ԼՈՒՐԵՐ: Թվեր և փաստեր Հայաստանից
Կլինիկական դեպք. ներվիրահատական ՀՏ հետազոտության իրականացում ներուղեղային ինֆիլտրատիվ աճող ուռուցքի հեռացման ժամանակ. armeniamedicalcenter.am
Հիվանդ Ն., ընդունվել է ՙԱրմենիա՚ ՀԲԿ նյարդավիրաբուժական բաժանմունք 01.11.2017թ.: Ընդունվելիս գանգատվում էր գլխացավից, գլխապտույտից, ընդհանուր թուլությունից, աջ վերջույթներում թուլության եւ թմրածության զգացումից: Նշում էր, որ Ռուսաստանի Դաշնության Պենզա քաղաքում, որտեղ իրենք բնակվում են, տանն ունեցել է գիտակցության կորստի եւ վերջույթներում ցնցումային նոպա:
Շտապ օգնության մեքենայով հիվանդին տեղափոխել են քաղաքային հիվանդանոց, որտեղ կապված շնչառական խանգարումների հետ կատարվել է շնչուղիների ինտուբացիա, համապատասխան օգնություն, որից հետո հիվանդի վիճակն աստիճանաբար կարգավորվել է: Կատարել են գլխուղեղի ՄՌՏ (մագնիսառեզոնանսային տոմոգրաֆիա), հայտանբերել են ձախ քունքագաթային շրջանի ներուղեղային նորագոյացություն: Տեղում հիվանդին վիրահատելու առաջարկություն չի կատարվել, խորհուրդ են տվել դիմել Մոսկվայի ակադ. Ն.Ն. Բուրդենկոյի անվան նյարդավիրաբուժական ինստիտուտ` հետագա բուժման համար: Հիվանդի հարազատների ցանկությամբ նա տեղափոխվել է Երեւան՝ ՙԱրմենիա՚ ՀԲԿ նյարդավիրաբուժական բաժանմունք:
Ընդունվելիս հիվանդի ընդհանուր վիճակը եղել է միջին ծանրության, գիտակցությունը պահպանված, կողմնորոշումը ճիշտ, սակայն հիվանդը կոնտակտի մեջ էր մտնում անտրամադիր, ուշացումով կատարում հանձնարարությունները: Նշում էր գլխացավ, ժամանակ առ ժամանակ` սաստկացող: Գլխացավն ուղեկցվում էր սրտխառնոցով: Մենինգալ ախտանիշները արտահայտված էին մեղմ, բբերը` հավասարաչափ, լուսային ռեակցիան` թուլացած, կորնեալ ռեֆլեքսներն` ընկճված, երկու կողմից նկատվում էր զատիչ նյարդի պարեզ, աջից հարթված էր քիթ-շրթունքային ծալքը, կլման ակտը պահպանված էր, ըմպանային ռեֆլեքսները` քիչ ընկճված, լեզուն հանում էր միջին գծով: Շարժումների ծավաը վերջույթներում ամբողջական ծավալով էին, սակայն նկատվում էր աջ վերջույթներում ուժի իջեցում, ջլային ռեֆլեքսներն աջից առավել ակտիվ էին: Աջից դրական էր Բաբինսկու ոտնաթաթային ախտաբանական ախտանիշը: Առկա էր ցավային հեմիհիպեսթեզիա` աջից, աստերեոգնոզ` աջից:
Կատարվել են արյան կլինիկական եւ բիոքիմիական հետազոտություններ՝ նորմայից շեղումներ չեն հայտնաբերվել: Ակնահատակի հետազոտության ժամանակ՝ կանգային պտկիկներ, աջակողմյան հեմիանօպսիա Կրծքավանդակի օրգանների ռենտգեն հետազոտությունը փոփոխոթյուններ չի հայտնաբերել: Ուլտրաձայնային հետազոտությունը ներքին օրգանների կողմից տեսանելի ախտաբանական շեղումներ չի հայտնաբերել: Ներկայացված ՄՌՏ հետազոտության տվյալներով հիվանդի մոտ առկա է գլխուղեղի ձախ քունքագագաթային շրջանի մեծ չափերի հասնող ներուղեղային ինֆիլտրատիվ աճող նորագոյացություն:
06.10.2017թ. կատարվել է վիրահատություն. ոսկրապլաստիկ կրանիոտոմիա` ձախ հետնագագաթային- քունքային շրջանում նույն տեղակայման ներուղաղյին ինֆիլտրատիվ աճող ուռուցքի տոտալ հեռացումով
Վիրահատությունն իրականացվել է Դ.Ա. Պատրիկյանի կողմից, օգնական` Նահապետյան Կ.Մ., վիրաբուժական քույր` Թադեւոսյան Կ.Վ., անեսթեզիոլոգ` Զատիկյան Վ.Ս., անեսթեզիստ` Բաբայան Ա.Ս.:
Հետվիրահատական ախտորոշվել է գլխուղեղի ձախ հետնագագաթային-քունքային շրջանի ներուղեղային ինֆիլտրատիվ աճող ուռուցք:
Հիվանդի աջ կողքի վրա պառկած դիրքում կատարվել է մաշկի պայտաձեւ կտրվածք ձախ հետնագագաթային- քունքային շրջանում եւ առաջացած մաշկ-ապոնեւրոզային լաթը շրջվել է դեպի ականջախեցին: Նմանատիպ կտրվածքով հատված է ջլոնը, վերնոսկրը, եւ այդ փափուկհյուսվածքային լաթը նույնպես շրջված է նույն ուղղությամբ: Գանգաթաղի մերկացված տեղամասի վրա դրված են թվով հինգ տրեֆինացիոն անցքեր, եւ դրանք միմյանց պնեւմոտրեպանով միացնելուց հետո առաջացած ոսկրային լաթը ժամանակավոր հեռացվել է: Կարծրենին լարված էր, պուլսացիան բացակայում էր, ուներ սովորական գունավորում: Կատարվեց կարծրենու պայտաձեւ կտրվածք հիմքով դեպի քունքային շրջանը: Նկատվում էր ուղեղի արտափքում դեպի կարծրենու բացվածքը:
Համեմատաբար անոթազուրկ տարածքում կատարվեցլ է օվալաձեւ էնցեֆալոտոմիա, տեղադրվել նյարդավիրաբուժական ռետրակտոր (Յազարգիլի) եւ աստիճանաբար խորանալով մոտավորապես 2սմ խորության վրա հայտնաբերվել է ուռուցքային գոյացությունը: Այն ուներ թույլ գորշավուն գունավորում, փափուկ, լորձանման կառուցվածք, հեշտությամբ արտածծվում էր էլեկտրաասպիրատորի միջոցով: Ուռուցքը հստակ սահմաններ ուղեղային հյուսվածքի հետ չուներ, սակայն հստակ նկատվում էր պերիֆոկալ զոնան:
Սկզբնական շրջանում ուռուցքը որքան հնարավոր էր հեռացվել է կենտրոնական մասից, իսկ այնուհետեւ նաեւ` պերիֆոկալ զոնայով:
Դեպի առաջ ուռուցքն ընդհուպ մոտենում էր ձախ կողմնային փորոքի հետին եղջյուրին: Այստեղ այն նույնիսկ ներաճում էր փորոքի մեջ: Ուռուցքը համեմատաբար թույլ էր անոթավորված: Ուռուցքը հեռացվեց տեսանելի ամբողջական, առաջացավ նիշա: Նիշան լվացվեց գոլ ֆիզիալոգիական լուծույթով մինչեւ պարզ լվացման ջրերի ստանալը: Ուռուցքի հեռացման ամբողջականության մեջ համոզվելու համար կատարվել է ներվիրահատական ՀՏ հետազոտություն: Այդ նպատակով վիրահատական վերքը փակվել է՝ մաշկային լաթը դնելով իր տեղը, կարելով մի քանի հանգուցակարերով: Այնուհետեւ հիվանդը բուժանձնակազմի հսկողությամբ տեղափոխվեց ՀՏ հետազոտության կաբինետ: Իրականացված ՀՏ հետազոտությունը, որն իրականացվեց նաեւ կոնտրաստավորումով, մնացորդային ուռուցքային հյուսվածք չի հայտնաբերել: Հիվանդի տեղափոխման ժամանակ վիճակի փոփոխություն չի նկատվել: Վիրահատությունը շարունակվել է, հեռացված ուռուցքի նիշան կրկին լվացվել է գոլ ֆիզիոլոգիական լուծույթով, վերջնական հեմոստազ` հիվանդի ԶԱՃ-ը 100/70 մմ սնդիկի սյան պայմաններում: Կարծրենու լաթը դրվել է իր տեղը՝ կարվել առանձին հանգուցակարերով: Էպիդուրալ դրվել է տրանսֆիկսացիոն կարեր: Ոսկրային լաթը դրվել է իր տեղը՝ ամրացվել երեք ոսկրային կարերով՝ թողնելով ռետինե արտազատիչ էպիդուրալ տարածությունում: Դրվել են կարեր փափուկ հյուսվածքներին, մաշկին՝ թողնելով ռետինե արտազատիչ ենթաապոնեւրոզային տարածությունում: Դրվել է ասեպտիկ վիրակապ:
ՀՏ հետազոտություն` կոնտրաստավորումով, վիրահատության ընթացքում
Հիվանդը տեղափոխվել է ինտենսիվ հսկողություն հիվանդասենյակ: Հետվիրահատական շրջանում հիվանդի մոտ առաջացել են շնչափողի ստենոզի կլինիկական նշաններ՝ ստրիդոր համախտանիշ՝ արտահայտվելով հեւոցով, նոպայաձեւ հազով, ցիանոզով, աղմկոտ, սուլող շնչառությամբ: Կրծքավանդակի օրգանների ռենտգենաբանակ փոփոխություններ չեն հայտնաբերվել: Անամնեզից պարզվել է, որ մոտավորապես հինգ տարի առաջ որդանման ելունի հեռացման կապակցությամբ վիրահատության ժամանակ հիվանդի մոտ եղել է շնչափողի դժվար ինտուբացիա: Պենզա քաղաքում նույնպես շնչափողի ինտուբացիան ընթացել է մեծ դժվարությունով:
Հավանաբար, ներկա վիրահատությանից հետո նկատվել է շնչափողի որոշակի հատվածի նեղացման ավելացում` այտուցի, բորբոքային գործընթացի պատճառով: Թոքային վիրաբույժների կողմից առաջարկված բուժավորումից հիվանդի հարազատները հրաժարվել են: Ընթացքում, հերթական հազի նոպայի ժամանակ նկատվել է վերքային կեղեւի արտանետում շնչափողից, որից հետո հիվանդի մոտ նշված կլինիկական նշանները հետ են զարգացել: Հիվանդը դուրս է գրվել լավացումով, առանց նյարդաբանական թերույթի:
Ներկայում հիվանդը ստանում է ճառագայթային բուժում:
Դեպքի առանձնահատկությունը նրանում է, որ վիրահատության ընթացքում կիրառվել է ներվիրահատական ՀՏ հետազոտություն` ուռուցքի հեռացման ամբողջականության մեջ համոզվելու համար: Հետազոտւթյունը հնարավոր եղավ իրականացնել նաեւ լավ ապահովված, վստահելի անեսթեզիոլոգիական ծառայության շնորհիվ: Այն իրականացված է առաջին անգամ: Խորհուրդ է տրվում նման միջոցառում իրականացնել ավելի հաճախ, իսկ ավելի նպատակահարմար է վիրասրահին կից ունենալ ՀՏ հետազոտություն իրականցնելու հնարավորություն: Մեթոդը շատ արդյունավետ էր ադեկվատ վիրահատական միջամտության իրականացնելու իմաստով: Կարծում ենք այն արդյունավետ կլինի նաեւ այլ վիրաբուժական հիվանդությունների բուժման ժամանակ:
ՙԱրմենիա՚ ՀԲԿ-ի նյարդավիրաբուժական բաժանմունք, բաժանմունքի վարիչ Դ.Ա.Պատրիկյան
Պատրիկայան Դ.Ա., Նահապետայան Կ.Մ.
Կարդացեք նաև
Երևանի 7 վարչական շրջանում մեկնարկել է «Ավագ սերնդի շրջանում ֆիզիկական ակտիվության խթանման» հանրային արշավը...
Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում...
«Էրեբունին» հանրապետությունում որպես խոշոր, բազմապրոֆիլ և առաջատար բժշկական կենտրոն մշտապես արդիականացվում է, վերազինվում գերժամանակակից սարքավորումներով...
«Էրեբունի» բժշկական կենտրոնի վերակենդանացման բաժանմունք էր ընդունվել ծայրահեղ ծանր վիճակում, կրիտիկական ցուցանիշներով՝ գրեթե անգիտակից, բարձր ջերմությամբ...
Նա եկել էր Հայաստանի ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում...
Ուրախ ենք տեղեկացնել, որ «Նաիրի» ԲԿ-ի նյարդաբանության և նյարդավիրաբուժության բաժանմունքի ղեկավար Արման Պարգևի Հակոբյանը` որպես խոսնակ...
Մոր և մանկան առողջության պահպանման ԳՀԿ էր դիմել 29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր իր համար վստահելի...
Օրերս Մոր և մանկան առողջության պահպանման գիտահետազոտական կենտրոնում մեկնարկել է վերապատրաստման ծրագիր՝ միջին բուժաշխատողների համար...
Մարտի 14-ին Մոր և մանկան առողջության պահպանման գիտահետազոտական կենտրոնում դասախոսությամբ հանդես եկավ...
«Նաիրի» բժշկական կենտրոնը համալրվել է վերջին սերնդի, գերհզոր ևս մեկ սարքավորումով, որը դեռևս միակն է Հայատսանում: Siemens Healthineers ընկերության...
Հոգեկան առողջության խնդիրներ ունեցող անձանց ծառայություններ մատուցող բժշկական կենտրոնների շենքային պայմանները շարունակում են բարելավվել...
Մարտի 5-ին Մոր և մանկան առողջության պահպանման ԳՀԿ-ում (ՄՄԱՊԳՀԿ) տեղի ունեցավ «Սուր փուլի պատասխան» թեմայով դասախոսությունը...
«Նաիրի» բժշկական կենտրոնի գլխավոր տնօրեն Նարինե Մամիկոնյանը և փոխտնօրեն, էնդոկրինոլոգ Նոնա Մարտիրոսյանը Ֆլորենցիայում մասնակցել են...
Համալսարանական մասնագետները մեթոդաբանական և գործնական օգնություն են ցուցաբերում մարզային հիվանդանոցներին...
Փետրվարի 27-ին Մոր և մանկան առողջության պահպանման գիտահետազոտական կենտրոնում (ՄՄԱՊԳՀԿ) կազմակերպվել էր դասախոսություն՝ «Օնկոգենեզի ժամանակակից տեսությունները» թեմայով...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն