Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Վեներաբանություն

Սեռավարակներ. ինչի կարող է հանգեցնել չիմացությունը

Սեռավարակներ. ինչի կարող է հանգեցնել չիմացությունը

«Ամուսինս նոր է եկել Ռուսաստանից, ոչ մի կերպ չեմ կարողանում համոզել, որ դիմի բժշկի: Մի քանի տարի առաջ հղիության ընթացքում դիմելով բժշկի` պարզեցի, որ վարակվել եմ վեներական հիվանդությամբ, հիմա հազիվ բուժվել եմ, բայց ամուսինս, որ նոր է վերադարձելարտագնա աշխատանքից,  չի ուզում գնալ բժշկի:

 

Ես էլ վախենում եմ նորից սեռական հարաբերություն ունենալ նրա հետ, բա որ նորից վարակվեմ, ինքն էլ է խոստովանում, որ Ռուսաստանում չպաշտպանված  սեռական հարաբերություն է ունեցել: Մեր հարաբերությունները բավականին բարդացել են,  ու ես գիտեմ` ի վերջո տեղի եմ տալու: Մտածում եմ` նրա ասածով անել, հետո բուժվեմ, կամ… Մի խոսքով, ես էլ չգիտեմ` ինչ անեմ»:

25-ամյա Տաթևն իմացել է, որ սեռավարակ ունի, երբ հղի է եղել, և երբ պարզ է դարձել, որ այդ վարակն ազդել է պտղի առողջության վրա: Արդյունքում  պտուղը վաղաժամ է ծնվել, և միայն երկար պայքարից հետո է հնարավոր եղել երեխայի կյանքը փրկել: Շատ ավելի երկարատև բուժումից հետո առողջացել է: Բուժման ընթացքում ամուսինը Հայաստանում չի եղել, հիմա եկել է, սակայն խուսափում է այցելել բժշկի:

Ինչո՞ւ է հայերիս մեծամասնությունը խուսափում  գնալ բժշկի, այն էլ  մաշկաբան-սեռավարակաբանի մոտ: Պատճառներից ամենատարածվածն այն է, որ հիվանդները  չեն վստահում բժշկին`  վախենալով վարկաբեկվելուց: Իրենց հերթին, բժիշկները վստահեցնում են, որ  բժշկական գաղտնապահության օրենքներից ելնելով` իրենք պարտադրված են պահել  անձի գաղտնիությունը և նրա վերաբերյալ տվյալներ են տրամադրում բացառապես քրեական մարմիններին, այն էլ, եթե հարուցված քրեական գործ կա:

Բժշկի չայցելելու պատճառներից մեկն էլ, մաշկաբան-սեռավարակաբան Կարեն Վարդանյանի խոսքերով, ոչ բավարար կամ թյուր գիտելիքներն են:

Զարգացած երկրներում բժշկի այցելելու մշակույթ կա, մինչև ամուսնությունը պարտադիր բժշկական հետազոտություն են անցնում, ինչը բացակայում է մեր հասարակությունում, հետևանքն այն է, որ դիմում են բժշկի այն ժամանակ, երբ արդեն որոշակի առողջական խնդիր կա:

Մասնագետի  խոսքերով`  մարդիկ կան, որոնք ամենից շատն են համարվում ռիսկային, և որոնք կարող են պատճառ դառնալ սեռավարակների տարածման համար:   Սեռավարակների  տարածման պատճառ են այն մարդիկ, որոնց օրգանիզմում հարուցիչներ կան, և որոնք ռիսկային վարքագիծ ունեն: Օրինակ` մարմնավաճառությամբ զբաղվող անձինք, արտագնա աշխատանքների մեկնողները,  մեկից ավելի զուգընկեր ունեցող, զուգընկերներին հաճախակի փոխող, միասեռական անձինք,  հեռագնա բեռնատարների վարորդները և այլն:

Սեռավարակների թիվն ավելանում է

Առողջապահության համաշխարհային կազմակերպության (ԱՀԿ) տվյալների համաձայն` տարեկան գրանցվում է  սեռավարակների մոտ 330 մլն նոր դեպք, որոնց երկու-երրորդը բաժին  է ընկնում վերարտադրողական  տարիքի անձանց:  Սեռավարակներին ավելի հակված են դեռահասներն ու երիտասարդները, ինչն էլ, բնականաբար, նրանց վրա կործանարար ազդեցություն է ունենում,  քանի որ նրանց սեռահասունացումը դեռ լիակատար չի լինում:

Սեռավարակների երիտասարդացումը պայմանավորված է նաև նրանով, որ  սեռական առաջին հարաբերության տարիքն ամբողջ աշխարհում փոքրացել է: Հայաստանում պատկերն այսպիսին է. եթե  2008-ի տվյալներով`  հարցվողների 78%-ի մոտ առաջին սեռական հարաբերության միջին տարիքը կազմել է   19.6  տարեկանը,  ապա  2010-ի տվյալների համաձայն`  տարիքը փոքրացել է  մինչև 15 -17  տարեկան:

Մաշկաբան-սեռավարակաբան Կարեն Վարդանյանի մեկնաբանությամբ` սա ունի իր պատճառները, և դրանցից ամենանշանակալին  սեռական հասունացման տարիքի նվազումն է. աղջիկների համար 12-14, տղաների` 13-15 տարեկանը:

Սեռական դաստիարակություն. վտանգավոր լռություն

«Սեռական դաստիարակություն» ասվածը շատ հաճախ է շահարկվում, և երբեմն թյուրիմացաբար մեկնաբանվում է որպես սեռական քարոզարշավ: Սա է պատճառը հավանաբար, որ այս թեման շատ հայկական ընտանիքներում մերժվում է, համարվում արգելված: Մինչդեռ դրա նպատակն է ոչ թե երիտասարդին դրդել դեպի սեռական հարաբերություն, այլ հնարավորինս հետաձգել դա, և եթե, միևնույն է, նա գնալու է այդ քայլին, անել դա գրագետ, բոլոր դեպքերում օգտվել պահպանակից:  «Որպես կանոն, առաջին հարաբերությունը լինում է վճարովի սեռական ծառայությունների միջոցով, իսկ նման ծառայություն մատուցողները,  ինչպես արդեն նշվել է, համարվում են ռիսկային վարքագիծ ունեցողներ»,- նշում է  սեռավարակաբան Կարեն Վարդանյանը:  Նրա կարծիքով` սեռական դաստիարակության թեմաները պետք է ներառեն նաև տեղեկատվություն սեռական օրգանների անատոմիայի, ֆիզիոլգիայի  և  անգամ հիգիենիկ նորմերի մասին:

Շատ հաճախ երիտասարդները հրաժարվում են պահպանակի կիրառումից: Պահպանակ չօգտագործելու պատճառներից մեկն էլ  այն է, որ  պահպանակը փոխում է զգացողությունը, ինչը միայն հոգեբանական  կողմ կարող է ունենալ, քանի որ իրականում տարբերություն գրեթե չկա:  Շատ հաճախ պահպանակ չկիրառելու պատճառ է  այն  ձեռք բերելու հետ կապված դժվարությունը,  մասնավորապես` «ճակատագրական ամաչկոտությունն» այն դեղատնից գնելու ժամանակ»,-հավաստիացնում է սեռավարակաբանը: Այս հարցն, ի դեպ, շատ երկրներում լուծել են` այն ձեռք բերելու գործընթացը դարձնելով ավտոմատացված:

Ամեն կողմից մատուցվող, երբեմն նույնիսկ պարտադրվող սեռականությանը զուգահեռ շատ կարևոր է դեռահասներին հասանելի դարձնել անպաշտպան  սեռական հարաբերությունների հնարավոր բացասական ելքերը` սկսած անպտղությունից մինչև անցանկալի հղիություն:

Յուրաքանչյուր սեռավարակ հանգեցնում է անպտղության

Յուրաքանչյուր սեռավարակ  հաճախ հանգեցնում է անպտղության: Սա ամենամեծ  վնասներից  մեկն է: Ընդ որում, կան այնպիսի սեռավարակներ, որոնք վերջնականապես չեն բուժվում` լրջորեն ազդելով մարդու վերարտադրողական գործառույթի վրա:

Տղամարդկանց մոտ սեռավարակները հանգեցնում են սերմի քանակական և որակական բացասական փոփոխությունների,  և սերմնատար ուղիների բորբոքման հետևանքով առաջացած կպումների, որոնք հանդիսանում են մեխանիկական արգելք: Կանանց մոտ առաջանում են սեռական օրգանների բորբոքում,  արգանդափողերի լորձաթաղանթի բորբոքում, որը խոչընդոտում է  ձվաբջջի անցմանը, կամ արդեն բեղմնավորված ձվաբջիջը չի կարողանում ֆիքսվել արգանդի լորձաթաղանթին:

Սեռավարակներն առաջացնում են նաև ձվարանների բորբոքում` ազդելով ձվաբջիջների  ճիշտ ձևավորման վրա:

Սեռավարակներն իրենց ազդեցությունն են թողնում նաև պտղի վրա, եթե կինը վարակվում է դրանցով հղիության ընթացքում: Կան հիվանդություններ, որոնք մորից երեխային են փոխանցվում ծննդաբերական ուղիներով, սակայն կան այնպիսիք, որոնք պտղին են փոխանցվում  ներարգանդային կյանքում:

Բժիշկը բուժում է, չի հիվանդացնում

Ակտիվ սեռական կյանքով ապրող,  զուգընկերներին հաճախ փոխող բոլոր անձանց մասնագետները խորհուրդ են տալիս տարեկան գոնե մեկ-երկու անգամ այցելել բժշկի, քանի որ մեծաթիվ են հիվանդությունները, որոնք  ընթանում են առանց ախտանշանների:  Սեռավարակների  ախտանշաններն են  միզուղիներից ախտաբանական արտադրությունն ու խոցա-էրոզիվ փոփոխությունները (վերքային մակերես):  «Կարևոր եմ համարում նշել, որ ՄԻԱՎ-ի փոխանցման հավանականությունն էապես մեծանում է այլ սեռավարակների առկայության դեպքում»: Սեռավարակների հետագա բացասական հետևանքներից խուսափելու, ժամանակին հայտնաբերելու ու բուժելու համար բժիշկները կոչ են անում չհապաղել ու դիմել բժշկական խորհրդատվության:

Զուգընկերները միասին պետք է դիմեն բժշկի

Եթե զույգերից մեկը հիվանդ է և բուժվում է, իսկ մյուսը` ոչ, ապա այդ բուժումը չի կարող արդյունավետ լինել, քանի որ սեռավարակները միանձնյա հիվանդություններ չեն, և մեկի մոտ հայտնաբերելով հիվանդությունը, պետք է մյուսին էլ բուժեն, հետևաբար մեր «հերոսուհուն»` Տաթևին, մաշկաբան Կարեն Վարդանյանը հորդորում է պահպանել իր իրավունքները, պահանջել, որ իր հետ բժշկական խորհրդատվության գնա և ամուսինը, հակառակ դեպքում  բուժումն իմաստ չունի:

Սկզբնաղբյուր. ankakh.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Մեդ-Պրակտիկ

02.02.2016

Հարգելի Anna, բարև Ձեզ: Մենք կարող եք Ձեզ տալ խորհուրդներ հիվանդության վերաբերյալ, ուղղորդել համապատասխան բժշկի մոտ: Բուժման համար հարկավոր է դիմել գինեկոլոգի:

Anna

20.01.2016

Barev dzez es varaqvelem gardnerela hivandutyunov uzumem vor Indz taq dra dexatomser@

Մեդ-Պրակտիկ

14.12.2015

Հարգելի  Gayane, բարև Ձեզ: Միգուցե ուղղակի ճարպագունդ է, սակայն միանշանակ համոզված լինել չի կարելի:

Gayane

13.12.2015

Bjishk jan,@ndhanrapes et urucq@ indz chi anhangstacnum,cav chka @ndhanrapes,,iran es shoshapum em artaqinic,u inq@ sharjoxakan chi,,,skzbum ayn erku hat er,es ushadrutyun chei dardznum skzbum,heto karces erkus@ mecanalov,miacel en irar u dardzel e mek hat mec urucq..uxxaki hima amusnacacem mek amis e,u anhangstanum em da lurj xndir e ardyoq??

Մեդ-Պրակտիկ

13.12.2015

Հարգելի Gayane, բարև Ձեզ: Ձեր նկարագրածը սեռավարակին բնորոշ չէ: Խնդրում եմ նշեք, գոկացությունը շարժուն է, թե ոչ, ցավոտ է, թե անցավ և մաշկի տակ եք շոշափում, թե արտաքինից:

gayane

11.12.2015

Barev dzez,,es uzum em anpayman imanal,,heshtocis shurj@,azdris hatvacum ,mot mi tari araj haytnabereci erku urucqner,ev mtaceci kancni,,,bayc mek tari heto arden nkatelem,vor ayd erku urucqner@,mecacel en u grete mek en darcel,,es shoshapum em da ,ev zgum em vor shat e mecacel ir chapseric,,,uzum em chshtel da kap uni inch vor varaki het...

Մեդ-Պրակտիկ

01.02.2015

Հարգելի Ashot, անկախ նրանից Ձեր կինը հանձնել է անալիզ թե ոչ, միանշանակ նա նույնպես պետք է  ստանա բուժում: Կանանց տռիխոմոնիազի բուժումը բացի հաբերից ներառում է նաև հեշտոցային մոմիկներ: Խորհուրդ է տրվում բուժում ստանալ բժշկի նշանակմամբ և հսկողության տակ:

Ashot

23.01.2015

barev dzez, im mot haytnabervel e trixomonoz virus@, ardyoq karox e kins xmi nuyn dexer@ inch vor es, ete kins analizner chi tvel

Մեդ-Պրակտիկ

21.12.2014

Հարգելի Լիլիթ և Karine, գարդներելլան կնոջ հեշտոցի նորմալ միկրոֆլորայում կա և կարող է գլուխ բարձրացնել, այպես կոչված, հեշտոցի դիսբիոզի դեպքում, այսինքն, երբ խախտվում է նորմալ միկրոֆլորան: Միկրոֆլորան կարող է խախտվել տարբեր պատճառներով` երկարատև հակաբիոտիկների օգտագործում, միզասեռական համագարգի այլ ինֆեկցիոն հիվանդություններ, երկարատև սթրեսսային վիճակներ: Գարդներելլան որոշ դեպքերում կարող է նաև փոխանցվել ամուսնուց կնոջը: Նշենք, որ այն նույնպես կա տղամարդկանց միզասեռական համակարգի նորմալ միկրոֆլորայում, սակայն չի ախտահարում տղամարդկանց: Գարդներելյոզը պահանջում է դեղորայքային բուժում:

Մանրամասն՝ հոդվածում, որի հղումը ներկայացնում ենք ստորև.

http://lechenie-simptomy.ru/gardnerella-u-zhenshin

karine

21.11.2014

բարեվ դեզ չեիք ասի գառդնեռելան սեռավարաք է

լիլիթ

03.11.2014

barev dzez aysor parzvec vor indz mot ka gardnerela,uzum em haskanam inchic karoxa da linel

Haykuhi

09.05.2014

shnorhakalutyun

Մեդ-Պրակտիկ

09.05.2014

Հարգելի HAYKUHI, բարև Ձեզ, գարդներելյոզը բուժվում է 2 էտապով: 1-ին ՝էտապը տևում է 7-10 օր, 2-րդ՝ 12-15 օր: Բուժումն ավարտելուց 1 շաբաթ անց կատարվում է կրկնակի հետազոտություն՝ պարզելու բուժման արդյունավետությունը:

HAYKUHI

08.05.2014

Mek tari araj amusnus mot haytnabervec trixomonoz isk indz mot gardnerela virus@ menq buzhvecinq chnayac vor im analiznerum misht arka er gardner@, uxaki im bzhishk@ matneri aranqov er nayum ays bakteiayin hima mer erkusi motel gardnerelae uqich sunk krkin buzhman kurs enq ancnum uzum em imanal erkaratev bujum e pahanjvum ev ays virus@ himnovin buzhvume te voch.

Կարդացեք նաև

Ախտանշաններ, որոնք կօգնեն վաղ շրջանում հայտնաբերել վեներական հիվանդությունները
Ախտանշաններ, որոնք կօգնեն վաղ շրջանում հայտնաբերել վեներական հիվանդությունները

Գործնականում սեռական կյանքով ապրող յուրաքանչյուրը սեռական ճանապարհով փոխանցվող հիվանդության խնդիր ունեցել է: Այդ հիվանդությունները 30-ից ավելի են: Մահացու ՁԻԱՀ-ից մինչև խլամիդիա սեռական ճանապարհով են փոխանցվում...

Սեռական ճանապարհով փոխանցվող ինֆեկցիաներ. izmirlianmedicalcenter.com
Սեռական ճանապարհով փոխանցվող ինֆեկցիաներ. izmirlianmedicalcenter.com

Սեռական ճանապարհով փոխանցվող ինֆեկցիաները բավականին հաճախ են հանդիպում: ԱՄՆ-ում տարեկան գրանցվում է մոտավորապես 20 միլիոն նոր դեպք, որոնց կեսը հայտնաբերվում է 15-24 տարեկան անձանց մոտ...

ՄԻԱՎ վարակ
ՄԻԱՎ վարակ

ՄԻԱՎ վարակը երկարատև ընթացքով քրոնիկ վարակային հիվանդություն է, որի հարուցիչը մարդու իմունային անբավարարության վիրուսն է՝ ՄԻԱՎ-ը: Ներթափանցելով օրգանիզմ` ՄԻԱՎ-ն ախտահարում է իմունային...

Վարակաբանություն
Վեներական հիվանդություններն աշխարհում, այդ թվում՝ Հայաստանում, աճում են
Վեներական հիվանդություններն աշխարհում, այդ թվում՝ Հայաստանում, աճում են

Վեներական հիվանդություններն ամբողջ աշխարհում, այդ թվում՝ Հայաստանում, աճման միտում ունեն: Հայաստանում այդ հիվանդությունների, դրանց վիճակագրության, ախտորոշման եւ բուժման մեթոդների մասին NEWS.am Style-ի թղթակիցը զրուցել է Սեքսոպաթոլոգիայի կլինիկայի...

ՄԻԱՎ (HIV) վարակ
ՄԻԱՎ (HIV) վարակ

ՄԻԱՎ (Մարդու իմուն անբավարարության վիրուսային) վարակը հարուցվում է իմուն անբավարարության վիրուսի կողմից, որն ախտահարում և թուլացնում է մարմնի իմուն (անընկալ) համակարգը...

Վարակաբանություն
ՁԻԱՀ-ն անհետացող վարա՞կ է դառնում

Մոտակա տարիներին հնարավոր է, որ ՁԻԱՀ-ը «XX և XXI դարերի անբուժելի ժանտախտի» խմբից վերջնականապես անցնի անհետացող վիրուսային ինֆեկցիաների շարքին: ՄԱԿ-ի փորձագետները նշում են, որ ՄԻԱՎ-հվանդացությունն ամբողջ աշխարհում շարունակում է նվազել...

Վարակաբանություն Առողջապահության լրատու 18-19.2012
ՁԻԱՀ-ը յուրաքանչյուրի պնդիրն է
ՁԻԱՀ-ը յուրաքանչյուրի պնդիրն է

Մեր հարցերին պատասխանում է ՀՀ ԱՆ ՁԻԱՀ-ի կանխարգելման հանրապետական կենտրոնի տնօրեն, բ.գ.դ., պրոֆեսոր Սամվել Գրիգորյանը...

Մաշկաբանություն Հրատապ թեմա Հայաստանում Առողջապահության լրատու 18-19.2012
ՄԻԱՎ/ԶԻԱՀ. թվեր և փաստեր

  • ԶԻԱՀ-ն առաջին անգամ ախտորոշվել է 1981 թվականին ԱՄՆ-ում և արդեն աշխարհում 60 միլիոն մարդ վարակվել է ՄԻԱՎ-ով: Ըստ ՄԱԿ-ի տվյալների, այսօր ամեն օր ՄԻԱՎ-ով վարակվում է 15-24 տարեկան մոտ 2400 երիտասարդ...

Թվեր և փաստեր Վարակաբանություն Առողջապահության լրատու 18-19.2012
Մաշկաբանության և սեռավարակաբանության բժշկագիտական կենտրոնի տեղեկատվություն

Հայաստանում սեռական ճանապարհով փոխանցվող հիվանդությունների` սեռավարակների թվի աճ է արձանագրվել, որին «նպաստել» են բնակչության կենսամակարդակի նվազումը, մարմնավաճառությունը,«սեռական հեղաշրջումը»...

Առողջապահություն 1.2012
Կանդիդոզը որպես սեռավարակ
Կանդիդոզը որպես սեռավարակ

Կանդիդոզը որպես սեռական ճանապարհով փոխանցվող հիվանդություն` մեր հանրապետությունում բոլոր սեռավարակների մեջ վերջին 10 տարիների ընթացքում արձանագրված դեպքերի թվով զբաղեցրել է առաջին տեղը...

Վարակաբանություն Պերինատոլոգիա, մանկաբարձություն և ուրո-գինեկոլոգիա Ուրո-անդրոլոգիա Առողջապահություն 1.2012
ՄԻԱՎ/ՁԻԱՀ-ը` որպես առողջ ապահական համակարգին մարտահրավեր և դրան հակազդումը
ՄԻԱՎ/ՁԻԱՀ-ը` որպես առողջ  ապահական համակարգին մարտահրավեր և դրան հակազդումը

Դեռևս 1981 թվականին իր գոյության մասին ազդարարած ՁԻԱՀ-ն առաջին հերթին մարտահրավեր էր առողջապահական համակարգին, որը համաճարակի սկզբում իր վրա վերցրեց խնդրին դիմակայելու հիմնական ծանրությունը...

Վարակաբանություն Հրատապ թեմա Աշխարհում Առողջապահության լրատու 1.2011
Հայաստանում արձանագրված սեռավարակների դեպքերը

XX դարի վերջին և XXI դարի սկզբին Հայաստանի Հանրապետությունը զգալի զարգացում ապրեց, սակայն դրան զուգահեռ ավելացավ սեռական ճանապարհով փոխանցվող հիվանդությունների` սեռավարակների (ՍՎ) թիվը, որին նպաստեցին...

Առողջապահություն 1.2011
ՄԱԿ-ի ՄԻԱՎIՁԻԱՀ-ի միացյալ ծրագրի տերմինաբանության ուղեցույց

Փետրվար, 2008թ., Ներածություն 

ՄԱԿ-ի ՄԻԱՎ/ՁԻԱՀ-ի միացյալ ծրագրի մշակած նախընտրելի տերմինների սույն ցանկը նախատեսված է ծրագրի տասը համահովանավորող կազմակերպությունների աշխատակազմերի...

Վարակաբանություն Հայաստանի հանրային առողջության ամսական զեկույց 1-12.2010
ՄԻԱՎ/ՁԻԱՀ-ը ներառվեց հատուկ ցանկում

ՀՀ կառավարությունն այսօրվա նիստում որոշել է իր ավելի վաղ ընդունած «Անվճար կամ արտոնյալ պայմաններով դեղեր ձեռք բերելու իրավունք ունեցող բնակչության սոցիալական խմբերի և հիվանդությունների ցանկերը հաստատելու մասին» որոշման ցանկ ներառել...

Վարակաբանություն Հրատապ թեմա Հայաստանում ԼՈՒՐԵՐ: Բժշկական իրավունք ԼՈՒՐԵՐ: Դեղագործական շուկան Հայաստանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ