Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

...

Ալցհեյմերի հիվանդություն. 10 ամենատարածված մոլորությունները. izmirlianmedicalcenter.com

Ալցհեյմերի հիվանդություն. 10 ամենատարածված մոլորությունները. izmirlianmedicalcenter.com

Ալցհեյմերի հիվանդությունը ամենատարածված նեյրոդեգեներատիվ հիվանդություններից մեկն է , որի կապակցությամբ բազմաթիվ մոլորություններ կան: Այս հոդվածում  Դուք կիմանաք Ալցհեյմերի հիվանդության մասին 10 ամենատարածված միֆերի մասին:

Միֆ 1. Ալցհեյմերի հիվանդությունն առաջանում է միայն տարեց մարդկանց մոտ

Իսկապես, հիվանդների ճնշող մեծամասնությունը 65 տ-ից բարձր մարդիկ են:  Միևնույն ժամանակ Ալցհեյմերի հիվանդությունը հազվադեպ ախտորոշվում է 40-50 տարեկան մարդկանց մոտ: Այս տարիքում հիվանդությունը բավականին դժվար է ախտորոշել և վերջնական ախտորոշումը դրվում է մի քանի տարի հետո միայն:

Միֆ 2. Ալցհեյմերի հիվանդության ախտանիշները բնորոշ են բոլոր տարեցներին

Տարիքի հետ բոլորի մոտ վատանում է հիշողությունը, սակայն Ալցհեյմերի հիվանդության հետ կապված հիշողության խանգարումները լրիվ այլ են:
Հիվանդության վաղ շրջանում Ալցհեյմերի հիվանդությամբ մարդիկ կարող են մոռանալ վերջերս ստացած տեղեկատվությունը: Կարող են մոռանալ իրենց համար կարևոր ամսաթվերը, ինչպես նաև կարող են մշտապես նույն հարցերը տալ: Հիվանդության հարաճման դեպքում հիվանդներն ապակողմնորոշված են , իսկ ծանր դեպքերում նրանք չեն կարող ինքնուրույն սնվել և խոսել:

Միֆ 3. Ալցհեյմերի հիվանդությունը մահացու չէ

ԱՄՆ-ում Ալցհեյմերի հիվանդությունը 6-րդ տողն է գրավում մահացության կառուցվածքում: Հիվանդության ուշ շրջանում մարդիկ չեն կարողանում ադեկվատ արձագանքել շրջակա միջավայրի փոփոխություններին, և նրանց լիարժեք խնամք է անհրաժեշտ:  Բացի այդ, այս հիվանդությամբ մարդիկ ավելի խոցելի են վարակների նկատմամբ, օրինակ թոքաբորբի նկատմամբ:

Միֆ 4. Գոյություն ունի Ալցհեյմերի հիվանդության բուժման բազմաթիվ եղանակներ

Դա այդպես չէ; Ալցհեյմերի հիվանդությունը, ցավոք, հնարավոր չէ բուժել: Ավելին, այս հիվանդության ընթացքը հնարավոր չէ նույնիսկ դանադաղեցնել:

Ճիշտ է, վերջին 2 տարվա ընթացքում ԱՄՆ-ում հայտնվել են պրեպարատներ, որոնք (ինչպես նշում են արտադրողները) նպաստում են թեթևացնել Ալցհեյմերի հիվանդության ախտանիշները:

Միֆ 5. Շաքարի փոխարինիչները (մասնավորապես ասպարտամը) բերում են Ալցհեյմերի հիվանդության առաջացման:

Ներկայումս այդ փաստը հաստատող ոչ մի ապացույց չկա: Մարդու հիշողության վրա ասպարտամի ազդեցության վերաբերյալ բազմաթիվ ուսումնասիրություններ են իրականացվել, սակայն դեռևս որևէ բացասական ազդեցություն չի հայտնաբերվել:

Միֆ 6. Գրիպի պատվաստումները կարող են բերել Ալցհեյմերի հիվանդության առաջացման:

Մի ժամանակ այս թեման բժիշկների կողմից էր շրջանառվում, ովքեր ղեկավարվում էին բացարձակ մտացածին փաստերով: Իսկ իրականությունը լրիվ հակառակն է: Այսպես, բժիշկների դիտարկումների համաձայն, որոնք իրականացվել են 2001 թվականին Կանադայում, այն մարդիկ, ովքեր գրիպի և այլ վարակիչ հիվանդությունների կապակցությամբ պատվաստվել էին, Ալցհեյմերի հիվանդությամբ համեմատաբար քիչ էին տառապում:

Միֆ 7.Ալցհեյմերի հիվանդությունը հնարավոր է կանխարգելել

Ցավոք դա այդպես չէ: Եթե Դուք ունեք Ալցեյմերի հիվանդության վաղ զարգացման բերող գենետիկական մուտացիա, ապա հիվանդության սկիզբը կանխարգելել գրեթե անհնար է: Միևնույն ժամանակ առողջ կենսակերպը և հավասարակշռված սնուցումը կնպաստեն ուղեղի գործունեության բարելավմանը:

Միֆ 8. Եթե ծնողներիս մոտ առկա էր Ալցհեյմերի հիվանդություն, ապա այն կլինի նաև ինձ մոտ

Եթե Ձեր ծնողների մոտ ախտորոշվել է այս հիվանդությունը, ապա իսկապես Ձեզ մոտ առկա է հիվանդության զարգացման բարձր ռիսկ: Սակայն դա չի նշանակում, որ Դուք անպայման կհիվանդանաք: Դա պայմանավորված է նրանով, թե Դուք ժառանգել եք արդյոք հիվանդության զարգացման հետ կապված գեները: Այդ հավանականությունը կազմում է մոտավորապես  20-25%:
 
Միֆ 9. Գանգուղեղային վնասվածքները բերում են Ալցհեյմերի հիվանդության զարգացման

Գոյություն ունեն հետազոտություններ, որոնք ցույց են տալիս, որ չափավոր և ծանր գանգուղեղային վնասվածքները մեծացնում են թուլամտության որոշ տեսակների զարգացման ռիսկը: Սակայն Ալցհեյմերի հիվանդության հետ դա որևէ կապ չունի:

Միֆ 10.Ալցհեյմերի հիվանդությամբ տառապող մարդիկ չեն կարող ակտիվ կյանք վարել

Այս պնդումը մասամբ է միայն ճիշտ: Իսկապես, հիվանդության վերջին շրջանում Ալցհեյմերի հիվանդությամբ տառապող մարդիկ կարող են լիովին կախված լինել շրջապատից: Սակայն սկզբնական շրջանում մարդիկ կարող են սովորական կյանք վարել և նույնիսկ աշխատել:

Սկզբնաղբյուր. izmirlianmedicalcenter.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ