTILIO III C և МЕSS >10) հիվանդի ոտնաթաթի վերաանոթավորման դեպք
Սրունքի կոտրվածքների օրթոպլաստիկ բուժման տակտիկան սրունքի բաց կոտրվածքով (GUSTILIO III C  և МЕSS >10) հիվանդի ոտնաթաթի վերաանոթավորման դեպք

Սրունքի ոսկրերի բաց կոտրվածքով և փափուկ հյուսվածքային մեծ դեֆեկտով(Gustilio III ) հիվանդների վիրաբուժական բուժումը հանդիսանում է ժամանակակից վնասվածքաբանության արդիական խնդիրներից մեկը: Պլաստիկ վիրաբուժության...

Պլաստիկ վիրաբուժություն
Առյուծի կծելու հետևանքով վերին վերջույթի ծավալուն փափուկ հյուսվածքային և մկանային դեֆեկտով հիվանդի վերջույթի վերաանոթավորման հաջողված կլինիկական դեպք
Առյուծի կծելու հետևանքով վերին վերջույթի ծավալուն փափուկ հյուսվածքային և մկանային դեֆեկտով հիվանդի վերջույթի վերաանոթավորման հաջողված կլինիկական դեպք

Պլաստիկ և վերականգնողական վիրաբուժության արդիական և բարդ խնդիրներից է շարունակում մնալ գիշատիչ կենդանիների կողմից հասցված` կծած-պատռած վերքերի, փափուկ հյուսվածքային դեֆեկտների վիրահատական...

Պլաստիկ վիրաբուժություն
Ստորին շրթունքի քաղցկեղի կոմբինացված բուժում առանց դեմքի դեֆորմացիայի (Ընդհանուր ուռուցքաբանության բաժանմունք). oncology.am
Ստորին շրթունքի քաղցկեղի կոմբինացված բուժում առանց դեմքի դեֆորմացիայի (Ընդհանուր ուռուցքաբանության բաժանմունք). oncology.am

Հիվանդը դիմել է Ուռուցքաբանության ազգային կենտրոն 2015 հունվարին ստորին շրթունքի քաղցկեղի T3N1M0 փուլում նեոադյուվանտ ճառագայթային բուժումից հետո ՌԴ-ից...

«Իզմիրլյան» բժշկական կենտրոնում ուշագրավ վիրահատություն նորաբաց Անոթային վիրաբուժության բաժանմունքում. izmirlianmedicalcenter.com
«Իզմիրլյան» բժշկական կենտրոնում ուշագրավ վիրահատություն նորաբաց Անոթային վիրաբուժության բաժանմունքում. izmirlianmedicalcenter.com

‹‹Իզմիրլյան›› ԲԿ-ն համալրվել է ևս մեկ բաժանմունքով՝ Անոթային վիրաբուժության:Այն ղեկավարում է Մխիթար Հերացու անվան ԵՊԲՀ թիվ 3 վիրաբուժական ամբիոնի դասախոս, բ.գ.թ. Վարդան Ոսկանյանը...

«Իզմիրլյան» ԲԿ վիրաբուժական բաժնում կատարվել է յուրօրինակ վիրահատություն՝ Տիգրան Դուրգարյանի մասնակցությամբ. izmirlianmedicalcenter.com
«Իզմիրլյան» ԲԿ վիրաբուժական բաժնում կատարվել է յուրօրինակ վիրահատություն՝ Տիգրան Դուրգարյանի մասնակցությամբ. izmirlianmedicalcenter.com

Պացիենտը` Մ. Ս., 64 տարեկան, ընդունվել է կլինիկա` լեղաքարային հիվանդություն նախնական ախտորոշմամբ: Պացիենտը գանգատվել է աջ թուլակողում անհանգստացնող հաճախակի ցավերից...

«Էրեբունի» բժշկական կենտրոնի բժիշկներին հաջողվեց վերականգնել պացիենտի՝ էլեկտրական սղոցով կտրած ձեռքը
«Էրեբունի» բժշկական կենտրոնի բժիշկներին հաջողվեց  վերականգնել  պացիենտի՝ էլեկտրական սղոցով կտրած ձեռքը

Փայտ կտրելիս 74-ամյա Եսլով Գևորգյանը էլեկտրական սղոցով կտրել էր նաև ձեռքը: Երբ նրան տեղափոխեցին «Էրեբունի» բժշկական կենտրոն՝ նրա խնդրանքն էր բժիշկներին. կամ թողնել արյունահոսի, կամ՝ առանց ձեռքի չթողնել...

Բժշկական կազմակերպություններ և կենտրոններ Բժիշկներ
Ողնաշարի բարդ վիրահատություն «Էրեբունի» բժշկական կենտրոնում
Ողնաշարի բարդ վիրահատություն «Էրեբունի» բժշկական կենտրոնում

Բեխտերևի հիվանդությունը հիմնականում ողնաշարն ախտահարող աուտոիմուն-բորբոքային հիվանդություն է: Աստիճանաբար զարգանալով՝ տարների ընթացքում այն հանգեցնում է ողնաշարի պարանոցային և գոտկային հատվածներում...

Բժշկական կազմակերպություններ և կենտրոններ Բժիշկներ
«Էրեբունի» բժշկական կենտրոնում հերթական բացառիկ վիրահատությունն է անցկացվել՝ արգանդային զարկերակների էմբոլիզացիա
«Էրեբունի» բժշկական կենտրոնում հերթական բացառիկ վիրահատությունն է անցկացվել՝ արգանդային զարկերակների էմբոլիզացիա

2014 թ. սեպտեմբերի15-ին «Էրեբունի» բժշկական կենտրոնում հերթական բացառիկ վիրահատությունն է անցկացվել՝ արգանդային զարկերակների էմբոլիզացիա՝ արգանդի միոմայի պատճառով: Այս էնդովասկուլյար միջամտությունը միոմայի...

Բժշկական կազմակերպություններ և կենտրոններ Բժիշկներ
Հայաստանում առաջին անգամ բրախիոցեֆալ ցողունի պրոթեզավորման եզակի վիրահատություն է իրականացվել գլխուղեղային արյան շրջանառության անբավարարությամբ տառապող պացիենտի մոտ
Հայաստանում առաջին անգամ բրախիոցեֆալ ցողունի պրոթեզավորման եզակի վիրահատություն է իրականացվել գլխուղեղային արյան շրջանառության անբավարարությամբ տառապող պացիենտի մոտ

16.09.14 թ. առաջին անգամ Հայաստանում՝ «Էրեբունի» բժշկական կենտրոնում, կատարվել է բրախիցեֆալ ցողունի պրոթեզավորման վիրահատություն: Այն իրականացրել է Պարանոցային անոթների և սրտի վիրաբուժության ծառայության ղեկավար...

Բժշկական կազմակերպություններ և կենտրոններ Բժիշկներ
Ամորձիների երկկողմանի Լեյդիգոմա (կլինիկական դեպք)

Բանալի բառեր. ամորձու նորագոյացություն, Լեյդիգոմա, ամորձու ինտերստիցիալ բջիջների ուռուցք

Հայտնաբերվել է 193 հրատարակում (Medline) մեծահասակների շրջանում Լեյդիգոմայի 480 դեպքի վերաբերյալ, այդ թվում 3 աշխատանք՝ ընդհանուր առմամբ 90 հիվանդի վրա կատարված հետազոտությունների վերաբերյալ [1-6]...

Ուրոլոգիա Մեդիցինսկիյ Վեստնիկ Էրեբունի 3.2012 (51)
Շագանակագեղձի նեյրոէնդոկրին կարցինոմա (կլինիկական դեպք)

Բանալի բառեր. շագանակագեղձ, կարցինոմա, նեյորէնդոկրին

Վերջին երկու տասնամյակում շագանակագեղձի քաղցկեղը դարձել է լուրջ բժշկական և սոցիալական խնդիր: Արևմտյան Եվրոպայում և ԱՄՆ-ում շագանակագեղձի քաղցկեղը զբաղեցնում է տղամարդկանց մոտ բոլոր չարորակ նորագոյացությունների շարքում 2- րդ տեղը` իր տեղը զիջելով թոքերի քաղցկեղին...

Ուռուցքաբանություն Ուրոլոգիա Մեդիցինսկիյ Վեստնիկ Էրեբունի 3.2012 (51)
Շեքի շրջանի արտաօրգանային սարկոմա (կլինիկական դեպքի նկարագրություն)

Հիվանդ Ա.Վ., տղամարդ, 43տ, Ուռուցքաբանության ազգային կենտրոնի ուրոլոգիայի բաժանմունք էր ընդունվել` գանգատվելով շեքի շրջանի ուռուցքային գոյացության առկայությունից, ցավերից և դժվարամիզությունից: Հիվանդության...

Ուռուցքաբանություն Ուրոլոգիա Գիտական բժշկության հանդես ԱԱԻ 2.2011
Սուր պերիպրոստատիկ հեմատոման որպես շագանակագեղձի տրանսռեկտալ բիոպսիայի հազվադեպ հանդիպող բարդություն (կլինիկական 2 դեպքի նկարագրություն)

Սոնոգրաֆիկ հսկողության տակ իրականացվող շագանակագեղձի տրանսռեկտալ բիոպսիան ներկայում հանդիսանում է շագանակագեղձի քաղցկեղի ախտորոշման և վաղ հայտնաբերման «ոսկե ստանդարտ»...

Ուրոլոգիա Վիրաբուժություն Գիտական բժշկության հանդես ԱԱԻ 2.2011

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ