Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ

Հոկտեմբերի 8-ին  Մարիոթ հյուրանոցում մեկնարկեց Օստեոպորոզի միջազգային 3-րդ սամմիթը, որը այս տարի թեմայի շուրջ համախմբել է ավելի քան 60 մասնագետների՝ թվով 25 երկրներից։

Սա թվով երրորդ միջազգային սամմիթն է, որի նախաձեռնությունը պատկանում է  Կոլումբիա համալսարանի պրոֆեսոր Ջոն Բիլեզիկյանին և Օստեոպորոզի հայկական ասոցիացիային։ Սամմիթին մասնակցելու համար  Երևանում են գտնվում աշխարհի տարբեր ծայրամասերից ժամանած առաջատար մասնագետներ: Այս մասին մեզ հետ զրույցում ասաց Օստեոպորոզի հայկական ասոցիացիայի ղեկավար Վարտա Բաբալյանը:

 

Օստեոպորոզի հայկական ասոցիացիայի ղեկավար Վարտա Բաբալյան 
«Դեռ 2016 թվականից Հայաստանը  դարձել է մի կենտրոն, որտեղ աշխարհի տարբեր ծայրամասերից ժամանած առաջատար մասնագետները քննարկում են ոլորտային հիմնահարցեր և կիսվում իրենց փորձով։ Այսօր մեր ուշադրության կենտրոնում է վիտամին D-ի պակասն` ամբողջ աշխարհում և, մասնավորապես, Հայաստանում, իսկ հոկտեմբերի 9-ին՝ Օստեոպորոզի ամենամյա 13-րդ սիմպոզիումի ընթացքում, աշխարհահռչակ մասնագետները հանդես են եկել ելույթներով և անդրադարձել օստեոպորոզին նպաստող պատճառներին, օստոեպորոզի կանխարգելաման ու բուժման առանձնահատկություններին, նորագույն մեթոդներին, ինչպես նաև խոսել են վիտամին D-ի կարևորության և վերջինիս պակասի պարագայում՝ հնարավոր հետևանքների մասին։

 

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ


Ցանկանում եմ հավելել նաև, որ Հայաստանը՝ վիտամին D-ի պակասի վերաբերյալ ամբողջական ցուցանիշ չուներ, սակայն մինչև տարեվերջ  կստանանք 1350 կնոջ շրջանում անցկացված հետազոտության պատասխանները և կունենանք ամբողջական ցուցանիշ։ Այս հետազոտության իրականացումը կրկին հնարավոր եղավ Ջոն Բիլեզիկյանի շնորհիվ»։

Օստեոպորոզի կենտրոնի հիմնադիր նախագահ և Կոլումբիա համալսարանի պրոֆեսոր Ջոն Բիլեզիկյանը մեզ հետ զրույցում խոսեց օստեոպորոզի ոլորտում տեղեկատվության փոխանակման կարևորության և դրանում ԶԼՄ-ների դերի մասին։

 

Օստեոպորոզի կենտրոնի հիմնադիր նախագահ և Կոլումբիա համալսարանի պրոֆեսոր Ջոն Բիլեզիկյան
«Բերելով ԱՄՆ-ի օրինակը, նշեմ, որ դեռևս 10 տարի առաջ պարզ դարձավ, որ բնակչությունը չի ստանում բավարար քանակությամբ վիտամին D և չի ընդունում վիտամին D-ի անհրաժեշտ չափաքանակ։ Ներկայում հասարակության մոտավորապես 65%-ն ընդունում Է վիտամին D-ի համար անհրաժեշտ միջոցներ։  Այս արդյունքը մեզ հաջողվել է գրանցել զանգվածային լրատվամիջոցների շնորհիվ՝ հեռուստատեսություն, ռադիո, առցանց մեդիա։ Նրանք մարդկանց իրազեկեցին, որ վիտամին D-ի անհրաժեշտ չափաբաժին չընդունելու դեպքում ոսկրերը կլինեն փխրուն, կզարգանա օստեոպորոզ։

Հարկ եմ համարում նշել, որ Հայաստանում օստեոպորոզի կենտրոնը` ղեկավար Վարտա Բաբալյանի ղեկավարությամբ, տեղի մասնագետների համար, մասնավորապես` մարզային բժիշկների, անցկացնում է իրազեկման դասնթացներ առողջ ապրելակերպի և այն մասին, թե ինչպես հիվանդներին սովորեցնել հոգ տանել սեփական ոսկրային համակարգի մասին: Սակայն դա բավարար չէ, լրատվամիջոցները նույնպես պետք է լայնորեն տարածեն և իրազեկեն հանրությանը, որպեսզի հստակ քայլերով գնանք այս խնդրի լուծման ճանապարհով»։

 

Այս տարի սամմիթին ներկա էր Օստեոպորոզի միջազգային հիմնադրամի գործադիր տնօրեն Ֆիլիպ Հալբութը և  ՕՄՀ գործադիր կոմիտեի ներկայացուցիչ Ռենե Ռիզոլին։ Հիմնադրամի գործունեության մասին խոսեցինք ՕՄՀ գործադիր կոմիտեի ներկայացուցիչ Ռենե Ռիզոլի հետ։

 

 Օստեոպորոզի միջազգային հիմնադրամի գործադիր տնօրեն Ֆիլիպ Հալբութը և  ՕՄՀ գործադիր կոմիտեի ներկայացուցիչ Ռենե Ռիզոլին


«Օստեոպորոզի միջազգային հիմնադրամը ստեղծվել է 1998 թվականին։ Արդեն երկու տասնամյակ գործող այս կառույցը կատարում է «անձրևանոցի» դեր, որն իր հովանու տակ է համախմբել ավելի քան 250 բժշկական կազմակերպությւններ և ասոցիացիաներ։ Ներկայում հիմնադրամի հիմնական առաքինությունն է` խթանել օստեոպորոզի կանխարգելմանն ուղղված հետազոտությունների իրականացմանը։

Անդրադառնալով Օստեոպորոզի ամենամյա 13-րդ սիմպոզիումին, նշեմ, որ սա լավ հնարավորությունն է ո՛չ միայն մասնագիտական կարողությունները հարստացնելու, այլ նաև նոր կապեր ձևավորելու համար»։

 

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ
Օստեոպորոզի միջազգային 3-րդ սամմիթի և Օստեոպորոզի ամենամյա 13-րդ սիմպոզիումի ընթացքում դասախոսությունները ներկայացրեցին հեղինակավոր մասնագետներ ԱՄՆ-ից, Ռուսաստանից, Բրազիլիայից, Լիբանանից և Հայաստանից։

Լիբանանից ժամանած պրոֆեսոր, էնդոկրինոլոգ Գադա Էլ Հաջ Ֆուլեյհան՝ անդրադառնալով թեմային, մեզ հետ զրույցում կիսվեց իր սեփական փորձով։


պրոֆեսոր, էնդոկրինոլոգ Գադա Էլ Հաջ Ֆուլեյհան՝

 


«Երբ ես Բոստոնից տեղափոխվեցի Բեյրութ նկատեցի, որ իմ օրգանիզմում վիտամին D-ն նվազում է։ Այս երևույթը տարօրինակ էր ինձ համար, չէ՞ որ Բեյրությում տարվա ընթացքում 300 օրն արևային է։ Ուսումնասիրության արդյունքում իմ թիմը պարզեց, որ խնդիրը նկատվում էր հիմնականում երեխաների, ծննդաբերած կանանց և տարեցների մոտ։

Մենք պարզեցինք, որ վիտամին D-ի դիֆիցիտի պատճառն այն է,  որ այնտեղ չկան շատ խաղահրապարկներ և երեխաները հիմնականում խաղում են փակ տարածություններում, Լիբանանում  չեն օգտագործում կաթ,  իսկ հագուստը միշտ ծածկում է ամբողջ մարմինը՝ թույլ չտալով արևային լույսից ստանալ վիտամին D-ի որոշ մաս։ 

 

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ

 

Մենք իրականացրեցինք իրազեկման ծրագրեր, որոնց դրական ազդեցությունը որոշ ժամանակ անց զգացինք. մարդիկ սկսել են լրացնել իրենց օրգանիզմում վիտամին D-ի պակասը՝ հավելումների կամ ճիշտ սննդի միջոցով։ Այսօր բնակչության մոտավորապես 50%-ն ունի վիտամին D-ի պակաս, բայց նախկինում այդ ցուցանիշը շատ  ավելի բարձր էր։ Ուզում եմ նշել, որ Հայաստանը ևս կարող է սկսել պայքարել այս խնդրի դեմ՝ մասսայական իրազեկման ակցիաների կազմակերպման շնորհիվ և վստահ եմ, որ այս սիմպոզիումի ընթացքում կմշակվեն լուծման նոր մեխանիզմներ ևս»։

 

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ

Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ Մեկնարկեց Օստեոպորոզի միջազգային 3-րդ սամմիթը. Հայաստան են ժամանել ոլորտի ավելի քան 60 առաջատար մասնագետներ

 

 

Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ