Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Վեներաբանություն

ՄԻԱՎ/ՁԻԱՀ-ը և պայքարը նրա դեմ

ՄԻԱՎ/ՁԻԱՀ-ը և պայքարը նրա դեմ

Հարցազրույց ՁԻԱՀ-ի կանխարգելման հանրապետական կենտրոնի տնօրեն, բժշկ. գիտ. դոկտոր, պրոֆեսոր Սամվել Գրիգորյանի հետ:

 

- Ի՞նչը նպաստեց ողջ աշխարհում ՄԻԱՎ/ՁԻԱՀ-ի սրընթաց տարածմանը:


- Վերջին տասնամյակներում լայն տարածում ստացած զբոսաշրջությունը, բնակչության ակտիվ տեղաշարժերը մի երկրից մյուսը, նաև վարակի փոխանցման ուղիների և պաշտպանման միջոցների մասին բնակչության լայն զանգվածների անտեղյակությունը և մի շարք այլ գործոններ նպաստեցին ՄԻԱՎ վարակի արագ տարածմանը: Համաճարակի զարգացման սկզբնական շրջանում լայնածավալ և համակարգված կանխարգելիչ միջոցառումների բացակայությունը նպաստեց, որ վարակը ՄԻԱՎ-ի նկատմամբ առավել խոցելի խմբերից (մարմնավաճառներ, հոմոսեքսուալ տղամարդիկ, թմրամիջոցների ներարկային օգտագործողներ) թափանցի բնակչության լայն շերտեր և վերաճի համաճարակի:

 

Այն, որ տասնյակ միլիոնավոր մարդիկ չգիտեն` ինչպես պաշտպանվել ՄԻԱՎ/ՁԻԱՀ-ից, ցավալի իրողություն է: Սակայն առավել անհանգստացնող է այն, որ ՄԻԱՎ-ով վարակված մարդկանց մոտ 90%-ը չգիտի իր վարակված լինելու մասին և նպաստում է վարակի տարածմանը:

 

- Իսկ ինչո՞վ է դա պայմանավորված:


- Դա պայմանավորված է ՄԻԱՎ վարակի կլինիկա-համաճարակաբանական առանձնահատկություններով: ՄԻԱՎ վարակը երկարատև ընթացքով քրոնիկ վարակային հիվանդություն է, որի հարուցիչը մարդու իմունային անբավարարության վիրուսն է` ՄԻԱՎ(ԹԼճ)-ը: Ներթափանցելով մարդու օրգանիզմ` ՄԻԱՎ-ն ախտահարում է իմունային համակարգն այն աստիճան, որ օրգանիզմը կորցնում է զանազան վարակների, այդ թվում մի շարք չարորակ ուռուցքների դեմ պայքարելու ունակությունը և զարգանում են, այսպես կոչված, օպորտունիստական հիվանդություններ: ՄԻԱՎ-ով վարակված մարդկանց մոտ այդ հիվանդություններն ի հայտ են գալիս հիմնականում վարակվելուց 7-15 տարի անց: Այդ հիվանդությունների զարգացումը վկայում է, որ ՄԻԱՎ վարակը թևակոխել է իր վերջնական` ձեռքբերովի իմունային անբավարարության համախտանիշի` ՁԻԱՀ (հկԼԺ)-ի փուլը: Մինչ այդ մարդը կարող է առողջական վիճակի հետ կապված որևէ գանգատ չունենալ, առողջ արտաքին ունենալ և անգամ չկասկածել իր վարակված լինելու մասին: Չիմանալով իր վարակվածության մասին և չկիրառելով անվտանգության միջոցներª ՄԻԱՎ-ով վարակված մարդը վարակման պահից ի վեր կարող է վարակը փոխանցել ուրիշներին:

 

- Իսկ ինչպե՞ս է փոխանցվում վարակը:


- ՄԻԱՎ-ը փոխանցվում է միայն օրգանիզմի որոշակի հեղուկների միջոցով: Այդ հեղուկներն են` արյունը, սերմնահեղուկը, հեշտոցային արտազատուկները, մայրական կաթը: Վարակումը տեղի է ունենում, երբ նշված կենսաբանական հեղուկները ՄԻԱՎ վարակով հիվանդի օրգանիզմից ներթափանցում են առողջ մարդու օրգանիզմ ` լորձաթաղանթների կամ վնասված մաշկի միջոցով: Դա նշանակում է, որ ՄԻԱՎ-ով կարելի է վարակվել առանց պահպանակի սեռական հարաբերությունների ժամանակ, արյան փոխներարկման հետևանքով, ներարկային ճանապարհով թմրամիջոցներ օգտագործելիս: Վարակված կանայք կարող են վիրուսը փոխանցել իրենց երեխաներին` հղիության ընթացքում, ծննդաբերության ժամանակ և կրծքով կերակրելիս: Չախտազերծված գործիքներով դաջվածքներ կատարելը, մարմնի տարբեր մասերի դակումը, ուրիշի անձնական հիգիենայի պարագաների (ածելի, ատամի խոզանակ) օգտագործումը ևս ՄԻԱՎ-ով վարակվելու որոշակի վտանգ են պարունակում:

 

- Հնարավո՞ր է վարակվել ՄԻԱՎով կենցաղային շփումների ժամանակ:


- ՄԻԱՎ-ը չի փոխանցվում առօրյա, կենցաղային շփումների ժամանակ, ուստի առանց ավելորդ վախի կարելի է սեղմել ՄԻԱՎ/ՁԻԱՀ-ով հիվանդի ձեռքը, գրկախառնվել նրա հետ, աշխատել կամ սովորել նրա հետ, նրա հետ համատեղ օգտվել նույն կենցաղային իրերից (սպասք, հեռախոս, համակարգիչ և այլն): ՄԻԱՎ-ը չի փոխանցվում նաև հազի, փռշտոցի, մոծակի խայթոցի միջոցով:

 

- Ինչպե՞ս կարող է մարդն իմանալ, որ վարակվել է ՄԻԱՎ-ով:


- Օրգանիզմում ՄԻԱՎ-ի առկայությունը կարելի է հաստատել միայն հատուկ հետազոտության օգնությամբ: Այդ հետազոտությունը հիմնված է ՄԻԱՎ-ի նկատմամբ առաջացած հակամարմինների հայտնաբերման վրա: Հայտնաբերվելու համար բավարար քանակությամբ հակամարմիններ վարակվածների մեծ մասի արյան մեջ ի հայտ են գալիս վարակվելուց 3-6 ամիս հետո: Այդ ժամանակահատվածը կոչվում է ''ՙպատուհանի շրջան'': ''ՙՊատուհանի շրջանում'' ՄԻԱՎ-ի վերաբերյալ հետազոտության արդյունքը բացասական կլինի: Սակայն արդեն իսկ այդ շրջանում վարակված մարդը կարող է վարակը փոխանցել ուրիշներին: Ուստի ՄԻԱՎ-ի վերաբերյալ պետք է հետազոտվել հնարավոր վարակման պահից առնվազն 3 ամիս հետո:

 

- Ովքե՞ր ունեն ՄԻԱՎ-ի վերաբերյալ հետազոտվելու կարիք:

 

- ՄԻԱՎ-ի վերաբերյալ հետազոտվելու կարիք ունեն նրանք, ովքեր երբևէ դրսևորել են ռիսկային, այսինքն` ՄԻԱՎ-ով վարակմանը նպաստող վարքագիծ. երբևէ օգտագործել կամ շարունակում են օգտագործել թմրամիջոցներ ներարկային ճանապարհով, առանց պահպանակի սեռական հարաբերություններ են ունեցել պատահական զուգընկերների հետ, ունեն որևէ սեռավարակ, ենթարկվել են մաշկի և լորձաթաղանթների ամբողջականության խախտմամբ ուղեկցվող միջամտությունների (դաջում, դակում և այլն)` չախտազերծված կամ կասկածելի մաքրության գործիքներով:

 

- Ինչու՞ է անհրաժեշտ հետազոտվել ՄԻԱՎ-ի վերաբերյալ:


- ՄԻԱՎ-ի վերաբերյալ հետազոտությունը հնարավորություն կտա վաղ շրջանում ախտորոշել ՄԻԱՎ վարակը, իսկ հիվանդության վաղ ախտորոշումն ու ժամանակին սկսված համապատասխան բուժումը հնարավորություն են տալիս ՄԻԱՎ վարակով հիվանդին երկար ժամանակ պահպանել լավ ինքնազգացողությունն ու ֆիզիկական վիճակը, ինչպես նաև չվարակել հարազատ և սիրելի մարդկանց: Օրինակ. ամուսնու ՄԻԱՎ-ով վարակված լինելու մասին իմացությունը հղի կնոջը հնարավորություն կտա նվազագույնի հասցնել ապագա երեխայի վարակման վտանգը:

 

Ի դեպ, ՄԻԱՎ-ի վերաբերյալ հետազոտությունը շատ ժամանակ չի պահանջում, ուղեկցվում է նախա և ետթեստային խորհրդատվությամբ, անվճար է, հետազոտվողի ցանկությամբ կարող է կատարվել անանուն: ՄԻԱՎ-ի վերաբերյալ հետազոտության արդյունքները գաղտնի են և առանց հետազոտվողի թույլտվության չեն կարող տրամադրվել այլ անձանց:

 

- Որտե՞ղ կարելի է հետազոտվել ՄԻԱՎ-ի վերաբերյալ:


-Այդպիսի հետազոտություն անցնելու համար հարկավոր է դիմել ՁԻԱՀ-ի կանխարգելման հանրապետական կենտրոն (ք.Երևան, Ավան, Աճառյան 2) կամ ՄԻԱՎի նկատմամբ կամավոր խորհրդատվություն և հետազոտություն իրականացնող ցանկացած հաստատություն (կանանց կոնսուլտացիաներ, որոշ պոլիկլինիկաներ և այլն):

 

Կարելի է նաև ստանալ խորհրդատվություն ''Վստահության հեռախոս'' ծառայության միջոցով: ՄԻԱՎ վարակին, անվտանգ սեռական վարքագծին, թմրամոլությանն առնչվող հարցեր կամ խորհրդի կարիք ունեցող յուրաքանչյուր մարդ կարող է զանգահարել 66-01-10 հեռախոսահամարով և ստանալ համապատասխան տեղեկություններ ու խորհրդատվություն:

 

- Ինչպե՞ս կարելի է խուսափել ՄԻԱՎ-ով վարակվելուց:


- ՄԻԱՎ վարակն այն հիվանդություններից է, որոնց ձեռքբերումը պայմանավորված է հիմնականում մարդկանց վարքագծով և կենսակերպով: Վարակվելուց խուսափելու համար պարզապես անհրաժեշտ է դրսևորել անվտանգ վարքագիծ. զերծ մնալ թըմրամիջոցներ ընդունելուց, օգտագործել մեկանգամյա օգտագործման կամ ախտազերծված ներարկիչներ, ասեղներ, խուսափել պատահական սեռական կապերից կամ մշտապես պահպանակ օգտագործել: Շատերը գիտեն այս մասին, սակայն կյանքը ցույց է տալիս, որ մարդիկ իրենց իմացածը ոչ միշտ են գործնականում կիրառում: Պատճառը հավանաբար այն է, որ մարդկանց մեծամասնությանը ՄԻԱՎ/ ՁԻԱՀ-ի վտանգը անձամբ իրենց պարագայում չափազանց անիրական է թվում: Նրանք ոչ միշտ են հետևում անվտանգ վարքագծի կանոններին` հուսալով, որ վարակն իրենց կշրջանցի: Նման մարդիկ պետք է իմանան, որ ՄԻԱՎ-ով կարելի է վարակվել առանց պահպանակի նույնիսկ մեկ սեռական հարաբերության, թմրամիջոցի ընդամենը մեկ ներարկման հետևանքով: ՄԻԱՎ-ով չվարակվելու համար պատասխանատու և անվտանգ վարքագիծ պետք է դրսևորի յուրաքանչյուր ոք, ով մտահոգված է իր առողջության պահպանմամբ:

 

- Ինչպե՞ս արդյունավետ պայքարել ՄԻԱՎ/ՁԻԱՀ-ի դեմ:


- ՄԻԱՎ/ՁԻԱՀ-ի դեմ պայքարը պետք է լինի տևական, անընդհատ գործընթաց. այն չի կարող ընդհատվել խոցելի խմբերի համակազմի անընդհատ փոփոխման, մարմնավաճառության, թմրամոլության առկայության, վարքագծի փոփոխման գործընթացի երկարատևության պատճառով: Բազմաթիվ երկրների, նաև Հայաստանի փորձը ցույց է տալիս, որ նպատակաուղղված, համալիր միջոցառումների շնորհիվ հնարավոր է կասեցնել համաճարակի զարգացումը, հասնել ՄԻԱՎի տարածման տեմպերի նվազեցման և կայունացման: Սակայն այդ միջոցառումների արդյունավետության և ձեռք բերված արդյունքների կայունության գլխավոր նախապայմանը դրանց շարունակականության ապահովումը, անհրաժեշտ միջոցների առկայությունը և պետական աջակցության ընդլայնումն է: Այս առումով անգնահատելի է ՄԻԱՎ/ՁԻԱՀ-ին հակազդման ազգային ռազմավարությունների իրականացման հարցում միջազգային կազմակերպությունների աջակցությունը:

 

Համաճարակի դեմ արդյունավետ պայքարի համար պակաս կարևոր չեն ՄԻԱՎ/ՁԻԱՀ-ով ապրողների նկատմամբ հանդուրժողական, հակախտրական վերաբերմունքի ձևավորումը, նաև կանխարգելման միջոցների, բուժման, խնամքի և աջակցության համընդհանուր հասանելիության ապահովումը, ինչը պարտավորվել են իրականացնել ՄԱԿ-ի անդամ երկրները մինչև 2010 թ.:

 

ՄԻԱՎ/ՁԻԱՀ-ի արմատական բուժում, նաև պատվաստանյութ այս հիվանդության դեմ դեռևս չկա: Պայքարի գլխավոր ուղղությունը շարունակում է մնալ կանխարգելումը, որի արդյունավետությունը կախված բոլոր մակարդակներում խնդրի կարևորության գիտակցումից, յուրաքանչյուրիս պատասխանատու վարք ագծից: Հետևաբար ՁԻԱՀ-ի դեմ պայքարը յուրաքանչյուրի խնդիրն է:

 

ՄԻԱՎ/ՁԻԱՀ-ի խնդիրն արդիական է նաև մեր հանրապետության համար: Հայաստանի Հանրապետությունում մարդու իմունային անբավարարության վիրուսով վարակվածության դեպքերի արձանագրումը սկսվել է 1988 թ.: 2007 թ. մարտի 31-ի դրությամբ ՀՀ քաղաքացիների շրջանում գրանցվել է ՄԻԱՎ վարակի 448 դեպք: ՄԻԱՎ վարակով հիվանդների ընդհանուր կազմում գերակշռում են արական սեռի ներկայացուցիչներըª 342 մարդ, իգական սեռի ներկայացուցիչների մոտ արձանագրվել է վարակի 106 դեպք: ՄԻԱՎ վարակի 9 դեպք է արձանագրվել երեխաների մոտ: Հայաստանի Հանրապետությունում ՄԻԱՎ վարակի փոխանցման հիմնական ուղիներն են թմրամիջոցների ներարկային օգտագործման միջոցով վարակումը (51,3%) և հետերոսեքսուալ ճանապարհը (41,3%): Սրանցից բացի արձանագրվել են մորից երեխային, արյան և հոմոսեքսուալ ճանապարհներով ՄԻԱՎ վարակի փոխանցման դեպքեր: ՄԻԱՎ վարակով հիվանդներից 164-ի մոտ ախտորոշվել է ՁԻԱՀ: Համաճարակի սկզբից գրանցվել է ՄԻԱՎ/ՁԻԱՀ-ով հիվանդների մահվան 104 դեպք: ՄԻԱՎ/ՁԻԱՀ-ի իրավիճակի գնահատումը վկայում է, որ հաշվարկային տվյալներով հանրապետությունում կա 2800 ՄԻԱՎ վարակ ունեցող մարդ:


ԱՆՎՏԱՆԳ ՎԱՐՔԱԳԻԾԸ ՄԻԱՎ-ՈՎ ՉՎԱՐԱԿՎԵԼՈՒ ԿԱՐԵՎՈՐ ՆԱԽԱՊԱՅՄԱՆՆԵՐԻՑ Է


XX դարի վերջին տասնամյակներին ի հայտ եկած ձեռքբերովի իմունային անբավարարության համախտանիշը (ՁԻԱՀ) նոր հազարամյակի հիմնական մարտահրավերներից է: Առաջին անգամ արձանագրվելով 1981 թ. ԱՄՆ-ում` այսօր ՄԻԱՎ/ՁԻԱՀ-ը տարածվել է բոլոր մայրցամաքներում և աշխարհի բոլոր երկրներում` վերաճելով գլոբալ համաճարակիª պանդեմիայի: 2006 թ. դեկտեմբերի դրությամբ աշխարհում ապրում է մոտ 40 մլն ՄԻԱՎ վարակով հիվանդ: Համաճարակն արդեն խլել է ավելի քան 25 մլն մարդկային կյանք:

Հեղինակ. Վահե Տեր-Մինասյան
Սկզբնաղբյուր. ՀՀ - Ամսագիր ''Ֆարմացևտ պրակտիկ'' 3-2007 (3)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Մեդ-Պրակտիկ

30.07.2015

Հարգելի Hakob, բարև Ձեզ: Իհարկե անպաշտպան սեռական հարաբերության դեպքու սեռական ճանապարհով փոխանցվող ինֆեկցիայով վարակվելու ռիսկը մեծ է, սակայն դա պարտադիր չէ: Այո, ինֆեկցիաների դեպքում հիմնականում լինում է արտադրություն, սակայն դա ևս պարտադիր չէ: Եթե կա ցավ միզարձակության ժամանակ, դա վկայում է միզուկի, միզապարկի բորբոքման, պիելոնեֆրիտի  կամ պրոստատիտի մասին: Կախված նրանից, թե միզարձակման սկզբում, թե վերջում է ցավը, կա մեզի գույնի փոփոխություն, թե ոչ, կարելի է ենթադրել, թե միզասեռական համակարգի կոնկրետ որ հատվածում է խնդիրը: Հարկավոր է հանձնել մեզի անալիզ և հետազոտել շագանակագեղձը: Պետք է նշել, որ բորբոքումը կարող է ինֆեկցիոն պրոցեսի հետ ընդհանրապես էլ կապ չունենալ: 

Edgar

30.07.2015

Բժիշկ , ցանկացած սեռավարակի դեպքում սպերմայի արտահոսք լինում է ? Իսկ Միավ-ի դեպքում ?

hakob

09.07.2015

anpayman petqe artadrutyun ga es gnacel em bjshi asuma ete artadrutyun chka uremn aroxj es bayc cavka u an@ndat uzum em mizem mrceluc nman ban klini xndrum em asek

hakob

09.07.2015

barev es unecelem u pashpanvelem uxaki patrvec u hhima chka artadrutyun bayc mish mezc galis xndrum em asek varakvel em

Մեդ-Պրակտիկ

08.06.2015

Հարգելի Артём, բարև Ձեզ: Եթե հարաբերությունը չպաշտպանված է եղել, իհարկե որևէ ինֆեկցիայով վարակվելու հավանականությունը մեծ է: Եթե ունեք ցավ և անմիզապահություն, հարկավոր է դիմել մաշկասեռավարակաբանի, հնարավոր է կա ինֆեկցիոն պրոցես: 

артём

29.05.2015

Барев дзез ес ми кани ор арач узецел ем араберуцюнн аранц пашпанвелу ев ает орваниц унем цавер антамиц аннтат узум ем мизел баец чунем артадруцюн баец мишт тац е антамс мези тесков инчи ет е капват ев инаравор е инч вор ахтанишнер ен вараки ет капват ми банел араберуцюнн жаманак ззвацел ем

Մեդ-Պրակտիկ

23.03.2015

Հարգելի Anahit, փորլուծությունը, գլխապտույտը ավելի շատ նման են աղիքային ինֆեկցիայի նշաններին: Հերպես վիրուսը նույնպես կապ չունի ՄԻԱՎ-ի հետ: Լաբորատոր քննություն կարող եք անցնել նաև հետևալ ախտորոշիչ կենտրոններում.

 

http://www.ecosense.am/hy-am/price.aspx

 

http://www.med-practic.com/arm/669/my.organization.html

Anahit

22.03.2015

Et depqic mot 4 amis anc porlucutyun sksvec (1 shabat) u glxaptuyt shat tuyl ei indz zgum . vorosh jamanak anc angina aranc taqutyan, vor@ tevec mi 4 or. mi qani amis anc ujex glxacaver unei, gisherner@ pahi tak qrtnum ei heto ancnum er u noric gerpes.Es uzecel em analizner handznel ,bayc vaxenum em.Isk kaseq baci DIAH kanxargelman kentronic,urish vortex karox em ancnel laborator stumum.Shnorhakalutyun.

Մեդ-Պրակտիկ

11.03.2015

Հարգելի Anahit, շատ քիչ է հավանական նման ճանապարհով վարակվել ՄԻԱՎ-ով: Կոնկրետ ինչ ախտանշանների մասին է խոսքը: Վերջնականապես համոզվելու համար կարող եք լաբորատոր քննություն անցնել: 

Anahit

26.02.2015

Barev dzez bjishk jan .mi harc unem vor@ indz minjev hima tanjuma. Mot 1 tari araj ertuxaini nstatexi mejqi masic brnveluc dzeqs vnaceci , qanivor aydpes asac abivkan patrvac er, ev mej@ inchvor sur ban kar vor@ vor vnasec , dzercq. Parzvec vor mi qani rope araj el mi 2 hogi el nuyn dzevov vnasvel ein ev iranc aryun@ mnacel er vor@ vor kpav im vnasvac dzerqin. inchqanov e hnaravor varak ancac lini? indz mot exel en axtanshanner , vor@ vor nmanecnum em MIAVi.Vaxenum em shat varakvac linem..Xndrum em mi xorhurd tveq.Shnorhakalutyun.

Մեդ-Պրակտիկ

27.01.2015

Հարգելի Arsen,հարցերի պատասխանները տեխնիկական պատճառներով ուշացել են,հայցում ենք Ձեր ներողամտությունը: Պատասխանը տեսեք ստորև:

Մեդ-Պրակտիկ

15.01.2015

Հարգելի Karen, ապահովիչը կարող է պաշտպանել ՄԻԱՀ-ից, եթե վստահ եք, որ չի պատռվել և մինչև վերջ պաշտպանել է սերտ մարմնական կոնտակտից: Սակայն, եթե Ձեզ մոտ ի հայտ է եկել նման մտավախություն, միակ ճիշտ ու վերջնական ճանապարհը՝ ազատվելու մտավախությունից, մեկ անգամ հետազոտվելն է:

Մեդ-Պրակտիկ

15.01.2015

Հարգելի  Arsen, Ձեզ մոտ վախի հետևանքով առաջացել է լուրջ հոգեբանական խնդիր, որը, ցավոք, ինքնուրույն չեք կարող հաղթահարել: Իհարկե՛, պատահական սեռական հարաբերությունները շատ մեծ ռիսկ են՝ սեռակավարակներով վարակվելու տեսանկյունից: Ձեզ անհրաժեշտ է դիմել նախ մաշկավեներոլոգի՝ ճշտելու համար, կա՞ ինֆեկցիա, թե՝ ոչ: Այնուհետև, դիմել հոգեբանի և սեքսոպաթոլոգի՝ ֆոբիայից ազատվելու և նորմալ սեռական ֆունկցիան վերականգնելու համար:

Մեդ-Պրակտիկ

14.01.2015

Հարգելի Karen, հայցում ենք Ձեր ներողամտությունը: Տեխնիկական պատճառներով հարցերի պատասխաններn ուշանում են: Եթե հարցը դեռ ակտուալ է, գրե՛ք, կփորձենք օգնել:

arsen

12.01.2015

lava gnaci hogebani mot te che es bjishkneri huysov mnanq verjners lav chi lini

karen

02.01.2015

Inchi cheq patasxanum bjishk jan

karen

19.12.2014

hargeli bjishk es mi angam rusastanum unecelem haraberutyun vich ov hivandi het u et orvanic vax ka vor varakvac klinem bayc pashtpanvelev kontecs firmai apahovichoa .hnaravora varaqvac linem?

Arsen

06.12.2014

bjishk jan xntrum em patasxaneq ((( senc vor eta mi or karoxa inqnaspanutyanel gnam

Arsen

06.12.2014

bzhishk jan mekel asem vor et mi anqamna exel dranic heto serakan hareberutyunner chem unenum fobias xangaruma. im varakvc linelu havanakanutyun@ ishqan e ???

Arsen

06.12.2014

barev dzez bzhishk jan xntrum em patasxaneq im harcin, es motavorapes 2 tari araj marmnavachari het serakan haraberutyun em unece vori hetevanqov pahpanak@ patrvela. es arag durs haneci u lvaci ocharov, lriv normala mots uxaki mi hat xntir unem dranic heto mots sksfec spidofobia antat tanjvum em et mtqeric.im imanalov marmnavacharnerin tanum en stugman amen shapat da aydpes e ? marmnavacharneri mej kan miav varakakirner ? ev inchpes azatvem ayd fobiayic vor hangist aprem ???

Մեդ-Պրակտիկ

04.11.2014

Հարգելի Albert, նախ ասեմ, որ հետազոտվելն իրականում պետք է վեց ամիս հետո, բայց նաև այսօր կան հետազոտման էքսպրես մեթոդներ, որոնք բավականին արդյունավետ են: Ինչ վերաբերում է Ձեր նշած հետազոտման արժեքին այո մասնավոր լաբորատորիաներում այն բավականին թանկ հետազոտություն է  15000  դրամ: Սակայն կանխարգելման կենտրոնում այդ հետազոտությունը ՀՀ քաղաքացիների համար բացարձակ անվճար է և անանուն:  

Մեդ-Պրակտիկ

11.10.2014

Հարգելի Ani, այո կրկնակի անգամ հետազոտվելը չի խանգարի:

Albert

23.09.2014

Evs mek harc, ardyoq hetazotutyun@ anvchar e(ver@ nshac er vor anvchar e, bayc lsel em vor 15,000 dram vcharel en hetazotvelu hamar, Hayastanum, bayc te vortex, da chgitem, ev aryun vercneluc heto inch jamanakahatvacum patasxan kstananq. naxoroq shnorhakal em

Albert

23.09.2014

Barev dzez, aysor es unecel em anpashtpan serakan haraberutyun, isk minch ayd misht ogtagorcel em pahpanak, inchpes haskaca im hetazotvel@ aysqan shut voch mi patasxan chi ta, animast e, isk im zug@nkeruhin haraberutyun e unecel 4 amis araj, vorqanov chisht klini nra hetazotutyun@, qani vor ver@ nashvac er, vor miayn 6 amis heto kareli e hetazotel ev haytnaberel antigenayin hatkutyamb ojtvac virusi nkatmamb sintezvac hakamarminner@ organizmum

ani

08.09.2014

Shnorhakal em.pastoren es noric ancnem hetazotutyun.haraberutyunic 2 amis heto em stugvel,isk hima 7 amis@ lracel e.mi ban el.es 2 amis anpashtpan serakan Kapi mej em exel tvyal hivandi het hima aravelevs shans chunem chvarakvelu?

Մեդ-Պրակտիկ

07.09.2014

Հարգելի Ani, ցավոք, դրական պատասխան տալ չեմ կարող: Նման դեպքում անպաշտպան սեռական հարաբերություն ունենալու պարագայում չվարակվելու հավանականությունը չնչին տոկոս կարող է կազմել:

Mari

01.09.2014

Shat shnorhakalutyun

ani

30.08.2014

Barev dzez.kxndrem patasxanek harcis.miav-ov varakvac mardu het anpashtpan serakan haraberutyun unenaluc chvarakvelu havanakanutyun@ kani tokos e

Մեդ-Պրակտիկ

26.08.2014

Հարգելի Mari, ՄԻԱՎ հետազոտությունը ՀՀ-ում անվճար է: Անձի գաղտնիությունը պահպանվում է: Դուք կարող եք հետազոտությունն անցնել ՄԻԱՎ-ի կանխարգելման կենտրոնում: Այն գտնվում է Ավան վարչական շրջանում` համար 10 երթուղային տաքսու վերջին կանգառն է:

Mari

18.08.2014

Shat shnorhakalutyun harceris matcheli patasxanner talu hamar. Evs 1 harc` vortex karox em ancnel miavi test? kam vortex ev inchpes stugvem vorpeszi andzi gaxtniutyun@ apahov lini? isk hetazotutyun@ tank arje? Shnorhakalutyun

Կարդացեք նաև

Ախտանշաններ, որոնք կօգնեն վաղ շրջանում հայտնաբերել վեներական հիվանդությունները
Ախտանշաններ, որոնք կօգնեն վաղ շրջանում հայտնաբերել վեներական հիվանդությունները

Գործնականում սեռական կյանքով ապրող յուրաքանչյուրը սեռական ճանապարհով փոխանցվող հիվանդության խնդիր ունեցել է: Այդ հիվանդությունները 30-ից ավելի են: Մահացու ՁԻԱՀ-ից մինչև խլամիդիա սեռական ճանապարհով են փոխանցվում...

Սեռական ճանապարհով փոխանցվող ինֆեկցիաներ. izmirlianmedicalcenter.com
Սեռական ճանապարհով փոխանցվող ինֆեկցիաներ. izmirlianmedicalcenter.com

Սեռական ճանապարհով փոխանցվող ինֆեկցիաները բավականին հաճախ են հանդիպում: ԱՄՆ-ում տարեկան գրանցվում է մոտավորապես 20 միլիոն նոր դեպք, որոնց կեսը հայտնաբերվում է 15-24 տարեկան անձանց մոտ...

ՄԻԱՎ վարակ
ՄԻԱՎ վարակ

ՄԻԱՎ վարակը երկարատև ընթացքով քրոնիկ վարակային հիվանդություն է, որի հարուցիչը մարդու իմունային անբավարարության վիրուսն է՝ ՄԻԱՎ-ը: Ներթափանցելով օրգանիզմ` ՄԻԱՎ-ն ախտահարում է իմունային...

Վարակաբանություն
Վեներական հիվանդություններն աշխարհում, այդ թվում՝ Հայաստանում, աճում են
Վեներական հիվանդություններն աշխարհում, այդ թվում՝ Հայաստանում, աճում են

Վեներական հիվանդություններն ամբողջ աշխարհում, այդ թվում՝ Հայաստանում, աճման միտում ունեն: Հայաստանում այդ հիվանդությունների, դրանց վիճակագրության, ախտորոշման եւ բուժման մեթոդների մասին NEWS.am Style-ի թղթակիցը զրուցել է Սեքսոպաթոլոգիայի կլինիկայի...

ՄԻԱՎ (HIV) վարակ
ՄԻԱՎ (HIV) վարակ

ՄԻԱՎ (Մարդու իմուն անբավարարության վիրուսային) վարակը հարուցվում է իմուն անբավարարության վիրուսի կողմից, որն ախտահարում և թուլացնում է մարմնի իմուն (անընկալ) համակարգը...

Վարակաբանություն
ՁԻԱՀ-ն անհետացող վարա՞կ է դառնում

Մոտակա տարիներին հնարավոր է, որ ՁԻԱՀ-ը «XX և XXI դարերի անբուժելի ժանտախտի» խմբից վերջնականապես անցնի անհետացող վիրուսային ինֆեկցիաների շարքին: ՄԱԿ-ի փորձագետները նշում են, որ ՄԻԱՎ-հվանդացությունն ամբողջ աշխարհում շարունակում է նվազել...

Վարակաբանություն Առողջապահության լրատու 18-19.2012
ՁԻԱՀ-ը յուրաքանչյուրի պնդիրն է
ՁԻԱՀ-ը յուրաքանչյուրի պնդիրն է

Մեր հարցերին պատասխանում է ՀՀ ԱՆ ՁԻԱՀ-ի կանխարգելման հանրապետական կենտրոնի տնօրեն, բ.գ.դ., պրոֆեսոր Սամվել Գրիգորյանը...

Մաշկաբանություն Հրատապ թեմա Հայաստանում Առողջապահության լրատու 18-19.2012
ՄԻԱՎ/ԶԻԱՀ. թվեր և փաստեր

  • ԶԻԱՀ-ն առաջին անգամ ախտորոշվել է 1981 թվականին ԱՄՆ-ում և արդեն աշխարհում 60 միլիոն մարդ վարակվել է ՄԻԱՎ-ով: Ըստ ՄԱԿ-ի տվյալների, այսօր ամեն օր ՄԻԱՎ-ով վարակվում է 15-24 տարեկան մոտ 2400 երիտասարդ...

Թվեր և փաստեր Վարակաբանություն Առողջապահության լրատու 18-19.2012
Մաշկաբանության և սեռավարակաբանության բժշկագիտական կենտրոնի տեղեկատվություն

Հայաստանում սեռական ճանապարհով փոխանցվող հիվանդությունների` սեռավարակների թվի աճ է արձանագրվել, որին «նպաստել» են բնակչության կենսամակարդակի նվազումը, մարմնավաճառությունը,«սեռական հեղաշրջումը»...

Առողջապահություն 1.2012
Կանդիդոզը որպես սեռավարակ
Կանդիդոզը որպես սեռավարակ

Կանդիդոզը որպես սեռական ճանապարհով փոխանցվող հիվանդություն` մեր հանրապետությունում բոլոր սեռավարակների մեջ վերջին 10 տարիների ընթացքում արձանագրված դեպքերի թվով զբաղեցրել է առաջին տեղը...

Վարակաբանություն Պերինատոլոգիա, մանկաբարձություն և ուրո-գինեկոլոգիա Ուրո-անդրոլոգիա Առողջապահություն 1.2012
ՄԻԱՎ/ՁԻԱՀ-ը` որպես առողջ ապահական համակարգին մարտահրավեր և դրան հակազդումը
ՄԻԱՎ/ՁԻԱՀ-ը` որպես առողջ  ապահական համակարգին մարտահրավեր և դրան հակազդումը

Դեռևս 1981 թվականին իր գոյության մասին ազդարարած ՁԻԱՀ-ն առաջին հերթին մարտահրավեր էր առողջապահական համակարգին, որը համաճարակի սկզբում իր վրա վերցրեց խնդրին դիմակայելու հիմնական ծանրությունը...

Վարակաբանություն Հրատապ թեմա Աշխարհում Առողջապահության լրատու 1.2011
Սեռավարակներ. ինչի կարող է հանգեցնել չիմացությունը
Սեռավարակներ. ինչի կարող է հանգեցնել չիմացությունը

«Ամուսինս նոր է եկել Ռուսաստանից, ոչ մի կերպ չեմ կարողանում համոզել, որ դիմի բժշկի: Մի քանի տարի առաջ հղիության ընթացքում դիմելով բժշկի` պարզեցի, որ վարակվել եմ վեներական հիվանդությամբ, հիմա...

Հայաստանում արձանագրված սեռավարակների դեպքերը

XX դարի վերջին և XXI դարի սկզբին Հայաստանի Հանրապետությունը զգալի զարգացում ապրեց, սակայն դրան զուգահեռ ավելացավ սեռական ճանապարհով փոխանցվող հիվանդությունների` սեռավարակների (ՍՎ) թիվը, որին նպաստեցին...

Առողջապահություն 1.2011
ՄԱԿ-ի ՄԻԱՎIՁԻԱՀ-ի միացյալ ծրագրի տերմինաբանության ուղեցույց

Փետրվար, 2008թ., Ներածություն 

ՄԱԿ-ի ՄԻԱՎ/ՁԻԱՀ-ի միացյալ ծրագրի մշակած նախընտրելի տերմինների սույն ցանկը նախատեսված է ծրագրի տասը համահովանավորող կազմակերպությունների աշխատակազմերի...

Վարակաբանություն Հայաստանի հանրային առողջության ամսական զեկույց 1-12.2010
ՄԻԱՎ/ՁԻԱՀ-ը ներառվեց հատուկ ցանկում

ՀՀ կառավարությունն այսօրվա նիստում որոշել է իր ավելի վաղ ընդունած «Անվճար կամ արտոնյալ պայմաններով դեղեր ձեռք բերելու իրավունք ունեցող բնակչության սոցիալական խմբերի և հիվանդությունների ցանկերը հաստատելու մասին» որոշման ցանկ ներառել...

Վարակաբանություն Հրատապ թեմա Հայաստանում ԼՈՒՐԵՐ: Բժշկական իրավունք ԼՈՒՐԵՐ: Դեղագործական շուկան Հայաստանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ