Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահության լրատու 18-19.2012

Կրճատել մայրական և նորածնային հիվանդացությունն ու մահացությունը

Առողջության առաջնային պահպանման օղակի և ուղեգրումների համակարգի բարելավման միջոցով մայրական և նորածնային հիվանդացության ու մահացության կրճատումը Հայաստանում նոր թափ է ստացել և արձանագրված դրական արդյունքներն ակնհայտ են:

 

Այս առնչությամբ հանրապետության Առողջապահության նախարարության և ԱՀԿ-ի Եվրոպական տարածաշրջանային գրասենյակի նախաձեռնությամբ, Հայաստանում Ամերիկյան համալսարանի բիզնես-կենտրոնի հանդիսասրահում կազմակերպվել էր մամլո ասուլիս և աշխատաժողով, որին մասնակցում էին առողջապահության բնագավառի փորձագետներ ԱՊՀ երկրներից, փորձագետ-խորհրդականներ  Եվրամիության մի քանի երկրներից, Աժ պատգամավորներ, ԶԼՄ-ների ներկայացուցիչներ:

 

Բացելով աշխատաժողովը, ԱՀԿ-ի հայաստանյան գրասենյակի ղեկավարի ժամանակավոր պաշտոնակատար Տատյանա Կոլպակովան, ողջունելով մասնակիցներին, ՄԱԿ-ի ՅՈՒՆԻՍԵՖ-ի գործընկերներին, փորձագետներին, գտավ, որ նմանատիպ միջոցառումը ճիշտ ժամանակին է, քանի որ Հայաստանն էլ այն 75 ամենապրեատիտ երկրներից մեկն է, որին ԱՀԿ-ն մշտապես պահում է ուշադրության կենտրոնում:

 

Նա նշեց, որ եվրոպական տարածաշրջանի 53 երկիր արձանագրել է մայրական մահացության կրճատման զգալի առաջընթաց. միջին ցուցանիշը 2010 թ. կազմել է 20` 100 հազար կենդանածնի հաշվով, այն դեպքում, երբ այս ցուցանիշը Հայաստանում 10-ով ավելի է, չնայած պետք է փաստել, որ նեոնատալ մահացության հիմնական պատճառներն են վաղաժամ ծնունդները, նորածնի ցածր քաշը, բնածին արատները, ծննդյան վնասվածքները և նեոնատալ վարակները:

 

Տատյանա Կոլպակովան համոզմունք հայտնեց, որ մայրական և նորածնային հիվանդացության ու մահացության կրճատման գրավականն առողջության առաջնային պահպանման ծառայությունների բարձր որակն է:

 

ՀՀ առողջապահության փոխնախարար Սերգեյ Խաչատրյանը նախարարի և գերատեսչության անունից ողջունեց և շոնրհակալություն հայտնեց ժամանած միջազգային փորձագետներին, խորհրդատուներին Հայաստանում անցկացրած անաչառ հետազոտությունների առիթով և կարևորեց հրապարակվելիք արդյունքները ճշգրտորեն ներկայացնելու անհրաժեշտությունը, արդյունքներ, որ բնագավառի հետագա աշխատանքների և ծրագրերի իրականացման յուրօրինակ խթանիչներ կարող են դառնալ, հնարավորություն կընձեռեն ճշգրտելու մեր հետագա անելիքները, միաժամանակ, նա շնորհակալություն հայտնեց ԱՀԿ-ին` ցուցաբերած ուշադրության համար:

 

ԱՀԿ-ի եվրոպական տարածաշրջանային գրասենյակի ղեկավար Գունտա Լազդանեն ներկայացրեց մայրական և նորածնային առողջության պահպանման իրավիճակը ԱՀԿ եվրոպական տարածաշրջանում` ավելորդ չհամարելով վկայակոչելու Հազարամյակի զարգացման նպատակները.«2015 թվականին 1990 թվականի համեմատ երեք քառորդով կրճատել մայրական մահացության մակարդակը»:

 

«Առանց մոր առողջության  բարելավման, անհնար է խոսել նորածնի կատարյալ առողջության մասին»,- համոզմունք հայտնեց բանախոսը:

 

Հայաստանում առողջապահական համակարգի բարեփոխումների և մայրական ու նորածնային առողջության պահպանման ծառայությունների որակի բարելավման հիմնախնդիրներին  անդրադարձավ ՀՀ ԱՆ մոր և մանկան առողջության պահպանման վարչության պետ Կարինե Սարիբեկյանը: Նա ներկայացրեց 1987-2012թթ. մանկական մահացության միտումները, նույն ժամանակահատվածի մայրական մահացության ցուցանիշները, մոր և մանկան առողջության պահպանման պետական նպատակային ծրագիրը, բարեփոխումների իրականացման ռազմավարությունը, միջազգային համագործակցությամբ իրականացվող ազգային ծրագրերը 1993-2007թթ., մանկական մահացության պատճառական և տարիքային կառուցվածքը, հազարամյակի զարգացման ազգային նպատակները, մանկական հիվանդանոցային ծառայությունների ֆինանսական մատչելիության բարելավման հիմնահարցերը, ծննդօգնության պետական հավաստագրի համակարգի ներդրման հանրային իրազեկման ծրագիրը:

 

Նա մասնավորապես փաստեց, որ անցած տասը տարիների ընթացքում, հանաձայն հետազոտության արդյունքների, նորածնային մահացության ցուցանիշները հազար կենդանածնի հաշվով 2006-2010 թվականների ընթացքում 24-ից նվազել է 13 մահվան ցուցանիշի: Նմանատիպ  անկում  նկատվում է մինչև հինգ տարեկան երեխաների շրջանում (1000 կենդանածնի հաշվարկով 27-ից` 16 մահ):

 

Զեկուցման վերջում բանախոսը խոսեց հետագա քաղաքականության առանձնահատկությունների շուրջը` ընդգծելով, որ բնակչության համար մոր և մանկան առողջության պահպանման ծառայությունների մատչելիության ապահովման հարցն առաջիկայում կշարունակի մնալ Առողջապահության նախարարության գերակայությունների շարքում:

 

Նախարարությունը կձեռնարկի միջոցառումներ մոր և մանկան ոլորտում նպատակային ծրագրերի շրջանակներում ձեռք բերված հաջողությունների պահպանման և հետագա զարգացումների ապահովման ուղղությամբ:

 

Ռեսուրսների հավաքագրման ներկայիս դժվարությունների պայմաններում Առողջապահության նախարարությունն այս ոլորտում հատուկ կարևորում է արդյունավետ միջգերատեսչական և արդյունավետ միջազգային համագործակցությունը:

 

Աշխատաժողովի ընթացքում Գունտա Լազդանեն ներկայացրեց ՌԴ կառավարության կողմից օժանդակվող «Առողջության առաջնային պահպանման օղակի և ուղեգրումների համակարգի բարելավման արդյունքում մայրական և նորածնային հիվանդացության և մահացության կրճատում Արևելյան Եվրոպայի երկրներում» ծրագիրը, ԱՀԿ ազգային փորձագետ և խորհրդատու Օլեգ Շվաբսկին` որակի բարելավման միջոցով մայրական առողջության պահպանման բարելավման հիմնական արդյունքները:

 

Կազմակերպվեց լիագումար քննարկում «ՄԱԿ-ի գործակալությունների և այլ միջազգային գործընկերների օգնությունը Հայաստանում հղիներին, մայրերին և երեխաներին ցուցաբերվող բուժօգնության և սպասարկման բարելավման գործում» լիագումար քննարկումը:

 

Ըստ էության, լրագրողների հարցերին պատասխաններից շատերը պարունակում էին զեկուցումներ, իսկ մնացած հարցերին պատասխանեցին միջազգային փորձագետները, ՀՀ ԱՆ ոլորտի ներկայացուցիչները` բերելով վիճակագրական մի շարք տվյալներ, որոնք մեկ անգամ ևս ապացուցում են, որ ընդհանուր առմամբ, Հայաստանում նախածնային և ծննդյան բուժօգնության և սպասարկման մակարդակը բարձր է:

Հեղինակ. Սանդրո Ջուլհակյան
Սկզբնաղբյուր. Առողջապահության լրատու 18-19.2012
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Կենսառիթմերը` բուժմանն օգնական
Կենսառիթմերը` բուժմանն օգնական

Մարդու օրգանիզմի բոլոր օրգանները ենթարկվում են որոշակի կենսառիթմերի և դրանց առանձնահատկություններն իմանալիս կարելի է ազդել բուժման գործընթացի վրա և արագացնել ապաքինումը...

Թերապիա
Լիցենզավորման գործընթացի բարելավումը
Լիցենզավորման գործընթացի բարելավումը

ՀՀ առողջապահության նախարարին կից կոլեգիայի նիստում քննարկվեց լիցենզավորման գործընթացի բարելավման հարցը...

Հավաստագրերը կտեղայնացվեն

ՀՀ առողջապահության նախարար Դերենիկ Դումանյանի մոտ այսօր կայացած գործակարգավարական խորհրդակցության ժամանակ մարզպետարանների առողջապահության վարչությունների ու բաժինների պետերը ներկայացրեցին մարզային ենթակայության...

Սիբիրյան խոցի առումով իրավիճակը վերահսկելի է

Այսօրվա դրությամբ բակային համայցերի արդյունքում արձանագրվել է սիբիրյան խոցին բնորոշ ախտանշաններով կասկածելի ընդամենը 55 դեպք, որից 10-ը լաբորատոր հետազոտությունների արդյունքում հաստատվել է...

Ծննդատներում տեսակցություններն անվճար կդառնան

ՀՀ առողջապահության նախարար Դերենիկ Դումանյանի նոյեմբերի 27-ի թիվ 2731-Ա հրամանով դեկտեմբերի 1-ից ծննդօգնություն իրականացնող բժշկական կազմակերպություններում հաստատվել է վճարովի ոչ բժշկական ծառայությունների մատուցման...

Հրատապ թեմա Հայաստանում
Քարե «հյուրը». ինչու՞ է առաջանում միզաքարային հիվանդությունը
Քարե «հյուրը». ինչու՞ է առաջանում միզաքարային հիվանդությունը

Ինչու՞ է առաջանում միզաքարային հիվանդությունը: Ինչպես է այն դրսևորվում: Ինչպես այն բուժել և կանխարգելել...

Միզային համակարգ Թերապիա
ՁԻԱՀ-ն անհետացող վարա՞կ է դառնում

Մոտակա տարիներին հնարավոր է, որ ՁԻԱՀ-ը «XX և XXI դարերի անբուժելի ժանտախտի» խմբից վերջնականապես անցնի անհետացող վիրուսային ինֆեկցիաների շարքին: ՄԱԿ-ի փորձագետները նշում են, որ ՄԻԱՎ-հվանդացությունն ամբողջ աշխարհում շարունակում է նվազել...

Վարակաբանություն Վեներաբանություն
Խոլեսթերինի ավելցուկի վնասը

Ինչու է խոլեսթերինը այդքան վնասակար համարվում: Բանն այն է, որ անոթի պատերին հավաքված խոլեսթերինային կուտակները պատերը հաստացնում են, անոթի լուսանցքը նեղանում է, արյան մատակարարումը վատանում է...

Սրտանոթաբանություն Թերապիա
Բուժիչ դեկոլտե/լանջաբացվածք
Բուժիչ դեկոլտե/լանջաբացվածք

Գիտնականներն անցկացնելով հատուկ հետազոտություն պարզել են, որ կանացի բաց կրծքին նայելը երկարացնում է տղամարդկանց կյանքը: Ըստ գերմանացի գիտնականների հետազոտության տվյալների...

Առողջ կին
Ապրել հասարակությանն ինտեգրված, առողջ ապրելակերպով
Ապրել հասարակությանն ինտեգրված, առողջ ապրելակերպով

Հաշմանդամների և տարեցների հիմնահարցերը յուրաքանչյուր պետության համար մնում են առաջնային, որովհետև հաշմանդամ, անկախ այն բանից, հաշմանդամությունը բնածին է, թե ձեռքբերովի...

Հրատապ թեմա Հայաստանում
Քաղցկեղ հրահրում են հորմոնները

Էստրոգեն հորմոնը կարող է նպաստել թոքերի և կրծքագեղձի քաղցկեղի զարգացման, այդ թվում այս հիվանդությունների խորացման, եթե մարդը ծխում է...

Ուռուցքաբանություն Ներզատաբանություն Թերապիա
ՁԻԱՀ-ը յուրաքանչյուրի պնդիրն է
ՁԻԱՀ-ը յուրաքանչյուրի պնդիրն է

Մեր հարցերին պատասխանում է ՀՀ ԱՆ ՁԻԱՀ-ի կանխարգելման հանրապետական կենտրոնի տնօրեն, բ.գ.դ., պրոֆեսոր Սամվել Գրիգորյանը...

Մաշկաբանություն Հրատապ թեմա Հայաստանում Վեներաբանություն
ՄԻԱՎ/ԶԻԱՀ. թվեր և փաստեր

  • ԶԻԱՀ-ն առաջին անգամ ախտորոշվել է 1981 թվականին ԱՄՆ-ում և արդեն աշխարհում 60 միլիոն մարդ վարակվել է ՄԻԱՎ-ով: Ըստ ՄԱԿ-ի տվյալների, այսօր ամեն օր ՄԻԱՎ-ով վարակվում է 15-24 տարեկան մոտ 2400 երիտասարդ...

Թվեր և փաստեր Վարակաբանություն Վեներաբանություն
Կեսարյան հատման բացարձակ ցուցումներ
Կեսարյան հատման բացարձակ ցուցումներ

Շատ հաճախ այն կանանց մոտ, ում նշանակում են կեսարյան հատում, հարց է առաջանում. այդքան անհրաժե՞շտ է, արդյոք, այդ վիրահատությունը կամ հնարավո՞ր է բնական ճանապարհով ծննդաբերությունը...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ